ಬೇಸಿಗೆ ರೋಗಗಳು: ಚಿಕನ್ ಪಾಕ್ಸ್ ಬಗ್ಗೆ ಎಚ್ಚರದಿಂದಿರಿ, ಸ್ವಯಂ-ಔಷಧಿ ಕೂಡದು: ವೈದ್ಯಕೀಯ ಚಿಕಿತ್ಸೆ ಅಗತ್ಯ

                 ತಿರುವನಂತಪುರಂ: ರಾಜ್ಯದಲ್ಲಿ ಬಿಸಿಲಿನ ತಾಪ ಮುಂದುವರಿದಿರುವ ಹಿನ್ನೆಲೆಯಲ್ಲಿ ಚಿಕನ್ ಪಾಕ್ಸ್ ಬಗ್ಗೆ ಎಚ್ಚರಿಕೆ ವಹಿಸಬೇಕು ಎಂದು ಆರೋಗ್ಯ ಸಚಿವೆ ವೀಣಾ ಜಾರ್ಜ್ ಹೇಳಿದ್ದಾರೆ.

             ಸ್ವಯಂ-ಔಷಧಿ ಮಾಡಕೂಡದು. ರೋಗಲಕ್ಷಣ ಗಮನಕ್ಕೆ ಬಂದರೆ, ಸಾಧ್ಯವಾದಷ್ಟು ಬೇಗ ಚಿಕಿತ್ಸೆ ಪಡೆಯಬೇಕು. ಶಿಶುಗಳು, ಹದಿಹರೆಯದವರು, ಹಿರಿಯರು, ಗರ್ಭಿಣಿಯರು, ಇಮ್ಯುನೊಕೊಂಪೆÇ್ರಮೈಸ್ಡ್ - ಎಚ್ಐವಿ, ಕ್ಯಾನ್ಸರ್ ರೋಗಿಗಳು, ಅಂಗಾಂಗ ಕಸಿ ಸ್ವೀಕರಿಸುವವರು, ಕೀಮೋಥೆರಪಿ / ಸ್ಟಿರಾಯ್ಡ್ ಔಷಧಿ ಬಳಸುವವರು ಮತ್ತು ದೀರ್ಘಕಾಲದ ಶ್ವಾಸಕೋಶ / ಚರ್ಮ ರೋಗ ರೋಗಿಗಳು ರೋಗವು ತೀವ್ರಗೊಳ್ಳಬಹುದು ಎಂದು ವಿಶೇಷ ಕಾಳಜಿ ವಹಿಸಬೇಕು. ಚಿಕನ್ ಪೋಕ್ಸ್ ರೋಗಿಗಳ ಸಂಪರ್ಕಕ್ಕೆ ಬಂದವರು ಅಥವಾ ರೋಗಲಕ್ಷಣಗಳನ್ನು ಹೊಂದಿರುವವರು ಈ ವರ್ಗದಲ್ಲಿ ಆರೋಗ್ಯ ಕಾರ್ಯಕರ್ತರ ಸಲಹೆಯನ್ನು ಪಡೆಯಬೇಕು ಎಂದು ಸಚಿವರು ವಿನಂತಿಸಿದರು.

ಚಿಕನ್ ಪಾಕ್ಸ್ ಎಂದರೇನು?

ಚಿಕನ್ ಪಾಕ್ಸ್ ವರಿಸೆಲ್ಲಾ ಜೋಸ್ಟರ್ ವೈರಸ್‍ನಿಂದ ಉಂಟಾಗುವ ಸಾಂಕ್ರಾಮಿಕ ಕಾಯಿಲೆಯಾಗಿದೆ. ಇದುವರೆಗೆ ಚಿಕನ್ಪಾಕ್ಸ್ ಇಲ್ಲದವರು ಅಥವಾ ಲಸಿಕೆ ಪಡೆಯದಿರುವವರು ಈ ಕಾಯಿಲೆಗೆ ಒಳಗಾಗುವ ಸಾಧ್ಯತೆಯಿದೆ.

