ಉದುಮ ಕ್ಷೇತ್ರದ ಓಣಂ ಮೇಳಕ್ಕೆ ಚಾಲನೆ

ಕಾಸರಗೋಡು: ಓಣಂ ಸಮಯದಲ್ಲಿ ಮಾರುಕಟ್ಟೆ ಬೆಲೆ ನಿಯಂತ್ರಣದ ಭಾಗವಾಗಿ, ಕೇರಳ ರಾಜ್ಯ ನಾಗರಿಕ ಸರಬರಾಜು ನಿಗಮ (ಸಪ್ಲೈಕೋ) ಎಲ್ಲಾ ಕ್ಷೇತ್ರಗಳಲ್ಲಿ ಓಣಂ ಮೇಳದ ವ್ಯವಸ್ಥೆಗಳ ಭಾಗವಾಗಿ ಸಪ್ಲೈಕೋ ಉದುಮ ಸೂಪರ್ ಮಾರ್ಕೆಟ್‍ನಲ್ಲಿ 'ಉದುಮ ಕ್ಷೇತ್ರದ ಓಣಂ ಮೇಳ'ವನ್ನು ಪ್ರಾರಂಭಿಸಿದೆ. ಶಾಸಕ ಕೆ.ನೀಲಕಂಠನ್ ಉದ್ಘಾಟಿಸಿದರು. 

ಉದುಮ ಗ್ರಾಮ ಪಂಚಾಯಿತಿ ಅಧ್ಯಕ್ಷ ಚಂದ್ರನ್  ವಾತುಕಲ್ ಅಧ್ಯಕ್ಷತೆ ವಹಿಸಿದ್ದರು. ಸಪ್ಲೈಕೋ ಕಾಂಞಂಗಾಡ್ ಡಿಪೋ ಪ್ರಬಂಧಕ ಎಂ.ರವೀಂದ್ರನ್ ಸ್ವಾಗತಿಸಿದರು. ಉದುಮ ಗ್ರಾಮ ಪಂಚಾಯಿತಿ ಕ್ಷೇಮಾಭಿವೃದ್ಧಿ ಸ್ಥಾಯಿ ಸಮಿತಿ ಅಧ್ಯಕ್ಷೆ ಎಂ.ಮಂಗಳಾ, ಅಭಿವೃದ್ಧಿ ಕಾರ್ಯಗಳ ಸ್ಥಾಯಿ ಸಮಿತಿ ಅಧ್ಯಕ್ಷ ಹಂಸ ದಿಲ್ಲಿ, ಸದಸ್ಯರಾದ ಕರೀಂ ವಾತುಕ್ಕಲ್, ಸಿ.ಕೆ. ವೇಣು, ಶಂಭು ಬೇಕಲ್, ಕೆ.ವಿ. ಅನೀಸ್, ಪಿ.ವಿ. ಕೃಷ್ಣನ್, ಕೆ.ಪ್ರಮೀಳಾ, ಸೌರ ಉಬೈದ್, ಕೆ.ರಾಜಕಲಾ, ರಾಜಕೀಯ ಪಕ್ಷದ ಪ್ರತಿನಿಧಿಗಳಾದ ಶ್ರೀಧರನ್ ವಯಾಲಿಲ್, ಕೆ.ಬಿ.ಎಂ. ಶರೀಫ್, ಎಂ.ಎಚ್. ಹ್ಯಾರಿಸ್, ಪ್ರದೀಪ್ ಕೂಟಕಣಿ, ರಾಘವನ್ ಮೇಲ್ಪರಂಬ, ರಾಜೇಂದ್ರ ಪ್ರಸಾದ್, ಸಪ್ಲೈಕೋ ಕಾಞಂಗಾಡ್ ಹಿರಿಯ ಸಹಾಯಕ ಕೆ.ಮದನನ್ ಮಾತನಾಡಿದರು. ಓಣಂ ಮೇಳದ ಭಾಗವಾಗಿ, ಅಕ್ಕಿ ಮತ್ತು ತೆಂಗಿನ ಎಣ್ಣೆ ಸೇರಿದಂತೆ ಆಹಾರ ಪದಾರ್ಥಗಳಿಗೆ ನ್ಯಾಯಯುತ ಬೆಲೆಗಳನ್ನು ಖಚಿತಪಡಿಸುವುದರ ಜೊತೆಗೆ, ಗ್ರಾಹಕರಿಗೆ ಭಾರಿ ರಿಯಾಯಿತಿಗಳು, ಕೊಡುಗೆಗಳು ಮತ್ತು ವಿಶೇಷ ಉಡುಗೊರೆ ಯೋಜನೆಗಳನ್ನು ಸಿದ್ಧಪಡಿಸಲಾಗಿದೆ.