ನಿಮೆಸುಲೈಡ್‌ ಒಳಗೊಂಡ ಔಷಧ ನಿಷೇಧ: ಕೇಂದ್ರ ಆರೋಗ್ಯ ಸಚಿವಾಲಯ

ನವದೆಹಲಿ: 100 ಎಂಜಿಗಿಂತ ಹೆಚ್ಚು ನಿಮೆಸುಲೈಡ್‌ ನೋವು ನಿವಾರಕವನ್ನು ಒಳಗೊಂಡಿರುವ ಮಾತ್ರೆ ಸೇರಿದಂತೆ ಸೇವಿಸುವ ಎಲ್ಲ ಔಷಧಿಗಳ ಉತ್ಪಾದನೆ, ಮಾರಾಟ ಮತ್ತು ವಿತರಣೆಯನ್ನು ಕೇಂದ್ರ ಆರೋಗ್ಯ ಸಚಿವಾಲಯವು ನಿಷೇಧಿಸಿದೆ.

ಮಾನವನ ಆರೋಗ್ಯಕ್ಕೆ ಗಂಭೀರ ಅಪಾಯ ಇರುವ ಕಾರಣ ಈ ನಿರ್ಧಾರ ಕೈಗೊಳ್ಳಲಾಗಿದೆ ಎಂದು ಅಧಿಕೃತ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.

ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿಯ (ಐಸಿಎಂಆರ್‌) ಶಿಫಾರಸಿನ ಬಳಿಕ ಈ ನಿರ್ಧಾರ ಕೈಗೊಳ್ಳಲಾಗಿದೆ. ಸಾರ್ವಜನಿಕ ಹಿತಾಸಕ್ತಿಯ ಹಿತದೃಷ್ಟಿಯಿಂದ 100 ಎಂಜಿಗಿಂತ ಹೆಚ್ಚಿರುವ ನಿಮೆಸುಲೈಡ್‌ ಒಳಗೊಂಡ ಔಷಧಗಳ ಬಳಕೆಯನ್ನು ತತ್‌ಕ್ಷಣದಿಂದ ಜಾರಿಗೆ ಬರುವಂತೆ ನಿಷೇಧಿಸಲಾಗಿದೆ ಎಂದು ತಿಳಿಸಿದೆ.