ರಾಮಾಯಣ ಆಧಾರಿತ ರಸಪ್ರಶ್ನೆ ಸ್ಪರ್ಧೆಯಲ್ಲಿ ಪ್ರಥಮ ಹಾಗೂ ದ್ವಿತೀಯ ಸ್ಥಾನಪಡೆದ ಮುಸ್ಲಿಂ ಸಹೋದರ ಬಾಲಕರು: ಇಬ್ಬರಿಗೂ ಅಭಿನಂದನೆಗಳ ಮಹಾಪೂರ

                ಮಲಪ್ಪುರಂ: ಪ್ರಮುಖ ಪ್ರಕಾಶಕ ಡಿಸಿ ಬುಕ್ಸ್ ಆಯೋಜಿಸಿದ್ದ ರಾಜ್ಯಮಟ್ಟದ ರಾಮಾಯಣ ರಸಪ್ರಶ್ನೆ ಸ್ಪರ್ಧೆಯಲ್ಲಿ ಪ್ರಥಮ ಮತ್ತು ದ್ವಿತೀಯ ಸ್ಥಾನ ಪಡೆದ ಮಲಪ್ಪುರಂನ ವಾಫಿ ಮಾರ್ಕಸ್ ಕಾಲೇಜಿನ ಮುಹಮ್ಮದ್ ಜಾಬಿರ್ ಮತ್ತು ಮುಹಮ್ಮದ್ ಬಾಸಿತ್ ಅವರಿಗೆ ಭಾರೀ ಅಭಿನಂದನೆಗಳು ವ್ಯಕ್ತವಾಗಿದೆ.
                 ಸಾವಿರಕ್ಕೂ ಹೆಚ್ಚು ಮಂದಿ ಭಾಗವಹಿಸಿದ್ದ ರಾಮಾಯಣ ಪ್ರಸನ್ನೋತ್ತರಿಯಲ್ಲಿ ಇಬ್ಬರೂ ಪ್ರಥಮ ಹಾಗೂ ದ್ವಿತೀಯ ಬಹುಮಾನ ಪಡೆದಿರುವರು.
             ಡಿಸಿ ಬುಕ್ಸ್ ರಾಜ್ಯ ಮಟ್ಟದಲ್ಲಿ ರಾಮಾಯಣಕ್ಕೆ ಸಂಬಂಧಿಸಿದ ಆನ್‍ಲೈನ್ ರಸಪ್ರಶ್ನೆ ಸ್ಪರ್ಧೆಯನ್ನು ಆಯೋಜಿಸಿತ್ತು. ಇದರಲ್ಲಿ ಇಬ್ಬರೂ ಭಾಗವಹಿಸಿದ್ದರು. ಫೇಸ್‍ಬುಕ್ ಮತ್ತು ಇನ್‍ಸ್ಟಾಗ್ರಾಮ್‍ನಲ್ಲಿ ಅಧಿಸೂಚನೆಯನ್ನು ನೋಡಿದ ನಂತರ ನಾವು ಅರ್ಜಿ ಸಲ್ಲಿಸಿದ್ದೆವು  ಎಂದು ಅವರು ಹೇಳಿದರು. ಕೋರ್ಸ್‍ನ ಭಾಗವಾಗಿ, ಪಠ್ಯಕ್ರಮವು ಇತರ ಧರ್ಮಗಳು ಮತ್ತು ಸಿದ್ಧಾಂತಗಳ ಬಗ್ಗೆ ಕಲಿಯುವುದನ್ನು ಒಳಗೊಂಡಿತ್ತು. ಇದರ ಭಾಗವಾಗಿ ತುಲನಾತ್ಮಕ ಅಧ್ಯಯನಗಳನ್ನು ಸಹ ನಡೆಸಲಾಗುವುದು. ಕಾಲೇಜಿನ ಗ್ರಂಥಾಲಯವೂ ಓದಿಗೆ ಸಹಕಾರಿಯಾಯಿತು. ಈ ಕಾರಣದಿಂದಲೇ ಸ್ಪರ್ಧೆಯಲ್ಲಿ ಆತ್ಮವಿಶ್ವಾಸದಿಂದ ಭಾಗವಹಿಸಲು  ಪ್ರೇರೇಪಿಸಿತು ಎಂದಿರುವರು.
                  ಸಾಮಾನ್ಯ ಜ್ಞಾನಕ್ಕಿಂತ ಸ್ವಲ್ಪ ಹೆಚ್ಚು ಅರ್ಥಮಾಡಿಕೊಂಡವರು ಮಾತ್ರ ಉತ್ತರಿಸಬಹುದಾದ ಪ್ರಶ್ನೆಗಳಿದ್ದವು ಎಂದು ಇಬ್ಬರೂ ಹೇಳಿದರು. 10 ಪ್ರಶ್ನೆಗಳಿದ್ದವು. ಇತರ ಧರ್ಮಗಳ ತುಲನಾತ್ಮಕ ಅಧ್ಯಯನದ ಭಾಗವಾಗಿ, ನಾವು ರಾಮಾಯಣ ಸೇರಿದಂತೆ ಪುಸ್ತಕಗಳನ್ನು ಆಳವಾಗಿ ಅಧ್ಯಯನ ಮಾಡಲು ಪ್ರಯತ್ನಿಸಿದೆವು. ಲಾಕ್ ಡೌನ್ ಸಮಯ ಸೇರಿದಂತೆ ಈವೆಗೆ ಅದರಲ್ಲೇ ಸಮಯ ಕಳೆದೆವು ಎಂದು ಅವರು ಹೇಳಿರುವರು.
             ಪ್ರತಿಯೊಬ್ಬ ಭಾರತೀಯನೂ ಗ್ರಹಿಸಬೇಕಾದ ಅನೇಕ ದರ್ಶನಗಳು ರಾಮಾಯಣದಲ್ಲಿವೆ. ಜಗತ್ತಿನಲ್ಲಿ ಅಧಿಕಾರಕ್ಕಾಗಿ ಹಪಹಪಿಸುತ್ತಿರುವ ಜನರಿದ್ದಾರೆ. ಅಲ್ಲಿ ರಾಮನ ಕಥೆಗಳು ಎದ್ದು ಕಾಣುತ್ತವೆ.
                 ರಾಮಾಯಣ ಮತ್ತು ಭಗವದ್ಗೀತೆಯು ಮನುಷ್ಯನು ಹೇಗೆ ಬದುಕಬೇಕು ಎಂಬುದರ ಬಗ್ಗೆ ನಿಖರವಾದ ಮಾಹಿತಿಯನ್ನು ನೀಡುತ್ತದೆ. ರಾಮಾಯಣವು ನ್ಯಾಯ, ಸಹಿಷ್ಣುತೆ, ಪ್ರೀತಿ ಮತ್ತು ಸಹೋದರತ್ವದ ಪರಿಕಲ್ಪನೆಯೊಂದಿಗೆ ವ್ಯವಹರಿಸುತ್ತದೆ. ಭಾರತ ಅನೇಕ ಧರ್ಮಗಳ ನಾಡು. ಆದ್ದರಿಂದ ಎಲ್ಲ ಧರ್ಮದವರನ್ನು ಸೌಹಾರ್ದತೆ ಮತ್ತು ಗೌರವದಿಂದ ಕಾಣಬೇಕು ಎಂದು ರಾಮಾಯಣ ಹೇಳುತ್ತದೆ ಎಂದು ಈ ಸಹೋದರರು ಹೇಳಿದ್ದಾರೆ.