ವಿಯೆಟ್ನಾಂ ಕಾಲೊನಿ ಚಿತ್ರದಲ್ಲಿ ಶಂಕರಾಡಿ ಹೇಳಿದ ಹಾಗೆ ಇದೊಂದು ದಾಖಲೆ: ರಾಜ್ಯಪಾಲರನ್ನು ಟ್ರೋಲ್ ಮಾಡಿದ ವಿ.ಶಿವಂಕುಟ್ಟಿ

                       ತಿರುವನಂತಪುರ: ರಾಜ್ಯಪಾಲ ಆರಿಫ್ ಮುಹಮ್ಮದ್ ಖಾನ್ ಸುದ್ದಿಗೋಷ್ಠಿ ನಡೆಸಿದ ಬಳಿಕ ಶಿಕ್ಷಣ ಸಚಿವ ವಿ ಶಿವಂಕುಟ್ಟಿ ಟ್ರೋಲ್ ಮಾಡಿದ್ದಾರೆ. ಕಣ್ಣೂರಿನಲ್ಲಿ ನಡೆದ ಇತಿಹಾಸ ಕಾಂಗ್ರೆಸ್‍ನಲ್ಲಿ ತಮ್ಮ ವಿರುದ್ಧ ನಡೆದದ್ದು ಹಿಂಸಾಚಾರ ಎಂಬುದನ್ನು ಸಾಬೀತುಪಡಿಸುವ ಪುರಾವೆಗಳನ್ನು ಬಿಡುಗಡೆ ಮಾಡುವುದಾಗಿ ರಾಜ್ಯಪಾಲರು ಸುದ್ದಿಗೋಷ್ಠಿ ಕರೆದಿದ್ದರು. ಆದರೆ ರಾಜ್ಯಪಾಲರು (ಕೇರಳ ರಾಜ್ಯಪಾಲರು) ತೋರಿಸಿರುವ ದೃಶ್ಯಾವಳಿಗಳು ಈ ಹಿಂದೆಯೇ  ಹೊರಬಂದಿವೆ ಎಂದು ಎಡ ನಾಯಕರು ಸೇರಿದಂತೆ ಕೆಲವರು ಹೇಳುತ್ತಾರೆ. ಹೀಗಿರುವಾಗಲೇ ರಾಜ್ಯಪಾಲರ ‘ಸಾಕ್ಷ್ಯ’ ಬಯಲಿಗೆ ಬಂದಿದೆ.
                   ರಾಜ್ಯಪಾಲರ ಪತ್ರಿಕಾಗೋಷ್ಠಿಯ ಬಳಿಕ ಶಿವಂಕುಟ್ಟಿ ‘ವಿಯೆಟ್ನಾಂ ಕಾಲೋನಿ’ ಸಿನಿಮಾದ ಶಂಕರಾಡಿ ಪಾತ್ರದ ಸಂಭಾಷಣೆಯನ್ನು ಮಾಧ್ಯಮಗಳೊಂದಿಗೆ ಹಂಚಿಕೊಂಡರು. ಶಿವಂಕುಟ್ಟಿ ಬೊಟ್ಟುಮಾಡಿ  ರಾಜ್ಯಪಾಲರನ್ನು ತೆಗಳಿದರು.
         ರಾಜ್ಯಪಾಲರ ಪತ್ರಿಕಾಗೋಷ್ಠಿಯ ನಂತರ, ರಾಜ್ಯಪಾಲ ಆರಿಫ್ ಮುಹಮ್ಮದ್ ಖಾನ್ ಅವರು ಅದೇ ದೃಶ್ಯಗಳನ್ನು ಸಾಕ್ಷ್ಯವಾಗಿ ತೋರಿಸಿದ್ದಾರೆ ಎಂದು ಸಚಿವರು ಸೇರಿದಂತೆ ಸಿಪಿಎಂ ನಾಯಕರು ಹೇಳುತ್ತಾರೆ.
