ಚೆಕ್ ಪೋಸ್ಟ್ ಸಿಬ್ಬಂದಿಗಳು ಕರ್ತವ್ಯ ಪಾಲನೆಯಲ್ಲಿ ಹಿಂದೇಟು: ಕರ್ತವ್ಯದ ವೇಳೆ ನಿದ್ರೆ!

            ಇಡುಕ್ಕಿ: ಚೆಕ್ ಪೋಸ್ಟ್ ಗಳ ಅಧಿಕಾರಿಗಳು ಕೆಲಸದ ವೇಳೆ ನಿದ್ದೆಯಲ್ಲಿ ಮೈಮೆರೆಯುತ್ತಿರುವುದು ವಿಜಿಲೆನ್ಸ್ ತಪಾಸಣೆಯಲ್ಲಿ ಪತ್ತೆಯಾಗಿದೆ.

          ಇಡುಕ್ಕಿ ಜಿಲ್ಲೆಯ ವಿವಿಧ ಚೆಕ್ ಪೋಸ್ಟ್‍ಗಳ ಅಧಿಕಾರಿಗಳು ಬೇಜವಾಬ್ದಾರಿಯಿಂದ ಕೆಲಸ ಮಾಡುತ್ತಿರುವುದನ್ನು ವಿಜಿಲೆನ್ಸ್ ಪತ್ತೆ ಮಾಡಿದೆ. ಕುಮಳಿ ಪಶು ಸಂಗೋಪನಾ ಇಲಾಖೆ ಚೆಕ್ ಪೋಸ್ಟ್ ನಲ್ಲಿ ಕರ್ತವ್ಯ ನಿರ್ವಹಿಸುವ ಅಧಿಕಾರಿ ಆಗಾಗ ಮಲಗಿದ್ದು, ಗಾಡಿಗಳಲ್ಲಿ ತಂದಿರುವ ಹಸು, ಕೋಳಿಗಳ ಸಂಖ್ಯೆಯನ್ನು ನಿಖರವಾಗಿ ಲೆಕ್ಕ ಹಾಕದಿರುವುದು ತನಿಖಾ ತಂಡದ ಗಮನಕ್ಕೆ ಬಂದಿದೆ. ಅದೇ ಕಚೇರಿಯಲ್ಲಿ ಅಟೆಂಡರ್ ಕರ್ತವ್ಯದ ವೇಳೆ ಮಲಗಿರುವುದು ಗಮನಕ್ಕೆ ಬಂದಿದೆ.

          ಕುಮಳಿ ಚೆಕ್ ಪೋಸ್ಟ್‍ನಲ್ಲೂ ಅಧಿಕಾರಿಗಳು ಕರ್ತವ್ಯದ ವೇಳೆ ಕುರ್ಚಿ ಮೇಲೆ ಮಲಗಿರುವುದು ಕಂಡು ಬಂದಿದೆ. ಬೋಡಿ ಮೆಟ್‍ನಲ್ಲಿರುವ ಪ್ರಾಣಿ ಕಲ್ಯಾಣ ಇಲಾಖೆ ಚೆಕ್ ಪೋಸ್ಟ್‍ನಲ್ಲಿ 1600 ರೂಪಾಯಿಗಳನ್ನು ವಶಪಡಿಸಿಕೊಂಡಿದ್ದಾರೆ. ಅಬಕಾರಿ ಚೆಕ್ ಪೋಸ್ಟ್‍ಗಳಾದ ಕಂಬಮ್ಮೆಟ್, ಚಿನ್ನಾರ್, ಕುಮಳಿ ಹಾಗೂ ಮೋಟಾರು ವಾಹನ ಇಲಾಖೆ ಚೆಕ್ ಪೋಸ್ಟ್‍ಗಳಲ್ಲಿ ಯಾವುದೇ ಅಕ್ರಮಗಳು ನಡೆದಿಲ್ಲ ಎಂದು ತಿಳಿದುಬಂದಿದೆ.

          ಏತನ್ಮಧ್ಯೆ, ನಿನ್ನೆ  ಪಾಲಕ್ಕಾಡ್ ಜಿಲ್ಲೆಯ 17 ಚೆಕ್ ಪೋಸ್ಟ್‍ಗಳಲ್ಲಿ ವಿಜಿಲೆನ್ಸ್ ತನಿಖೆ ನಡೆಸಿತು. ಈ ಪೈಕಿ ಮೂರು ಚೆಕ್ ಪೊಸ್ಟ್ ಗಳಲ್ಲಿ 10,250 ರೂಪಾಯಿ ಲಂಚವನ್ನು ವಶಪಡಿಸಿಕೊಳ್ಳಲಾಗಿದೆ. ಪರಿಶೀಲನೆ ನಡೆಸದೆ ಅಕ್ರಮವಾಗಿ ಸಾಗಿಸುತ್ತಿದ್ದ ಮೂರು ಲಾರಿಗಳನ್ನು ವಾಳಯಾರ್ ನಲ್ಲಿ ವಿಜಿಲೆನ್ಸ್ ವಶಪಡಿಸಿಕೊಂಡಿದೆ. ಓವರ್ ಲೋಡ್ ಮಾಡಿದ ವಾಹನಗಳಿಂದ 85 ಸಾವಿರ ದಂಡ ವಸೂಲಿ ಮಾಡಲಾಗಿದೆ.