ಸೋಂಕು:

ಚಿಕನ್ ಪಾಕ್ಸ್ ಮತ್ತು ಹರ್ಪಿಸ್ ಜೋಸ್ಟರ್(ಸರ್ಪಸುತ್ತು) ಹೊಂದಿರುವ ಜನರೊಂದಿಗೆ ನಿಕಟ ಸಂಪರ್ಕದ ಮೂಲಕ, ಹಾಗೆಯೇ ಗುಳ್ಳೆಗಳು ಮತ್ತು ಕೆಮ್ಮು ಮತ್ತು ಸೀನುವಿಕೆಗಳಲ್ಲಿನ ಸ್ರವಿಸುವಿಕೆಯ ಕಣಗಳನ್ನು ಉಸಿರಾಡುವ ಮೂಲಕ ಚಿಕನ್ ಪಾಕ್ಸ್ ಅನ್ನು ಹರಡಬಹುದು.  ದೇಹದಲ್ಲಿ ಗುಳ್ಳೆಗಳು ಕಾಣಿಸಿಕೊಳ್ಳಲು ಪ್ರಾರಂಭವಾಗುವ ಎರಡು ದಿನಗಳ ಮೊದಲು ಅವು ಒಣಗುವವರೆಗೆ ಈ ರೋಗವು ಹರಡುತ್ತದೆ. 10 ರಿಂದ 21 ದಿನಗಳ ನಂತರ ರೋಗಲಕ್ಷಣಗಳು ಕಾಣಿಸಿಕೊಳ್ಳುತ್ತವೆ.

ರೋಗದ ಲಕ್ಷಣಗಳು:

 ಜ್ವರ, ಆಯಾಸ, ದೇಹದ ನೋವು, ಹಸಿವಾಗದಿರುವುದು, ತಲೆನೋವು ಮತ್ತು ದೇಹದ ಗುಳ್ಳೆಗಳು ಇದರ ಲಕ್ಷಣಗಳಾಗಿವೆ. ಮುಖ, ಹೊಟ್ಟೆ, ಎದೆ, ಬೆನ್ನು ಮತ್ತು ಕಾಲುಗಳ ಮೇಲೆ ಗುಳ್ಳೆಗಳಾಗಿ ಪ್ರಾರಂಭವಾಗುವ ಇದು ನಾಲ್ಕರಿಂದ ಏಳು ದಿನಗಳಲ್ಲಿ ಸಿಡಿಯುತ್ತದೆ ಬಳಿಕ ಒಣಗುತ್ತವೆ.

ಹೆಚ್ಚು ಜಾಗರೂಕರಾಗಿರಿ:

4 ದಿನಗಳಿಗಿಂತ ಹೆಚ್ಚು ಕಾಲ ಜ್ವರ, ತೀವ್ರ ಜ್ವರ, ಗುಳ್ಳೆಗಳಲ್ಲಿ ತೀವ್ರವಾದ ನೋವು/ಕೀವು, ಅತಿಯಾದ ನಿದ್ರೆ, ಗೊಂದಲ, ಚಡಪಡಿಕೆ, ನಡೆಯಲು ತೊಂದರೆ, ಕುತ್ತಿಗೆ ನೋವು, ಆಗಾಗ್ಗೆ ವಾಂತಿ, ಉಸಿರಾಟದ ತೊಂದರೆ, ತೀವ್ರ ಕೆಮ್ಮು, ತೀವ್ರ ಹೊಟ್ಟೆ ನೋವು ಮತ್ತು ರಕ್ತಸ್ರಾವವನ್ನು ಗಂಭೀರವಾಗಿ ತೆಗೆದುಕೊಳ್ಳಬೇಕು. . ಇವು ನ್ಯುಮೋನಿಯಾ, ಎನ್ಸೆಫಾಲಿಟಿಸ್, ಯಕೃತ್ತಿನ ಉರಿಯೂತ, ಸೆಪ್ಸಿಸ್ ಮುಂತಾದ ಚಿಕನ್ ಪಾಕ್ಸ್ ಬಳಿಕದ ತೊಡಕುಗಳ ಲಕ್ಷಣಗಳಾಗಿವೆ ಮತ್ತು ಸಾಧ್ಯವಾದಷ್ಟು ಬೇಗ ಚಿಕಿತ್ಸೆ ನೀಡಬೇಕು.

