ರಾಜ್ಯ ಶಾಲಾ ಕಲೋತ್ಸವ ಕೋಝಿಕ್ಕೋಡ್ ನಲ್ಲಿ: ತಿರುವನಂತಪುರಂನಲ್ಲಿ ಕ್ರೀಡೋತ್ಸವ: ಸರ್ಕಾರದಿದ ತೀರ್ಮಾನ ಪ್ರಕಟ

                ತಿರುವನಂತಪುರ: ಈ ವರ್ಷದ ರಾಜ್ಯ ಶಾಲಾ ಕಲೋತ್ಸವ ಕೋಝಿಕ್ಕೋಡ್ ನಲ್ಲಿ ನಡೆಯಲಿದೆ. ತಿರುವನಂತಪುರಂನಲ್ಲಿ ಕ್ರೀಡಾ ಮೇಳ ಆಯೋಜನೆಗೊಳ್ಳಲಿದೆ. ಡಿಸೆಂಬರ್ ಮತ್ತು ಜನವರಿಯಲ್ಲಿ ಕಲೋತ್ಸವ, ನವೆಂಬರ್ ನಲ್ಲಿ ಕ್ರೀಡಾ ಮೇಳ ನಡೆಯಲಿದ್ದು, ಶಿಕ್ಷಣ ಸಚಿವ ವಿ.ಶಿವಂÀಕುಟ್ಟಿ ಅಧ್ಯಕ್ಷತೆಯಲ್ಲಿ ನಡೆದ ಶಿಕ್ಷಕರ ಸಂಘದ ಪ್ರತಿನಿಧಿಗಳ ಸಭೆಯಲ್ಲಿ ಈ ನಿರ್ಧಾರ ಕೈಗೊಳ್ಳಲಾಗಿದೆ.
           ಅಕ್ಟೋಬರ್‍ನಲ್ಲಿ ಎರ್ನಾಕುಳಂನಲ್ಲಿ ರಾಜ್ಯ ವಿಜ್ಞಾನ ಉತ್ಸವ ನಡೆಯಲಿದೆ. ಕೊಟ್ಟಾಯಂನಲ್ಲಿ ವಿಶೇಷ ಶಾಲಾ ಕಲೋತ್ಸವ ನಡೆಯಲಿದೆ. ಕೊರೋನಾ ಹರಡುವಿಕೆಯಿಂದಾಗಿ ಎರಡು ವರ್ಷಗಳ ಅಂತರದ ನಂತರ ಶಾಲಾ ಕಲೋತ್ಸವ, ಕ್ರೀಡೋತ್ಸವ ಮತ್ತು ವಿಜ್ಞಾನ ಹಬ್ಬವನ್ನು ನಡೆಸಲಾಗುತ್ತಿದೆ. ಶಿಕ್ಷಕರ ದಿನಾಚರಣೆ ಹಾಗೂ ಸಂಬಂಧಿತ ಕಾರ್ಯಕ್ರಮಗಳು ಸೆ.3ರಿಂದ 5ರವರೆಗೆ ಕಣ್ಣೂರಿನಲ್ಲಿ ನಡೆಯಲಿದೆ.
           ಇದೇ ವೇಳೆ ವಿಸ್ತೃತ ಅಧ್ಯಯನದ ನಂತರವೇ ಮಿಶ್ರ ಶಾಲೆಗಳನ್ನು ಜಾರಿಗೊಳಿಸಲಾಗುವುದು ಎಂದು ಸಚಿವರು ಸಭೆಯಲ್ಲಿ ತಿಳಿಸಿದರು. ಪಿಟಿಎಗಳು ಮತ್ತು ಸ್ಥಳೀಯ ಸಂಸ್ಥೆಗಳು ಸೂಚಿಸಿದರೆ ಮಾತ್ರ ಶಾಲೆಗಳನ್ನು ಮಿಶ್ರ ಶಾಲೆಗಳಾಗಿ ಪರಿವರ್ತಿಸಲಾಗುವುದು ಎಂದು ಸಚಿವರು ಹೇಳಿದರು.