         ಕಣ್ಣೂರಿನಲ್ಲಿ ನಡೆzಸಿತಿಹಾಸ ಕಾಂಗ್ರೆಸ್ ಕಾರ್ಯಕ್ರಮದಲ್ಲಿ ತಮ್ಮ ಹತ್ಯೆಗೆ ಯತ್ನ ನಡೆದಿತ್ತು ಎಂಬುದು ರಾಜ್ಯಪಾಲರ ಹೇಳಿಕೆ. ಇದಕ್ಕೆ ಮುಖ್ಯಮಂತ್ರಿ ವರಿಷ್ಠರು ಷಡ್ಯಂತ್ರ ನಡೆಸುತ್ತಿದ್ದಾರೆ ಎಂದೂ ರಾಜ್ಯಪಾಲರು ಆರೋಪಿಸಿದ್ದಾರೆ. ಆದರೆ ಅಂದು ಬಿಡುಗಡೆ ಮಾಡಿದ್ದಕ್ಕಿಂತ ಹೆಚ್ಚಿನ ದೃಶ್ಯಾವಳಿಗಳನ್ನು ರಾಜ್ಯಪಾಲರು ಬಿಡುಗಡೆ ಮಾಡಿಲ್ಲ. ಸ್ಥಳದಲ್ಲಿ ಪ್ರತಿಭಟನೆ ನಡೆಯುತ್ತಿದ್ದರೂ ರಾಜ್ಯಪಾಲರು ಮಾತನಾಡುತ್ತಿರುವುದು ದೃಶ್ಯಾವಳಿಗಳಲ್ಲಿ ಸ್ಪಷ್ಟವಾಗಿದೆ.

           ಇದೇ ವೇಳೆ, ಇತಿಹಾಸ ಕಾಂಗ್ರೆಸ್ ವೇಳೆ ತಮ್ಮ ವಿರುದ್ಧ ನಡೆದ ಹಿಂಸಾಚಾರದಲ್ಲಿ ಪೆÇಲೀಸರು ಮಧ್ಯಪ್ರವೇಶಿಸದಂತೆ ಮುಖ್ಯಮಂತ್ರಿಗಳ ಆಪ್ತ ಕಾರ್ಯದರ್ಶಿ ಕೆ.ಕೆ.ರಾಗೇಶ್ ತಡೆದರು ಎಂದು ರಾಜ್ಯಪಾಲರು ಆರೋಪಿಸಿದ್ದರು. ರಾಗೇಶ್ ವೇದಿಕೆಯಿಂದ ಕೆಳಗಿಳಿದು ಪೆÇಲೀಸರನ್ನು ತಡೆದರು. ರಾಜಭವನದಲ್ಲಿ ನಡೆದ ಪತ್ರಿಕಾಗೋಷ್ಠಿಯಲ್ಲಿ ರಾಜ್ಯಪಾಲರು ತಮ್ಮ ವಿರುದ್ಧ ಅಂದು ನಡೆದಿರುವುದು ಸಹಜ ಪ್ರತಿಭಟನೆಯಲ್ಲ ಎಂದು ಆರೋಪಿಸಿದ್ದರು. ಪ್ರತಿಭಟನೆಯ ಷಡ್ಯಂತ್ರದಲ್ಲಿ ಕೆ.ಕೆ.ರಾಗೇಶ್ ಭಾಗಿಯಾಗಿದ್ದಾರೆ ಎಂದು ಆರೋಪಿಸಿದ ರಾಜ್ಯಪಾಲರು, ಕೆ.ಕೆ.ರಾಗೇಶ್ ಅವರಿಗೆ ಖಾಸಗಿ ಕಾರ್ಯದರ್ಶಿ ಸ್ಥಾನ ಅದರ ಪ್ರತಿಫಲವೇ ಎಂದು ಪ್ರಶ್ನಿಸಿದ್ದರು.