ಪಾಲಕ್ಕಾಡ್ ರೈಲ್ವೆ ವಿಭಾಗ ವಿಭಜನೆ: ಕೇರಳದಲ್ಲಿ ತೀವ್ರ ಪ್ರತಿಭಟನೆ, ಡಿಆರ್‍ಎಂ ಕಚೇರಿಗೆ ಮುತ್ತಿಗೆ ಹಾಕಿದ ಡಿವೈಎಫ್‍ಐ ಮತ್ತು ಯುವ ಕಾಂಗ್ರೆಸ್

ಪಾಲಕ್ಕಾಡ್: ಪಾಲಕ್ಕಾಡ್ ರೈಲ್ವೆ ವಿಭಾಗ ವಿಭಜನೆ ವಿರೋಧಿಸಿ ಪ್ರತಿಭಟನೆಗಳು ತೀವ್ರಗೊಳ್ಳುತ್ತಿವೆ. ಡಿವೈಎಫ್‍ಐ ಮತ್ತು ಯುವ ಕಾಂಗ್ರೆಸ್ ಡಿಆರ್‍ಎಂ ಕಚೇರಿಗೆ ನಡೆಸಿದ ಪ್ರತಿಭಟನಾ ಮೆರವಣಿಗೆ ಘರ್ಷಣೆಯಲ್ಲಿ ಕೊನೆಗೊಂಡಿತು. 

ಪಾಲಕ್ಕಾಡ್‍ನಲ್ಲಿರುವ ಡಿಆರ್‍ಎಂ ಕಚೇರಿಯ ಗೇಟ್‍ಗಳನ್ನು ತಡೆದು, ಪೋಲೀಸ್ ತಡೆಗೋಡೆ ಮುರಿದು ಗೇಟ್ ಮುಂದೆ ಕುಳಿತು ಪ್ರತಿಭಟಿಸಿದರು. ನೌಕರರನ್ನು ಒಳಗೆ ಬಿಡದ ಬಳಿಕ, ಕೆಲವರು ಗೋಡೆ ಹಾರಿ ಕಚೇರಿ ಪ್ರವೇಶಿಸಿದರು.

ಸುಮಾರು ಎರಡೂವರೆ ಗಂಟೆಗಳ ಕಾಲ ನಡೆದ ಪ್ರತಿಭಟನೆಯ ನಂತರ, ಪೋಲೀಸರು ಕಾರ್ಯಕರ್ತರನ್ನು ಬಂಧಿಸಿ ಸ್ಥಳಾಂತರಿಸಿದರು. ಈ ಮಧ್ಯೆ, ಡಿಆರ್‍ಎಂ ಕಚೇರಿಯ ಮುಂದೆ ಯುವ ಕಾಂಗ್ರೆಸ್ ಕಾರ್ಯಕರ್ತರು ನಡೆಸಿದ ಪ್ರತಿಭಟನೆಯೂ ಘರ್ಷಣೆಗೆ ಕಾರಣವಾಯಿತು. ಪ್ರತಿಭಟನೆಯನ್ನು ಸಂಸದ ವಿ.ಕೆ. ಶ್ರೀಕಂಠನ್ ಉದ್ಘಾಟಿಸಿದರು.