ಕಾಸರಗೋಡಲ್ಲೇ ಮೊದಲು; ಮುಳಿಯಾರ್ ಪಂಚಾಯತಿಗೆ ಭೇಟಿ ನೀಡುವವರಿಗೆ ಉಚಿತ ಚಹಾ

ಕಾಸರಗೋಡು: ವಿವಿಧ ಉದ್ದೇಶಗಳಿಗಾಗಿ ಮುಳಿಯಾರ್ ಗ್ರಾಮ ಪಂಚಾಯತಿಗೆ ಭೇಟಿ ನೀಡುವವರು ಇನ್ನು ಉಚಿತ ಚಹಾ ಪಡೆಯಬಹುದು. ವೃದ್ಧರು, ಮಹಿಳೆಯರು, ಅಂಗವಿಕಲರು ಸೇರಿದಂತೆ ಎಲ್ಲರಿಗೂ ಕಾಯುವ ಸಮಯವನ್ನು ಹೆಚ್ಚು ಆರಾಮದಾಯಕವಾಗಿಸುವ ಉದ್ದೇಶದಿಂದ ಚಹಾ ಮಾರಾಟ ಯಂತ್ರವನ್ನು ಪರಿಚಯಿಸಲಾಗಿದೆ. ಪಂಚಾಯತಿ ಕಚೇರಿಯಲ್ಲಿ ಸಾರ್ವಜನಿಕರಿಗೆ ಇಂತಹ ಸೌಲಭ್ಯವನ್ನು ಒದಗಿಸುತ್ತಿರುವುದು ಕಾಸರಗೋಡು ಜಿಲ್ಲೆಯಲ್ಲಿ ಇದೇ ಮೊದಲು.

ಜನಸ್ನೇಹಿ ಆಡಳಿತದ ಭಾಗವಾಗಿ ಈ ಹೊಸ ಉಪಕ್ರಮವನ್ನು ಪ್ರಾರಂಭಿಸಲಾಗಿದೆ ಎಂದು ಪಂಚಾಯತಿ ಆಡಳಿತ ಸಮಿತಿ ತಿಳಿಸಿದೆ. ಸಾರ್ವಜನಿಕರಿಗೆ ಹೆಚ್ಚು ಸ್ನೇಹಪರ ಮತ್ತು ಮಾನವೀಯ ಸೇವೆಗಳನ್ನು ಖಚಿತಪಡಿಸಿಕೊಳ್ಳುವ ಗುರಿಯನ್ನು ಹೊಂದಿರುವ ಈ ಉಪಕ್ರಮವು ರಾಜ್ಯದ ಇತರ ಸ್ಥಳೀಯಾಡಳಿತ ಸಂಸ್ಥೆಗಳಿಗೆ ಉತ್ತಮ ಮಾದರಿಯಾಗಿದೆ.

ಟೀ ವೆಂಡಿಂಗ್ ಮೆಷಿನ್ ಉದ್ಘಾಟನೆ:

ಪಂಚಾಯತಿ ಕಚೇರಿಯಲ್ಲಿ ಸ್ಥಾಪಿಸಲಾದ ಟೀ ವೆಂಡಿಂಗ್ ಮೆಷಿನ್ ಮೂಲಕ ಸಂದರ್ಶಕರು ಸುಲಭವಾಗಿ ಚಹಾವನ್ನು ಪಡೆಯಲು ಸಾಧ್ಯವಾಗುತ್ತದೆ. ಗ್ರಾಮ ಪಂಚಾಯತಿ ಅಧ್ಯಕ್ಷ ಕೆ.ಬಿ. ಮುಹಮ್ಮದ್ ಕುಂಞÂ ಟೀ ವೆಂಡಿಂಗ್ ಮೆಷಿನ್ ಅನ್ನು ಉದ್ಘಾಟಿಸಿದರು. ಉಪಾಧ್ಯಕ್ಷೆ ಸಿ.ಕೆ. ಪುಷ್ಪಕುಮಾರಿ ಅಧ್ಯಕ್ಷತೆ ವಹಿಸಿದ್ದರು.

