ಗೂಗಲ್ ನ ಹೊಸ ಜವಾಬ್ದಾರಿ ಹೊತ್ತ ಸುಂದರ್ ಪಿಚೈಗೆ ಸಿಕ್ತು ಬಂಪರ್ ಪ್ಯಾಕೇಜ್

 
          ಸ್ಯಾನ್ ಫ್ರಾನ್ಸಿಸ್ಕೋ: ಆಲ್ಫಾಬೆಟ್ ಮತ್ತು ಗೂಗಲ್ ಸಿಇಒ ಸುಂದರ್ ಪಿಚೈ ಮುಂದಿನ 2020ರಲ್ಲಿ 2 ಮಿಲಿಯನ್ ವಾರ್ಷಿಕ ವೇತನದ ಮೇಲೆ240 ಮಿಲಿಯನ್ ಸ್ಟಾಕ್ ಪ್ಯಾಕೇಜ್ ಅನ್ನು (ಅದರಲ್ಲಿ 90 ಮಿಲಿಯನ್ ಆಲ್ಫಾಬೆಟ್‍ನ ಕಾರ್ಯಕ್ಷಮತೆಗೆ ಸಂಬಂಧಿಸಿದೆ) ತೆಗೆದುಕೊಳ್ಳಲಿದ್ದಾರೆ.
         ಪಿಚೈ ಅವರು ಜನವರಿ 1 ರಿಂದ ವರ್ಷಕ್ಕೆ 2 ದಶಲಕ್ಷ ರು. ಗಣನೀಯ ವೇತನ ಹೆಚ್ಚಳ ಕಾಣಲಿದ್ದಾರೆ ಎಂದ್ ಶುಕ್ರವಾರ ಸೆಕ್ಯುರಿಟೀಸ್ ಎಕ್ಸ್ಚೇಂಜ್ ಕಮಿಷನ್ ಪತ್ರಿಕೆಯಲ್ಲಿ ಆಲ್ಫಾಬೆಟ್ ಹೇಳಿದೆ ಎಂದು ಮಕ್ರ್ಯುರಿ ನ್ಯೂಸ್ ವರದಿ ಮಾಡಿದೆ. ಪಿಚೈ ಅವರ "ಆಲ್ಫಾಬೆಟ್ ಮತ್ತು ಗೂಗಲ್ ಸಿಇಒ ಆಗಿ  ಜವಾಬ್ದಾರಿ ಹೊತ್ತಿರುವುದನ್ನು ಪರಿಗಣಿಸಿ ಈ ಪರಿಹಾರ ಪ್ಯಾಕೇಜ್ ನೀಡಲಾಗುತ್ತಿದೆ. ಒಂದು ಯುಗದ ಅಂತ್ಯವನ್ನು ಸೂಚಿಸುವ ಗೂಗಲ್ ಸಹ-ಸಂಸ್ಥಾಪಕರಾದ ಲ್ಯಾರಿ ಪೇಜ್ ಮತ್ತು ಸೆರ್ಗೆ ಬ್ರಿನ್ ಅವರು ಈ ತಿಂಗಳ ಆರಂಭದಲ್ಲಿ ಮಾತೃ ಕಂಪನಿ ಆಲ್ಫಾಬೆಟ್‍ನಲ್ಲಿ ತಮ್ಮ ಪ್ರಸ್ತುತ ಸ್ಥಾನಗಳನ್ನು ತ್ಯಜಿಸಲು ನಿರ್ಧರಿಸಿದ್ದು ಭಾರತ ಮೂಲದ ಪಿಚೈ ಅವರನ್ನು ಗೂಗಲ್ ಮತ್ತು ಆಲ್ಫಾಬೆಟ್ ಎರಡರ ಸಿಇಒ ಆಗಿ ಮಾಡಿದರು. ಮುಂಬರುವ ದಿನಗಳಲ್ಲಿ ಪೇಜ್ ಮತ್ತು ಬ್ರಿನ್ ಸಹ-ಸಂಸ್ಥಾಪಕರು, ಷೇರುದಾರರು ಮತ್ತು ಆಲ್ಫಾಬೆಟ್‍ನ ನಿರ್ದೇಶಕರ ಮಂಡಳಿಯ ಸದಸ್ಯರಾಗಿ ತಮ್ಮ ಪಾಲ್ಗೊಳ್ಳುವಿಕೆಯನ್ನು ಮುಂದುವರಿಸುತ್ತಾರೆ. ಪಿಚೈ 2004 ರಲ್ಲಿ ಗೂಗಲ್‍ಗೆ ಸೇರಿದರು ಮತ್ತು ಗೂಗಲ್ ಟೂಲ್‍ಬಾರ್ ಮತ್ತು ನಂತರ ಗೂಗಲ್ ಕ್ರೋಮ್‍ನ ಅಭಿವೃದ್ಧಿಯಲ್ಲಿ ಮಹತ್ವದ ಪಾತ್ರ ವಹಿಸಿದರು. ಇಂದು ಗೂಗಲ್ ವಿಶ್ವದ ಅತ್ಯಂತ ಜನಪ್ರಿಯ ಇಂಟರ್ನೆಟ್ ಬ್ರೌಸರ್ ಆಗಿ ಬೆಳೆಯಲು ಅವರ ಕಾಣಿಕೆ ಮಹತ್ವದ್ದಾಗಿದೆ.ಪಿಚೈ 2015 ರಲ್ಲಿ ಗೂಗಲ್‍ನ ಸಿಇಒ ಆದರು. ಅವರು ಜುಲೈ 2017 ರಲ್ಲಿ ಗೂಗಲ್‍ನ ಮೂಲ ಕಂಪನಿಯಾದ ಆಲ್ಫಾಬೆಟ್‍ನ ನಿರ್ದೇಶಕರ ಮಂಡಳಿಗೆ ಸೇರಿದರು.
        ಚೆನ್ನೈನಲ್ಲಿ ಬೆಳೆದು ಇಂಡಿಯನ್ ಇನ್‍ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿಯಲ್ಲಿ ಎಂಜಿನಿಯರಿಂಗ್ ಓದಿದ ಪಿಚೈ, ಸ್ಟ್ಯಾನ್‍ಫೆÇೀರ್ಡ್ ವಿಶ್ವವಿದ್ಯಾಲಯದಿಂದ ಸ್ನಾತಕೋತ್ತರ ಪದವಿ ಮತ್ತು ವಾರ್ಟನ್ ಶಾಲೆಯಿಂದ ಎಂಬಿಎ ಪದವಿ ಪಡೆದಿದ್ದಾರೆ.