ಮುಳ್ಳೇರಿಯ: ಸಂಘಟನಾತ್ಮಕವಾಗಿ ಒಗ್ಗಟ್ಟಿಲ್ಲದೆ ಇಂದಿನ ಸಾಮಾಜಿಕ ವ್ಯವಸ್ಥೆಯಲ್ಲಿ ಯಾವ ಬೇಡಿಕೆಗಳನ್ನೂ ಈಡೇರಿಸಲು ಸಾಧ್ಯವಾಗದು. ವಿವಿಧ ಕಲಾ ಕ್ಷೇತ್ರಗಳಲ್ಲಿ ಅಹರ್ನಿಶಿ ಸೇವೆಗೈದು ಬದುಕಿನ ಮುಸ್ಸಂಜೆಯಲ್ಲಿ ಪರಿತಪಿಸುವ ಕಲಾವಿದರಿಗೆ ಆಶಾ ಕಿರಣವಾಗಿ ಸವಾಕ್ ಸಂಘಟನೆ ಬದುಕು ನೀಡುತ್ತಿರುವುದು ಸಂಘಟನಾತ್ಮಕ ಶಕ್ತಿಯ ಸಂಕೇತ ಎಂದು ಸ್ಟೇಜ್ ಆರ್ಟಿಸ್ಟ್ ಆಂಡ್ ವರ್ಕರ್ಸ್ ಅಸೋಸಿಯೇಶನ್ ಆಫ್ ಕೇರಳ(ಸವಾಕ್)ನ ಕಾರಡ್ಕ ವಲಯ ಘಟಕದ ಅಧ್ಯಕ್ಷ, ರಂಗ ಕಲಾವಿದ ಎ.ಬಿ.ಮಧುಸೂದನ ಬಲ್ಲಾಳ್ ನಾಟೆಕಲ್ಲು ಅವರು ತಿಳಿಸಿದರು.
ಮುಳ್ಳೇರಿಯ ವ್ಯಾಪಾರಿ ಭವನದಲ್ಲಿ ಗುರುವಾರ ನಡೆದ ಸವಾಕ್ ಕಾರಡ್ಕ ವಲಯ ವಾರ್ಷಿಕ ಮಹಾಸಭೆ, ನೂತನ ಸದಸ್ಯರಿಗೆ ಸದಸ್ವತ್ವ-ಗುರುತುಪತ್ರ ವಿತರಣೆ ಹಾಗೂ ಸಾಧಕ ಕಲಾವಿದರಿಗೆ ನಡೆದ ಅಭಿನಂದನಾ ಸಮಾರಂಭದ ಅಧ್ಯಕ್ಷತೆ ವಹಿಸಿ ಅವರು ಮಾತನಾಡಿದರು.
ಸವಾಕ್ ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಸನ್ನಿ ಅಗಸ್ಟಿನ್ ಮಹಾಸಭೆ ಉದ್ಘಾಟಿಸಿ ಮಾತನಾಡಿ, ಯಾವುದೇ ಫಲಾಪೇಕ್ಷೆಗಳಿಲ್ಲದೆ ಕಲಾವಿದರ ಶ್ರೇಯೋಭಿವೃದ್ದಿಯನ್ನು ಲಕ್ಷ್ಯವಾಗಿರಿಸಿ ಸಕ್ರಿಯವಾಗಿರುವ ಸವಾಕ್ ಕಲಾವಿದರಿಂದ, ಕಲಾವಿದರಿಗಾಗಿ ಪ್ರವರ್ತಿಸುವ ಸಂಘಟನೆಯಾಗಿದೆ ಎಂದರು. ಸುರೇಶ್ ಪಣಿಕ್ಕರ್, ವಿನು ಬೋವಿಕ್ಕಾನ, ಭಾರತಿ ಬಾಬು, ಜಯಂತಿ, ಮೋಹಿನಿ ಮುಳಿಯಾರ್, ರವೀಂದ್ರನ್ ನಾಯರ್ ಉಪಸ್ಥಿತರಿದ್ದು ಮಾತನಾಡಿದರು. ಸವಾಕ್ ನ ಹಿರಿಯ ಸದಸ್ಯ, ಯಕ್ಷಗಾನ ಕಲಾವಿದ ಅಪ್ಪಕುಞÂ್ಞ ಮಣಿಯಾಣಿ ಅವರು ಮಾತನಾಡಿ, ರಾಜ್ಯದಲ್ಲೇ ಮೊತ್ತಮೊದಲ ಪಿಂಚಣಿ ಪಡೆಯುತ್ತಿರುವ ಯಕ್ಷಗಾನ ಕಲಾವಿದನಾದ ತನಗೆ ಇಂತಹ ನೆರವು ಲಭಿಸುವಲ್ಲಿ ಸವಾಕ್ ಕೈಗೊಂಡ ತುರ್ತು ಕ್ರಮದ ಬಗ್ಗೆ ಶ್ಲಾಘನೆ ವ್ಯಕ್ತಪಡಿಸಿ ಮಾತನಾಡಿದರು.
DOCTYPE html>