ಕಾರ್ಯಕ್ರಮದಲ್ಲಿ ಕಾರ್ಯದರ್ಶಿ ಕೆ.ಪ್ರೇಮಲತಾ, ಸ್ಥಾಯಿ ಸಮಿತಿ ಅಧ್ಯಕ್ಷರಾದ ಹನೀಫ ಪೈಕ, ಅನೀಸ್ ಮನ್ಸೂರ್ ಮಲ್ಲ, ಸದಸ್ಯರಾದ ರುಶ್ದಾ ರಝಾಕ್, ಆಯೇಷಾ ಅಬ್ದುಲ್ ರಹಮಾನ್, ಲುಬ್ನಾ ಮುನೀರ್, ಎಂ.ಅನನ್ಯ, ಉಲ್ಲಾಸ್ ಎಂ, ಟಿ ರೇಣುಕಾ, ಕೆ ಪ್ರಭಾಕರನ್, ಇ ಮೋಹನನ್, ಜಯಕೃಷ್ಣನ್ ಮಾಸ್ತರ್, ರಮೇಶ ಮುದಲಪ್ಪಾರ, ಮಿಸಿರಿಯಾ ಮೊಕ್ಕಾಡು, ರಫೀಲ್ ಉಪಸ್ಥಿತರಿದ್ದರು.

ಯೋಜನಾ ಸಮಿತಿ ಉಪಾಧ್ಯಕ್ಷ ಬಿ ಎಂ ಅಬೂಬಕರ್, ಸದಸ್ಯರಾದ ಎಸ್ ಎಂ ಮುಹಮ್ಮದ್ ಕುಂಞÂ, ಶರೀಫ್ ಕೊಡವಂಜಿ, ಬಿ ಕೆ ಹಮ್ಜಾ ಆಲೂರ್, ಬಿ ಅಶ್ರಫ್, ಎಂ ಕೆ ಅಬ್ದುಲ್ ರೆಹಮಾನ್, ಮುಹಮ್ಮದ್ ಕುಂಞÂ ಮಾರ್ಕ್, ಅಬ್ಬಾಸ್ ಕೊಲಚಪ್ಪು, ಮುಹಮ್ಮದ್ ಕುಂಞÂ ಬಿಸ್ಮಿಲ್ಲಾ, ಎ ಬಿ ಬಶೀರ್ ಪಲ್ಲಂಗೋಡ್, ಮಸೂದ್ ಬೋವಿಕ್ಕಾನ, ರವೀಂದ್ರನ್ ಪಾಡಿ, ನಿಜಾಮುದ್ದೀನ್ ಬೋವಿಕ್ಕಾನ, ಅಧಿಕಾರಿಗಳು ಮತ್ತು ಸಾರ್ವಜನಿಕರು ಸಮಾರಂಭದಲ್ಲಿ ಉಪಸ್ಥಿತರಿದ್ದರು.

ಯೋಜನೆಗೆ ಅಗತ್ಯವಿರುವ ಚಹಾ ಯಂತ್ರವನ್ನು ಬೋವಿಕ್ಕಾನ ಹೈಯರ್ ಸೆಕೆಂಡರಿ ಶಾಲೆಯ ವ್ಯವಸ್ಥಾಪಕ ಮತ್ತು ಗಲ್ಫ್ ಕೈಗಾರಿಕೋದ್ಯಮಿ ಗಂಗಾಧರನ್ ಪಾಡಿ ಪ್ರಾಯೋಜಿಸಿದ್ದಾರೆ. ಅವರ ಸಹಕಾರದಿಂದ ಈ ಯೋಜನೆಯು ಸಾಕಾರಗೊಂಡಿದೆ.