ಕ್ರಿಸ್ಮಸ್ ಮುನ್ನಾದಿನ ಲಭಿಸಿದ ಮಗುವಿಗೆ ಸ್ನಿಗ್ಧ ಎಂದು ಹೆಸರಿರಿಸಿದ ಮಹಿಳಾ-ಮಕ್ಕಳ ಕಲ್ಯಾಣ ಇಲಾಖೆ

ತಿರುವನಂತಪುರಂ: ಕೇರಳ ರಾಜ್ಯ ಮಕ್ಕಳ ಕಲ್ಯಾಣ ಸಮಿತಿಯ ತಿರುವನಂತಪುರಂ ಅಮ್ಮ ತೊಟ್ಟಿಲಲ್ಲಿ ಕ್ರಿಸ್‍ಮಸ್ ಮುನ್ನಾದಿನದಂದು ಪಡೆದ 3 ದಿನದ ಹೆಣ್ಣು ಮಗುವಿಗೆ ಸ್ನಿಗ್ಧಾ ಎಂದು ನಾಮಕರಣ ಮಾಡಲಾಗಿದೆ.

ಆರೋಗ್ಯ, ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆ ಸಚಿವೆ ವೀಣಾ ಜಾರ್ಜ್ ಅವರು ಮಗುವಿನ  ಹೆಸರಿಗಾಗಿ ಫೇಸ್ ಬುಕ್ ನಲ್ಲಿ ಪೋಸ್ಟ್ ಮಾಡಿದ್ದರು.

ಫೇಸ್‍ಬುಕ್ ಸೇರಿದಂತೆ ಸಾಮಾಜಿಕ ಮಾಧ್ಯಮಗಳ ಮೂಲಕ ಮತ್ತು ವೈಯಕ್ತಿಕವಾಗಿ ಮಾಧ್ಯಮ ಕಾರ್ಯಕರ್ತರು ಸೇರಿದಂತೆ ಸಮಾಜದ ವಿವಿಧ ಕ್ಷೇತ್ರಗಳ 2,400 ಕ್ಕೂ ಹೆಚ್ಚು ಜನರು ಹೆಸರುಗಳನ್ನು ಸೂಚಿಸಿದ್ದರು. ಒಟ್ಟಿನಲ್ಲಿ ಬಂದ ಹೆಸರುಗಳು ಅದ್ಭುತವಾಗಿತ್ತು. ಅದಕ್ಕೆ ಹೆಸರು ಹುಡುಕುವುದು ತುಂಬಾ ಕಷ್ಟವಾಗಿತ್ತು. ನಕ್ಷತ್ರ, ತಾಲಿಯಾ, ತಾರಾ, ಎಮ್ಮಾ, ಮಾಲಾಖಾ, ಅತಿಥಿ, ಪ್ರಾಸಿಕಾ, ಉಜ್ವಲ, ನೀಲಾ... ಹೀಗೆ ಹಲವು ಸುಂದರ ಹೆಸರುಗಳು... ಅದಕ್ಕಾಗಿಯೇ ಲಾಟರಿ ಮೂಲಕ ಹೆಸರು ಗುರುತಿಸಲು  ನಿರ್ಧರಿಸಿದರು.

ಮಕ್ಕಳ ಕಲ್ಯಾಣ ಸಮಿತಿಯಲ್ಲಿ ಚೀಟಿ ಎತ್ತುವ ಮೂಲಕ ಮಗುವಿನ ಹೆಸರನ್ನು ನಿರ್ಧರಿಸಲಾಯಿತು. ಸಚಿವೆ ವೀಣಾ ಜಾರ್ಜ್ ಆನ್‍ಲೈನ್‍ನಲ್ಲಿ ಕಾರ್ಯಕ್ರಮಕ್ಕೆ ಹಾಜರಾಗಿದ್ದರು. ಮಕ್ಕಳ ಕಲ್ಯಾಣ ಸಮಿತಿಯ ಪ್ರಧಾನ ಕಾರ್ಯದರ್ಶಿ  ಜಿ.ಎಲ್. ಅರುಣಗೋಪಿ ಜೊತೆಗಿದ್ದರು. ಅಲ್ಲಿದ್ದ ಮತ್ತೊಬ್ಬ ಹುಡುಗ ಜಾನು ಚೀಟಿ ಎತ್ತಿದ. ಸೂಚಿಸಲಾದ ಇತರ ಹೆಸರುಗಳನ್ನು ಮಕ್ಕಳ ಕಲ್ಯಾಣ ಸಮಿತಿಯಿಂದ ಪಡೆದ ಇತರ ಶಿಶುಗಳಿಗೆ ನೀಡಲಾಗುವುದು ಎಂದು ಸಚಿವರು ಹೇಳಿದರು. ಈ ವರ್ಷ ಇದುವರೆಗೆ ತಿರುವನಂತಪುರಂ ಮಕ್ಕಳ ಕಲ್ಯಾಣ ಸಮಿತಿಯೊಂದರ ತಾಯಿ ತೊಟ್ಟಿಲುಗಳಲ್ಲಿ 22 ಶಿಶುಗಳನ್ನು ಸ್ವೀಕರಿಸಲಾಗಿದೆ. ಮಕ್ಕಳ ಕಲ್ಯಾಣ ಸಮಿತಿಯು ಮಕ್ಕಳ ಬಗ್ಗೆ ಕಾಳಜಿ, ರಕ್ಷಣೆ ಮತ್ತು ಪ್ರೀತಿಯನ್ನು ತೋರುತ್ತಿದೆ ಎಂದು ಸಚಿವರು ಮೆಚ್ಚುಗೆ ವ್ಯಕ್ತಪಡಿಸಿದರು. ಹೆಸರು ಸೂಚಿಸಿದ ಎಲ್ಲರಿಗೂ ಸಚಿವರು ಧನ್ಯವಾದ ಹೇಳಿರುವರು.