ಕೆಚ್ಚೆದೆಯ ದೇಶಭಕ್ತರಿಂದ ವರ್ಷಗಳ ಹೋರಾಟದ ಫಲ ವಿವೇಕಾನಂದ ರಾಕ್ ಸ್ಮಾರಕ: ಪಿ.ಎಸ್. ಶ್ರೀಧರನ್ ಪಿಳ್ಳೈ

           ತಿರುವನಂತಪುರ: ಕನ್ಯಾಕುಮಾರಿ ವಿವೇಕಾನಂದ ಕೇಂದ್ರದ ಹಿಂದೆ ದುಡಿದವರನ್ನು ವಿವೇಕಾನಂದ ಕೇಂದ್ರವು ಸನ್ಮಾನಿಸಿತು.
            ವಿವೇಕಾನಂದ ಕೇಂದ್ರದ ಅಧ್ಯಕ್ಷ ಎ. ಬಾಲಕೃಷ್ಣನ್ ಮತ್ತು ಇತರ ಸದಸ್ಯರು ಕಾರ್ಯಕ್ರಮವನ್ನು ಆಯೋಜಿಸಿದ್ದರು. ಗೋವಾ ರಾಜ್ಯಪಾಲ ಪಿ.ಎಸ್.ಶ್ರೀಧರನ್ ಪಿಳ್ಳೈ ಮುಖ್ಯ ಅತಿಥಿಯಾಗಿದ್ದರು. ಕನ್ಯಾಕುಮಾರಿ ವಿವೇಕಾನಂದ ಕೇಂದ್ರದಲ್ಲಿ ದೇಶಕ್ಕೆ ಹೆಮ್ಮೆಯ ಆಧಾರ ಸ್ತಂಭವಾಗಿ ನಿಂತಿರುವ ವಿವೇಕಾನಂದರ ದರ್ಶನಗಳ ನೆನಪುಗಳು ಮರುಕಳಿಸುತ್ತಿರುವ ಸಮಾರಂಭದಲ್ಲಿ ಭಾಗವಹಿಸಲು ಸಂತಸವಾಗುತ್ತಿದೆ ಎಂದು ಅವರು ಈ ಸಂದರ್ಭ ಪ್ರತಿಕ್ರಿಯಿಸಿದರು.
           ಪಿ.ಎಸ್.ಶ್ರೀಧರನ್ ಪಿಳ್ಳೆ ಅವರು ಕನ್ಯಾಕುಮಾರಿಯಲ್ಲಿ ವಿವೇಕಾನಂದ ಸ್ಮಾರಕವನ್ನು ನಿರ್ಮಿಸಲು ಕೆಚ್ಚೆದೆಯ ಚಳವಳಿಯ ನೇತೃತ್ವ ವಹಿಸಿದವರಲ್ಲಿ ಒಬ್ಬರಾದ ಲಕ್ಷ್ಮಣ ಅವರಿಗೆ ಗೌರವ ಸಲ್ಲಿಸಿದರು. ಲಕ್ಷ್ಮಣನ್ ಅವರು 1960 ರ ದಶಕದಲ್ಲಿ ಕೋಝಿಕ್ಕೋಡ್‍ನ ವೆಲ್ಲೈಲ್ ಕಾಟಪುರಂನಿಂದ ಕನ್ಯಾಕುಮಾರಿಯವರೆಗೆ ಸ್ಮಾರಕ ಶಿಲಾ ಸಂರಕ್ಷಣಾ ಕಾರ್ಯಾಚರಣೆಗೆ ತೆರಳಲು ಮೊದಲ ತಂಡವನ್ನು ಮುನ್ನಡೆಸಿದ್ದ ವೀರ ಯೋಧರಾಗಿದ್ದರು. ಶ್ರೀಧರನ್ ಪಿಳ್ಳೈ ಅವರು ತಮ್ಮಂತೆಯೇ ವೆಲೈಲ್ ಕಡಪುರಂ, ಕೊಯಿಲಾಂಡಿ ಕಡಪುರಂ ಮತ್ತು ಪಯೋಲಿ ಕಡಪುರಂನ ಅನೇಕರ ತ್ಯಾಗ-ಬಲಿದಾನಗಳ ಹೋರಾಟದ ಮೂಲಕ ವಿವೇಕಾನಂದ ಪಾರ ಎದ್ದುನಿಂತಿತು. ಮತ್ತು ಇಂದು ಕಾಣುವ ರೀತಿಯ ಪ್ರಜ್ವಲಿಸುವ ಸ್ಮಾರಕವನ್ನು ನಿರ್ಮಿಸಲಾಗಿದೆ ಎಂದು ಹೇಳಿದರು.
            1962 ರಲ್ಲಿ ವಿವೇಕಾನಂದ ಸ್ವಾಮಿಗಳ 100 ನೇ ಜನ್ಮ ವರ್ಷದಲ್ಲಿ ಸ್ಮಾರಕವನ್ನು ನಿರ್ಮಿಸುವ ಆಲೋಚನೆ ರೂಪುಗೊಂಡಿತು. ನಂತರ, ಒಂಬತ್ತು ವರ್ಷಗಳ ಕಾನೂನು ಹೋರಾಟ ಮತ್ತು ಕಠಿಣ ಪರಿಶ್ರಮದ ನಂತರ, 1970 ರಲ್ಲಿ, ವಿವೇಕಾನಂದ ಸ್ಮಾರಕದ  ಕನಸು ನನಸಾಯಿತು. ಲಕ್ಷ್ಮಣನಂಥವರು ಜೀವನ್ಮರಣ ಹೋರಾಟ ನಡೆಸದೇ ಇದ್ದಿದ್ದರೆ ವಿವೇಕಾನಂದಪರ ಹಾಗೂ ಅಕ್ಕಪಕ್ಕದ ಪ್ರದೇಶಗಳು ಇನ್ನೇನೋ ಆಗುತ್ತಿದ್ದವು. ಇಂತಹ ಅನೇಕ ದೇಶಭಕ್ತ ಹೋರಾಟಗಾರರು ಇಂದು ಜೀವಂತವಾಗಿಲ್ಲ. ಲಕ್ಷ್ಮಣರನ್ನು  ಗೌರವಿಸುವ ಮೂಲಕ ನಾವು ಎಲ್ಲಾ ದೇಶಪ್ರೇಮಿಗಳು ಮತ್ತು ಪ್ರಾಣ ಕಳೆದುಕೊಂಡ ವೀರ ಯೋಧರನ್ನು ಗೌರವಿಸುತ್ತಿದ್ದೇವೆ ಎಂದು ಗೋವಾ ರಾಜ್ಯಪಾಲ ಪಿ.ಎಸ್.ಶ್ರೀಧರನ್ ಪಿಳ್ಳೆ ಹೇಳಿದರು.