‘ಈಗ, ಈಗ ಎಂದು ಕಾದದ್ದೇ ಬಂತು’- ಮತ್ತೆ ನಿರಾಶೆ; ಕೇರಳ ಸಿಎಂ ಘೋಷಣೆ ನಾಳೆಗೆ ಮುಂದೂಡಿದ ಕಾಂಗ್ರೆಸ್ ಹೈಕಮಾಂಡ್!

ನವದೆಹಲಿ: ‘ಈಗ, ಈಗ ಘೋಷಿಸುತ್ತೇವೆ’, ‘ಈಗ ಘೋಷಿಸುವರು’ ಎಂದು ಕಾಯುತ್ತಿದ್ದವರಿಗೆ ಕಾಂಗ್ರೆಸ್ ಹೈಕಮಾಂಡ್ ಮತ್ತೊಮ್ಮೆ ನಿರಾಶೆಗೊಳಿಸಿದೆ. ಕೇರಳ ಸಿಎಂ ಘೋಷಣೆ ನಾಳೆಗೆ ಮುಂದೂಡಲಾಗಿದೆ ಎಂದು ಹಿರಿಯ ಕಾಂಗ್ರೆಸ್ ನಾಯಕ ಜೈರಾಮ್ ರಮೇಶ್ ತಿಳಿಸಿದ್ದಾರೆ. 

ಎಐಸಿಸಿ ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆ ಅವರ ನಿವಾಸದಲ್ಲಿ ಇಂದು ಸಂಜೆ ನಡೆದ ಸಭೆಯ ನಂತರ ಅವರು ಮಾಧ್ಯಮಗಳಿಗೆ ಮಾಹಿತಿ ನೀಡಿದರು. ರಾಹುಲ್ ಗಾಂಧಿ, ಖರ್ಗೆ ಮತ್ತು ಜಯರಾಮ್ ರಮೇಶ್ ಸಭೆಯಲ್ಲಿ ಭಾಗವಹಿಸಿದ್ದರು.

ಮುಖ್ಯಮಂತ್ರಿ ಹುದ್ದೆಗೆ ಹಕ್ಕು ಮಂಡಿಸುತ್ತಿರುವ ವಿರೋಧ ಪಕ್ಷದ ನಾಯಕ ವಿ.ಡಿ. ಸತೀಶನ್, ಹಿರಿಯ ನಾಯಕ ರಮೇಶ್ ಚೆನ್ನಿತ್ತಲ, ಎಐಸಿಸಿ ಪ್ರಧಾನ ಕಾರ್ಯದರ್ಶಿ ಕೆ.ಸಿ. ವೇಣುಗೋಪಾಲ್ ಮತ್ತು ಇತರ ಬಣಗಳು ಆತಂಕ ಮತ್ತು ಚಿಂತಿತರಾಗಿದ್ದಾರೆ.

ಘೋಷಣೆಗೂ ಮುನ್ನ ಮತ್ತೊಮ್ಮೆ ಮಿತ್ರಪಕ್ಷಗಳ ಅಭಿಪ್ರಾಯ ಕೇಳಲಾಯಿತು. ಕಾಂಗ್ರೆಸ್ ಅಧ್ಯಕ್ಷೆ ಸೋನಿಯಾ ಗಾಂಧಿ ಮತ್ತು ಮುಸ್ಲಿಂ ಲೀಗ್ ರಾಜ್ಯಾಧ್ಯಕ್ಷ ಸಾದಿಕಲಿ ಶಿಹಾಬ್ ಅವರನ್ನು ದೂರವಾಣಿಯಲ್ಲಿ ಕರೆದು ಚರ್ಚೆ ನಡೆಸಿದರು. ರಾಜ್ಯದ ರಾಜಕೀಯ ಪರಿಸ್ಥಿತಿ ಮತ್ತು ಮಿತ್ರಪಕ್ಷಗಳ ನಿಲುವಿನ ಬಗ್ಗೆ ಸೋನಿಯಾ ಗಾಂಧಿ ವಿಚಾರಿಸಿದರು ಎನ್ನಲಾಗಿದೆ.