ವೆಲ್ಲಾಪ್ಪಳ್ಳಿ ರಾಜೀನಾಮೆ ನೀಡಬೇಕು: ಸಭೆಯ ಇತಿಹಾಸದಲ್ಲಿ ಯಾವುದೇ ಪದಾಧಿಕಾರಿಗಳು ಆರೋಪ ಪಟ್ಟಿಯಲ್ಲಿದ್ದಿರಲಿಲ್ಲ: ರಕ್ಷಣಾ ಸಮಿತಿ

ಆಲಪ್ಪುಳ: ಎಸ್‍ಎನ್‍ಡಿಪಿ ಯೋಗಂ ರಕ್ಷಣಾ ಸಮಿತಿ ವೆಲ್ಲಾಪ್ಪಳ್ಳಿ ನಟೇಶನ್ ಅವರು ಎಸ್‍ಎನ್‍ಡಿಪಿ ಯೋಗಂ ಪ್ರಧಾನ ಕಾರ್ಯದರ್ಶಿ ಹುದ್ದೆಗೆ ರಾಜೀನಾಮೆ ನೀಡಬೇಕೆಂದು ಒತ್ತಾಯಿಸಿದೆ.  

ಮೈಕ್ರೋಫೈನಾನ್ಸ್ ವಂಚನೆ ಪ್ರಕರಣದಲ್ಲಿ ವೆಲ್ಲಾಪ್ಪಳ್ಳಿ ವಿರುದ್ಧದ ಆರೋಪ ಪಟ್ಟಿಯಲ್ಲಿ ವಿಜಿಲೆನ್ಸ್ ನಿರ್ದೇಶಕರು ಅನುಮೋದನೆ ನೀಡಿದ ಹಿನ್ನೆಲೆಯಲ್ಲಿ ಈ ಬೇಡಿಕೆ ಮುಂದಿರಿಸಲಾಗಿದೆ. ಎಸ್‍ಎನ್‍ಡಿಪಿ ಸಭೆಯ ಇತಿಹಾಸದಲ್ಲಿ ಒಬ್ಬ ಪದಾಧಿಕಾರಿಗಳನ್ನೂ ಆರೋಪ ಪಟ್ಟಿಯಲ್ಲಿ ಸೇರಿಸಲಾಗಿಲ್ಲ ಎಂದು ರಕ್ಷಣಾ ಸಮಿತಿ ಅಧ್ಯಕ್ಷ ಎಸ್. ಚಂದ್ರಸೇನನ್ ಹೇಳಿದ್ದಾರೆ. ಎಸ್‍ಎನ್‍ಡಿಪಿ ಸಭೆಯನ್ನು ಲೂಟಿ ಮಾಡಲಾಗಿದೆ ಮತ್ತು ಭ್ರಷ್ಟಾಚಾರ ನಡೆದಿದೆ ಎಂಬುದಕ್ಕೆ ಕಾಂಕ್ರೀಟ್ ಪುರಾವೆಗಳೊಂದಿಗೆ ಆರೋಪ ಪಟ್ಟಿಯನ್ನು ಸಿದ್ಧಪಡಿಸಲಾಗಿದೆ. ಕೆಕೆ ಮಹೇಶನ್ ಅವರ ಸಾವಿನಲ್ಲೂ ವೆಲ್ಲಾಪ್ಪಳ್ಳಿ ಆರೋಪಿಯಾಗಿದ್ದಾರೆ. ಹಿಂದಿನ ಸರ್ಕಾರದ ಪ್ರಭಾವದಿಂದಾಗಿ ವೆಲ್ಲಾಪ್ಪಳ್ಳಿ ಅನೇಕ ಪ್ರಕರಣಗಳಿಂದ ತಪ್ಪಿಸಿಕೊಂಡಿದ್ದಾರೆ. ಅವರಿಗೆ ಲಭಿಸಿರುುವ ಪದ್ಮಶ್ರೀ ಪುರಸ್ಕಾರದ ಹಿಂದೆ ಭ್ರಷ್ಟಾಚಾರದ ಕರಿನೆರಳು ದಟ್ಟವಾಗಿದೆ ಎಂದು ಚಂದ್ರಸೇನನ್ ಹೇಳಿದ್ದಾರೆ.