ನೀವು ಅನಾರೋಗ್ಯಕ್ಕೆ ಒಳಗಾದಾಗ ಗಮನಿಸಬೇಕಾದ ವಿಷಯಗಳು:

ಚೆನ್ನಾಗಿ ಗಾಳಿ ಇರುವ ಕೋಣೆಯಲ್ಲಿ ಸಂಪೂರ್ಣವಾಗಿ ವಿಶ್ರಾಂತಿ ಪಡೆಯಿರಿ. ಹೆಚ್ಚು ನೀರು ಕುಡಿಯಬೇಕು. ಹಣ್ಣುಗಳನ್ನು ತಿನ್ನಿರಿ. ಇತರರೊಂದಿಗೆ ನೇರ ಸಂಪರ್ಕವನ್ನು ತಪ್ಪಿಸಿ. ರೋಗಿಯು ಬಳಸಿದ ಬಟ್ಟೆ ಮತ್ತು ಇತರ ವಸ್ತುಗಳನ್ನು ಇತರರೊಂದಿಗೆ ಹಂಚಿಕೊಳ್ಳಬೇಡಿ. ಬ್ಲೀಚಿಂಗ್ ದ್ರಾವಣದಂತಹ ಸೋಂಕುನಿವಾರಕದಿಂದ ಅವುಗಳನ್ನು ಸೋಂಕುರಹಿತಗೊಳಿಸಿ. ತುರಿಕೆ ಇರುವ ಜಾಗಕ್ಕೆ ಕ್ಯಾಲಮೈನ್ ಲೋಷನ್ ಹಚ್ಚಿ. ಮೃದುವಾದ, ಒದ್ದೆಯಾದ ಬಟ್ಟೆಯಿಂದ ದೇಹವನ್ನು ಆಗಾಗ್ಗೆ ಒರೆಸಿ. ಸರಳ ನೀರಿನಲ್ಲಿ ಸ್ನಾನ ಮಾಡುವುದು ತುರಿಕೆ ಕಡಮೆ ಮಾಡಲು ಮತ್ತು ಪರಿಹಾರವನ್ನು ನೀಡುತ್ತದೆ. ಬೆರಳಿನ ಉಗುರುಗಳನ್ನು ಟ್ರಿಮ್ ಮಾಡಿ ಸ್ವಚ್ಛವಾಗಿಡಿ. ನೀವು ಗುಳ್ಳೆಯನ್ನು ಸ್ಕ್ರಾಚ್ ಮಾಡಿದರೆ, ನಿಮ್ಮ ಕೈಗಳನ್ನು ಸಾಬೂನು ಮತ್ತು ನೀರಿನಿಂದ ತೊಳೆಯಿರಿ. ನೀವು ಚಿಕನ್ ಪಾಕ್ಸ್ ಚಿಕಿತ್ಸೆ ಪಡೆಯುತ್ತಿದ್ದರೂ ಸಹ ನೀವು ನಿಯಮಿತವಾಗಿ ತೆಗೆದುಕೊಳ್ಳುತ್ತಿರುವ ಯಾವುದೇ ಔಷಧಿಗಳನ್ನು ನಿಲ್ಲಿಸಬೇಡಿ.

         ಚಿಕನ್ ಪಾಕ್ಸ್ ಇಲ್ಲದವರು ಚಿಕನ್ ಪಾಕ್ಸ್/ಹರ್ಪಿಸ್ ಜೋಸ್ಟರ್ ರೋಗಿಗಳನ್ನು ಸಂಪರ್ಕಿಸಿದ 72 ಗಂಟೆಗಳ ಒಳಗೆ ಲಸಿಕೆ ಹಾಕುವ ಮೂಲಕ ರೋಗದಿಂದ ರಕ್ಷಿಸಬಹುದು.