ಸಪ್ಲೈಕೋ ಜಿಲ್ಲಾ ಮಟ್ಟದ ಓಣಂ ಮೇಳಕ್ಕೆ ಇಂದು ಚಾಲನೆ

          ಕಾಸರಗೋಡು: ಹಬ್ಬಗಳ ಸೀಸನ್‍ನಲ್ಲಿ ಮಾರುಕಟ್ಟೆ ಮಧ್ಯಸ್ಥಿಕೆಗಳ ಅಂಗವಾಗಿ ಸಪ್ಲೈಕೋ ಆಶ್ರಯದಲ್ಲಿ ಜಿಲ್ಲಾ ಮಟ್ಟದ ಓಣಂ ಮೇಳ ಆಗಸ್ಟ್ 27 ರಂದು ಆರಂಭಗೊಳ್ಳಲಿದೆ. ಕಾಞಂಗಾಡ್ ಅಲಮಿಪ್ಪಲ್ಲಿ ಮುನ್ಸಿಪಲ್ ಬಸ್ ನಿಲ್ದಾಣದಲ್ಲಿ ಸೆ.7ರವರೆಗೆ ಈ ಮೇಳ ನಡೆಯಲಿದೆ. ಮೇಳದಲ್ಲಿ ಸಪ್ಲೈಕೋ, ಮಿಲ್ಮಾ, ಕುಟುಂಬಶ್ರೀ ಮೊದಲಾದ ಸಂಸ್ಥೆಗಳು ಸ್ಟಾಲ್‍ಗಳನ್ನು ಹೊಂದಲಿವೆ. 27 ರಂದು ಆರಂಭಗೊಳ್ಳುವ ಮೇಳವನ್ನು ಮಧ್ಯಾಹ್ನ 3 ಗಂಟೆಗೆ ಬಂದರು, ಪ್ರಾಚ್ಯವಸ್ತು ಮತ್ತು ಪುರಾತತ್ವ ಇಲಾಖೆ ಸಚಿವ ಅಹ್ಮದ್ ದೇವರಕೋವಿಲ್ ಅವರು ಆನ್‍ಲೈನ್ ಮೂಲಕ ಉದ್ಘಾಟಿಸುವರು. ಶಾಸಕ ಇ.ಚಂದ್ರಶೇಖರನ್ ಅಧ್ಯಕ್ಷತೆ ವಹಿಸುವರು. ಸಮಾರಂಭದಲ್ಲಿ ಜಿಲ್ಲೆಯ ಸಂಸದರು, ಶಾಸಕರು ಮತ್ತಿತರರು ಭಾಗವಹಿಸುವರು. ಪ್ರತಿದಿನ ಬೆಳಗ್ಗೆ 9.30ರಿಂದ ರಾತ್ರಿ 8ರವರೆಗೆ ಮೇಳ ನಡೆಯಲಿದೆ.