ಸಾವಿರಾರು ಫಾಲೋವರ್ಸ್ ಇರುವ ರಾಷ್ಟ್ರಪತಿ ಹೆಸರಿನ ಟ್ವಿಟರ್ ಖಾತೆಯೇ ಫೇಕ್; ಅಧಿಕೃತ ಯಾವುದು?

 

          ನವದೆಹಲಿ: ಇತ್ತೀಚೆಗೆ ಒಬ್ಬರ ಹೆಸರಿನಲ್ಲಿ ನಾನಾ ಫೇಕ್​ ಖಾತೆಗಳು ಟ್ವಿಟರ್​ನಲ್ಲಿ ಕಂಡು ಬಂದಿದ್ದರೆ ಅದು ನೂತನ ರಾಷ್ಟ್ರಪತಿ ದ್ರೌಪದಿ ಮುರ್ಮು ಅವರದ್ದೆನ್ನಬಹುದು. ಈ ಕುರಿತು ಆಗಾಗ ಬೇರೆ ಬೇರೆ ಫ್ಯಾಕ್ಟ್​ಚೆಕ್​ಗಳು ಬರುತ್ತಿದ್ದರೂ ಅಂಥ ಫೇಕ್​ ಖಾತೆಗಳು ಕಂಡುಬರುತ್ತಲೇ ಇದ್ದು, ಅವುಗಳಿಗೆ ಸಾವಿರಾರು ಫಾಲೋವರ್ಸ್​ ಕೂಡ ಇರುವುದು ಅಚ್ಚರಿ ಮೂಡಿಸಿದೆ.

                ಇದೀಗ ಆ ಬಗ್ಗೆ ಪ್ರೆಸ್​ ಇನ್​ಫಾರ್ಮೇಷನ್​ ಬ್ಯೂರೋ (ಪಿಐಬಿ) ಫ್ಯಾಕ್ಟ್​ಚೆಕ್​ ಮಾಡಿ ಅಂಥದ್ದೇ ಒಂದು ಖಾತೆಯ ಬಗ್ಗೆ ಎಚ್ಚರಿಕೆ ನೀಡಿದೆ. ದ್ರೌಪದಿ ಮುರ್ಮು ಅವರ ಹೆಸರಿನಲ್ಲಿರುವ ಟ್ವಿಟರ್ ಖಾತೆಯೊಂದರ ಸ್ಕ್ರೀನ್​ಶಾಟ್ ಹಂಚಿಕೊಂಡಿರುವ ಪಿಐಬಿ, ಅದು ಫೇಕ್​ ಅಕೌಂಟ್ ಎಂಬುದನ್ನು ಸ್ಪಷ್ಟಪಡಿಸಿದೆ. ಅಂದಹಾಗೆ ಆ ಖಾತೆಗೆ 34 ಸಾವಿರಕ್ಕೂ ಅಧಿಕ ಮಂದಿ ಫಾಲೋವರ್ಸ್​ ಇದ್ದಾರೆ.

              ಅದೇರೀತಿ ದ್ರೌಪದಿ ಮುರ್ಮು ಅವರ ಹೆಸರಿನಲ್ಲಿ ನಾನಾ ಫೇಕ್​ ಅಕೌಂಟ್ಸ್​​ ಟ್ವಿಟರ್​ನಲ್ಲಿದ್ದು, ಬಹುತೇಕ ಎಲ್ಲವೂ ಸಾವಿರಾರು ಫಾಲೋವರ್ಸ್​ ಹೊಂದಿವೆ. ಸದ್ಯದ ಮಾಹಿತಿ ಪ್ರಕಾರ ದ್ರೌಪದಿ ಮರ್ಮು ಅವರ ಹೆಸರಿನಲ್ಲಿ ಯಾವುದೇ ವೈಯಕ್ತಿಕ ಖಾತೆ ಇಲ್ಲ. ಆದರೆ ಅವರನ್ನು ಫಾಲೋ ಮಾಡುವವರು ರಾಷ್ಟ್ರಪತಿಯ ಅಧಿಕೃತ ಖಾತೆ https://twitter.com/rashtrapatibhvn ಮೂಲಕ ಟ್ವಿಟರ್​​ನಲ್ಲಿ ಫಾಲೋ ಮಾಡಬಹುದು.