ನವದೆಹಲಿ: ದೇಶದಲ್ಲಿ ಆರ್ಟಿಪಿಸಿಆರ್ ಪರೀಕ್ಷೆಗೆ ಕೇರಳವು ಅತಿ ಹೆಚ್ಚು ದರವನ್ನು ಹೊಂದಿದೆ ಎಂದು ವರದಿಯೊಂದು ತಿಳಿಸಿದೆ. ಕೇರಳದಲ್ಲಿ ಆರ್ಟಿಪಿಸಿಆರ್ ಪರಿಶೀಲನೆಗೆ ಪ್ರಸ್ತುತ ಶುಲ್ಕ 1700 ರೂ.ನಿಂದ 2,750 ರೂ.ಗಳ ವರೆಗೂ ವಸೂಲುಮಾಡುತ್ತಿವೆ ಎಂಬ ಅಂಶ ಬೆಳಕಿಗೆ ಬಂದಿದೆ.
ಕೇರಳದಲ್ಲಿ ಸರ್ಕಾರಿ ಆಸ್ಪತ್ರೆಗಳಲ್ಲಿ ಉಚಿತ ಆರ್ಟಿಪಿಸಿಆರ್ ಪರೀಕ್ಷೆ ಇದೆ. ಆದರೆ ಫಲಿತಾಂಶಗಳು ತಕ್ಷಣ ಲಭ್ಯವಾಗುವುದಿಲ್ಲ.ಇದರಿಂದ ಜನರು ಖಾಸಗಿ ಲ್ಯಾಬ್ಗಳನ್ನು ಅವಲಂಬಿಸಬೇಕಾಗುತ್ತದೆ.
ವಿದೇಶ ಮತ್ತು ಇತರ ರಾಜ್ಯಗಳಿಗೆ ಪ್ರಯಾಣಿಸಲು ಆರ್ಟಿಪಿಸಿಆರ್ ನಕಾರಾತ್ಮಕ ಪ್ರಮಾಣಪತ್ರದ ಅಗತ್ಯವಿದೆ.ಇತರ ರಾಜ್ಯಗಳಿಗೆ ಹೋಗುವವರಿಗೆ 24 ಗಂಟೆಗಳ ಒಳಗೆ ಪರಿಶೀಲಿಸಿದ ಫಲಿತಾಂಶದ ಅಗತ್ಯವಿದೆ. ಖಾಸಗಿ ಲ್ಯಾಬ್ಗಳನ್ನು ಅವಲಂಬಿಸಲು ಇದು ಒಂದು ದೊಡ್ಡ ಕಾರಣವಾಗಿದೆ. ಈ ರೀತಿಯಾಗಿ ಅನೇಕ ತಪಾಸಣೆಗಳ ಅಗತ್ಯವು ದೊಡ್ಡ ಆರ್ಥಿಕ ಹೊರೆಯಾಗಿದೆ ಎಂದು ದೂರಿನಲ್ಲಿ ತಿಳಿಸಲಾಗಿದೆ.
ಕೇರಳದ ಈಗಿನ ಅತಂತ್ರ ಪರಿಸ್ಥಿತಿಯಲ್ಲಿಯೂ ಸಹ ಪರೀಕ್ಷಾ ದರವನ್ನು ನಿಯಂತ್ರಿಸಲು ಸರ್ಕಾರ ಮಧ್ಯಪ್ರವೇಶಿಸುತ್ತಿಲ್ಲ ಎಂಬ ದೂರು ವ್ಯಾಪಕವಾಗುತ್ತಿದೆ. ಸರ್ಕಾರಿ ಮೂಲಗಳ ಪ್ರಕಾರ, ಪ್ರಯೋಗಾಲಯಗಳು ಮತ್ತು ಆಸ್ಪತ್ರೆಗಳ ಮನವಿಯ ಮೇರೆಗೆ ಹೈಕೋರ್ಟ್ ದರವನ್ನು 1,500 ರಿಂದ 1,700 ರೂಗಳಿಗೆ ಹೆಚ್ಚಿಸಿದೆ. ಇದೇ ವೇಳೆ, ಹೆಚ್ಚಿನ ರಾಜ್ಯಗಳು ತುರ್ತು ಪರಿಸ್ಥಿತಿಯನ್ನು ಗಮನದಲ್ಲಿಟ್ಟುಕೊಂಡು ಹಲವಾರು ಬಾರಿ ತಪಾಸಣೆ ದರವನ್ನು ಕಡಿಮೆ ಮಾಡಿವೆ.
ಸಾಮಾನ್ಯವಾಗಿ ಪರೀಕ್ಷೆಗೆ ಅಗತ್ಯವಾದ ರೀಏಜೆಂಟ್, ವೈರಲ್ ಟ್ರಾನ್ಸ್ ಪೋರ್ಟ್ ಮೀಡಿಯಂ ಕಿಟ್ ಮತ್ತು ವೈಯಕ್ತಿಕ ರಕ್ಷಣಾ ಸಾಧನಗಳ ಬೆಲೆ ತುಲನಾತ್ಮಕವಾಗಿ ಕಡಿಮೆ. ಆದರೆ ಖಾಸಗಿ ಕಂಪನಿಗಳು ಲ್ಯಾಬ್ ಸಿಬ್ಬಂದಿ ಮತ್ತು ಬಯೋಮೆಡಿಕಲ್ ತ್ಯಾಜ್ಯ ವಿಲೇವಾರಿ ವೆಚ್ಚ ಹೆಚ್ಚು ಎಂದು ಹೇಳುತ್ತಾರೆ. ಸೋಂಕು ಹರಡುವಿಕೆಯು ಉಲ್ಬಣಗೊಳ್ಳುತ್ತಿದ್ದಂತೆ ದರಗಳನ್ನು ಕಡಿಮೆ ಮಾಡಬೇಕು ಅಥವಾ ಅವುಗಳನ್ನು ಪರೀಕ್ಷಿಸಲು ಲ್ಯಾಬ್ ಗಳಿಗೆ ಸರ್ಕಾರದ ನೆರವು ನೀಡಬೇಕು ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.
ಕೇರಳದ ನಂತರ ತಮಿಳುನಾಡು ಎರಡನೇ ಅತಿ ಹೆಚ್ಚು ದರವನ್ನು ಹೊಂದಿದೆ. ತಮಿಳುನಾಡಿನಲ್ಲಿ ಪರೀಕ್ಷಾ ಶುಲ್ಕ ರೂ .1200. ಮನೆಯಲ್ಲಿ ಮಾದರಿಯನ್ನು ಸಂಗ್ರಹಿಸಿದಾಗ 1500-1750 ರೂ. ದೆಹಲಿ ಮತ್ತು ಕರ್ನಾಟಕದಲ್ಲಿ ಶುಲ್ಕ 800 ರೂ. ಮನೆಯಲ್ಲಿ ಸಂಗ್ರಹಿಸಿದಾಗ 1200 ರೂ. ವಸೂಲುಮಾಡಲಾಗುತ್ತದೆ ಎಂದು ಅಧ್ಯಯನ ತಿಳಿಸುತ್ತದೆ.
DOCTYPE html>
.jpg)
