ಭಾರತದ ಚೆಸ್‌ ಗ್ರ್ಯಾಂಡ್‌ ಮಾಸ್ಟರ್‌ ಪ್ರಜ್ಞಾನಂದರನ್ನು ಭೇಟಿಯಾದ ಇಸ್ರೊ ಮುಖ್ಯಸ್ಥ

              ಚೆನ್ನೈ: ಇಸ್ರೊ ಮುಖ್ಯಸ್ಥ ಎಸ್‌. ಸೋಮನಾಥ ಅವರು ಭಾರತದ ಚೆಸ್‌ ಗ್ರ್ಯಾಂಡ್ ಮಾಸ್ಟರ್‌ ಪ್ರಜ್ಞಾನಂದ ಅವರನ್ನು ಸೋಮವಾರ ಭೇಟಿಯಾಗಿದ್ದಾರೆ.

               ಚೆನ್ನೈನಲ್ಲಿರುವ ಪ್ರಜ್ಞಾನಂದ ಅವರ ಮೆನೆಗೆ ತೆರಳಿದ ಸೋಮನಾಥ ಅವರು, ಜಿಎಸ್‌ಎಲ್‌ವಿ ರಾಕೆಟ್‌ನ ಪ್ರತಿಕೃತಿ ನೀಡಿ ಸಾಧನೆಗೆ ಶುಭ ಕೋರಿದ್ದಾರೆ.

                ಈ ವೇಳೆ ಪ್ರಜ್ಞಾನಂದ ಅವರು ಚೆಸ್‌ ಟೂರ್ನಮೆಂಟ್‌ಗಳಲ್ಲಿ ತಾವು ಗೆದ್ದಿರುವ ಬಹುಮಾನಗಳನ್ನು ತೋರಿಸಿ ಖುಷಿ ಹಂಚಿಕೊಂಡರು.

                  ಪ್ರಜ್ಞಾನ್‌ ರೋವರ್‌ ನಿದ್ದೆಗೆ ಜಾರಿದೆ, ಆದರೆ ಚೆಸ್‌ ಆಟಗಾರ ಪ್ರಜ್ಞಾನಂದ ಮುಂದಿನ ದಿನಗಳಲ್ಲಿ ಭಾರತ ಹೆಮ್ಮೆ ಪಡುವಂತೆ ಮಾಡಬೇಕು ಎಂದರು.

              ಬಳಿಕ ಸುದ್ದಿಗಾರರೊಂದಿಗೆ ಮಾತನಾಡಿದ ಸೋಮನಾಥ್‌ ಅವರು, ಪ್ರಜ್ಞಾನಂದ ಅವರ ಸಾಧನೆ ಹೆಮ್ಮೆ ಮೂಡಿಸುವಂಥದ್ದು, ಶೀಘ್ರದಲ್ಲಿ ಜಗತ್ತಿನ ನಂ.1 ಚೆಸ್‌ ಆಟಗಾರರಾಗಿ ಹೊರಹೊಮ್ಮಲಿ ಎಂದು ಆಶಿಸುತ್ತೇನೆ. ಪ್ರಜ್ಞಾನಂದ ಅವರು ಮುಂಬರುವ ದಿನಗಳಲ್ಲಿ ಭಾರತದಲ್ಲಿ ಬಾಹ್ಯಾಕಾಶವನ್ನು ಉತ್ತೇಜಿಸಲು ಬಾಹ್ಯಾಕಾಶ ಸಂಸ್ಥೆಗಳೊಂದಿಗೆ ಕೆಲಸ ಮಾಡಲಿದ್ದಾರೆ ಎಂದು ಮಾಹಿತಿ ನೀಡಿದರು.