ಜಿ20 ಅನುಭವದ ಕುರಿತು ಅಧಿಕಾರಿಗಳೊಂದಿಗೆ ಮೋದಿ ಸಂವಾದ

            ನವದೆಹಲಿ: ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರು ಮಂಗಳವಾರ ತಮ್ಮ ಕಚೇರಿಯ ಅಧಿಕಾರಿಗಳು ಮತ್ತು ಸಿಬ್ಬಂದಿಯನ್ನು ಭೇಟಿಯಾಗಿ ಜಿ20 ಶೃಂಗಸಭೆ ಬಗ್ಗೆ ಅವರ ಅನುಭವಗಳ ಮಾಹಿತಿ ಪಡೆದರು ಎಂದು ಮೂಲಗಳು ತಿಳಿಸಿವೆ.

                ನಂತರ ವಿದೇಶಾಂಗ ವ್ಯವಹಾರಗಳ ಸಚಿವಾಲಯದ ಅಧಿಕಾರಿಗಳೂ ಸೇರಿದಂತೆ ಎಲ್ಲಾ ಹಂತದ ಸಿಬ್ಬಂದಿಯನ್ನು ಸುಷ್ಮಾ ಸ್ವರಾಜ್ ಭವನದಲ್ಲಿ ಭೇಟಿಯಾದರು.

               ಜಿ20 ಶೃಂಗಸಭೆಯ ಕುರಿತು ಅಲ್ಲಿಯೂ ಸಂವಾದ ನಡೆಸಿದರು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

                ಭಾರತದ ಅಧ್ಯಕ್ಷತೆಯಲ್ಲಿ ಎರಡು ದಿನ ನಡೆದ ಜಿ20 ಶೃಂಗಸಭೆಯು ಭಾನುವಾರ ಕೊನೆಗೊಂಡಿತು. ಉಕ್ರೇನ್‌ ಯುದ್ಧವೂ ಸೇರಿದಂತೆ ಹಲವಾರು ವಿಷಯಗಳ ಕುರಿತು ಜಿ20 ರಾಷ್ಟ್ರಗಳು ಸರ್ವಾನುಮತದ ಜಂಟಿ ಹೇಳಿಕೆಯನ್ನು ನೀಡಿದವು. ಹೀಗಾಗಿ ಇದನ್ನು ಯಶಸ್ವಿ ಶೃಂಗ ಎಂದು ಬಣ್ಣಿಸಲಾಗಿದೆ.