ರಸ್ತೆ ಅಪಘಾತ ನಿಯಂತ್ರಿಸಲು ಜಿಲ್ಲಾಧಿಕಾರಿಗಳ ಅಧ್ಯಕ್ಷತೆಯಲ್ಲಿ ಸಭೆ

ಕಾಸರಗೋಡು: ಜಿಲ್ಲೆಯಲ್ಲಿ ರಸ್ತೆ ಅಪಘಾತಗಳನ್ನು ಕಡಿಮೆ ಮಾಡುವ ಭಾಗವಾಗಿ, ಕಾಸರಗೋಡು ಜಿಲ್ಲಾಧಿಕಾರಿ ಕೆ.ಇಂನ್ಭಾಶೇಖರ್ ಅವರ ಅಧ್ಯಕ್ಷತೆಯಲ್ಲಿ ಕಲೆಕ್ಟರ್ ಸಭಾಂಗಣದಲ್ಲಿ ಸಭೆ ನಡೆಯಿತು. ಐಐಟಿ ಮದ್ರಾಸ್ ನೇತೃತ್ವದ ರಸ್ತೆ ಸುರಕ್ಷತೆ ಡೇಟಾ ಚಾಲಿತ ಹೈಪರ್‍ಲೋಕಲ್ ಇಂಟರ್‍ವೆನ್ಷನ್ಸ್ (ಡಿಡಿಎಚ್‍ಐ) ಕೇಂದ್ರದ ಅನುಷ್ಠಾನದ ಭಾಗವಾಗಿ ಸಭೆ ನಡೆಯಿತು. ಸಭೆಯಲ್ಲಿ, ಐಐಟಿ ಮದ್ರಾಸ್ ಪ್ರತಿನಿಧಿ ರೋಷನ್ ಜೋಸ್ ರಸ್ತೆ ಅಪಘಾತಗಳನ್ನು ಕಡಿಮೆ ಮಾಡಲು ಕ್ರಮಗಳು ಮತ್ತು ಚಟುವಟಿಕೆಗಳನ್ನು ವಿವರಿಸಿದರು. ರಸ್ತೆ ಸುರಕ್ಷತೆಗೆ ಸಂಬಂಧಿಸಿದಂತೆ ಅಭಿವೃದ್ಧಿಪಡಿಸಲಾದ ಅಪ್ಲಿಕೇಶನ್ ಮೂಲಕ ಸಂಚಾರ ನಿಯಮಗಳ ಉಲ್ಲಂಘನೆ ಮತ್ತು ಎಂಜಿನಿಯರಿಂಗ್ ನ್ಯೂನತೆಗಳಿಂದ ಉಂಟಾಗುವ ಅಪಘಾತಗಳನ್ನು ತಡೆಗಟ್ಟಬಹುದು ಎಂದು ರೋಷನ್ ಜೋಸ್ ಅಭಿಪ್ರಾಯಪಟ್ಟರು.

ಸಭೆಯಲ್ಲಿ ಉಪ ಡಿಎಂಒ ಡಾ. ಕೆ. ಕೆ. ಶಾಮಿಲಿ, ಡಿವೈಎಸ್‍ಎ ಅನಿಲ್ ಕುಮಾರ್, ಲೋಕೋಪಯೋಗಿ ರಸ್ತೆಗಳ ಸಹಾಯಕ ಕಾರ್ಯನಿರ್ವಾಹಕ ಎಂಜಿನಿಯರ್‍ಗಳಾದ ಬಾಲಕೃಷ್ಣನ್ ಮತ್ತು ಶ್ರೀನಿತ್ ಕುಮಾರ್, ಜಿಲ್ಲಾ ಆರ್‍ಟಿಒಗಳಾದ ಬಿ. ಸಾಜು, ಕೆ. ವಿ. ಪ್ರೇಮರಾಜನ್ ಮತ್ತು ಐಐಟಿ ಮದ್ರಾಸ್ ಪ್ರತಿನಿಧಿ ಅಬು ಜಾಕೋಬ್ ಭಾಗವಹಿಸಿದ್ದರು.