ಎ.ಐ. ಕ್ಯಾಮೆರಾಗಳಿಂದ ರಸ್ತೆಗಳ ಸ್ಥಿತಿಯನ್ನು ಮೇಲ್ವಿಚಾರಣೆ ಮಾಡಲು ಸಾಧ್ಯವಿಲ್ಲ: ಕೇರಳ ಸರ್ಕಾರ

                ಕೊಚ್ಚಿ: ಸಂಚಾರ ಉಲ್ಲಂಘನೆ ಪತ್ತೆಗಾಗಿ ಕೇರಳದಾದ್ಯಂತ ಅಳವಡಿಸಲಾಗಿರುವ ಎಐ ಕ್ಯಾಮೆರಾಗಳು ರಸ್ತೆಗಳ ಸ್ಥಿತಿಯನ್ನು ನಿರ್ಣಯಿಸಲು ಸೂಕ್ತವಲ್ಲ ಎಂದು ರಾಜ್ಯ ಸರ್ಕಾರ ಬುಧವಾರ ಕೇರಳ ಹೈಕೋರ್ಟ್‍ಗೆ ತಿಳಿಸಿದೆ.

                      ರಾಜ್ಯಾದ್ಯಂತ ಎಐ(ಕೃತಕ ಬುದ್ಧಿಮತ್ತೆ) ಚಾಲಿತ 722 ಕ್ಯಾಮೆರಾಗಳನ್ನು ಅಳವಡಿಸಲಾಗಿದೆ ಎಂದು ಅದು ಹೇಳಿದೆ. 25 ಮೀ ದೂರವನ್ನು ಅಥವಾ ವ್ಯಾಪ್ತಿಯನ್ನು ಹೊಂದಿದೆ ಎಂದು ಸರ್ಕಾರ ಹೇಳಿದೆ. ರಾಜ್ಯದಲ್ಲಿ 40,000 ಕಿ.ಮೀ.ಗೂ ಹೆಚ್ಚು ವ್ಯಾಪ್ತಿಯ ರಸ್ತೆಗಳ ಮೇಲೆ ನಿಗಾ ಇಡಲು ಕ್ಯಾಮೆರಾಗಳು ಅಸಮರ್ಪಕವಾಗಿವೆ ಎಂದು ಅದು ಹೇಳಿದೆ. ಈ ಸಂದರ್ಭದಲ್ಲಿ, ರಾಜ್ಯದ ಸುಮಾರು 20 ಕಿಮೀ ರಸ್ತೆಗಳು ಮಾತ್ರ ಕ್ಯಾಮೆರಾಗಳ ವ್ಯಾಪ್ತಿಗೆ ಬರುತ್ತವೆ ಎಂದು ಸರ್ಕಾರ ಹೇಳಿದೆ, ಜೊತೆಗೆ, ಕ್ಯಾಮೆರಾಗಳು ಸಂಚಾರ ಉಲ್ಲಂಘನೆಯ ಚಿತ್ರಗಳನ್ನು ಮಾತ್ರ ತೆಗೆದುಕೊಳ್ಳುತ್ತವೆ ಎಂದು ಹೇಳಲಾಗಿದೆ.       

                   ರಸ್ತೆಗಳ ಮೇಲ್ವಿಚಾರಣೆಗೆ ಪರ್ಯಾಯ ಕ್ರಮಗಳ ಕುರಿತು ಹೈಕೋರ್ಟ್‍ನ ಪ್ರಶ್ನೆಗೆ ಪ್ರತಿಕ್ರಿಯಿಸಿದ ಸರ್ಕಾರ, ಈಗಾಗಲೇ ಪ್ರತಿ ರಸ್ತೆಗೆ ಲೋಕೋಪಯೋಗಿ ಇಲಾಖೆ ಅಧಿಕಾರಿಗಳನ್ನು ನಿಯೋಜಿಸಲಾಗಿದ್ದು, ರಸ್ತೆಗಳನ್ನು ಸರಿಯಾಗಿ ನಿರ್ವಹಿಸುವಲ್ಲಿ ವಿಫಲವಾದರೆ ಹೊಣೆಗಾರರಾಗಿರಬೇಕಾಗುತ್ತದೆ ಎಂದಿದೆ.                    ‘ರಸ್ತೆ ನಿರ್ವಹಣಾ ಅಧಿಕಾರಿಗಳ ಕರ್ತವ್ಯ’

               ರಾಜ್ಯದ ರಸ್ತೆಗಳ ದಯನೀಯ ಸ್ಥಿತಿಗೆ ಸಂಬಂಧಿಸಿದ ಅರ್ಜಿಗಳ ಒಂದು ಬ್ಯಾಚ್ ಅನ್ನು ಆಲಿಸಿದ ಹೈಕೋರ್ಟ್, ಎಐ ಕ್ಯಾಮೆರಾಗಳು ರಸ್ತೆಗಳ ಸ್ಥಿತಿಯನ್ನು ಮೇಲ್ವಿಚಾರಣೆ ಮಾಡಬಹುದು ಎಂದು ಸೂಚಿಸಿತ್ತು. ರಸ್ತೆಗಳನ್ನು ನಿರ್ವಹಣೆ ಮಾಡುವುದು ಸಂಬಂಧಪಟ್ಟ ಅಧಿಕಾರಿಗಳ ಜವಾಬ್ದಾರಿ ಎಂದು ನ್ಯಾಯಾಲಯ ಸರ್ಕಾರಕ್ಕೆ ತಾಕೀತು ಮಾಡಿದೆ.

             ಮೋಟಾರು ವಾಹನ ಇಲಾಖೆಯು 232 ಕೋಟಿ ರೂ.ಗೆ ಅಳವಡಿಸಿರುವ ಎಐ ಕ್ಯಾಮೆರಾಗಳು ಜೂನ್ 5 ರಿಂದ ಅಪರಾಧಿಗಳಿಗೆ ಚಲನ್‍ಗಳನ್ನು ನೀಡಲಾರಂಭಿಸಿದವು. ಕ್ಯಾಮೆರಾಗಳನ್ನು ಅಳವಡಿಸಿದ ನಂತರ ಅಪಘಾತಗಳು ಮತ್ತು ಅಪಘಾತಗಳ ಸಾವಿನ ಸಂಖ್ಯೆ 65 ರಿಂದ  60 ಶೇ. ದÀಷ್ಟು ಕಡಿಮೆಯಾಗಿದೆ ಎಂದು ಸರ್ಕಾರ ಹೇಳಿಕೊಂಡಿದೆ. ಕಳೆದ ವರ್ಷ ಇದೇ ತಿಂಗಳಿಗೆ ಹೋಲಿಸಿದರೆ ಈ ಜೂನ್ ನಲ್ಲಿ ಕ್ರಮವಾಗಿ ಶೇ.60 ರಷ್ಟು ಕಡಿಮೆಯಾಗಿದೆ.