ಅರ್ಧ ಬೆಲೆ ಸ್ಕೂಟರ್ ಹಗರಣ: ಲಾಲಿ ವಿನ್ಸೆಂಟ್ ಮನೆ ಸೇರಿದಂತೆ 12 ಸ್ಥಳಗಳ ಮೇಲೆ ಇಡಿ ದಾಳಿ

ಕೊಚ್ಚಿ: ಅರ್ಧ ಬೆಲೆ ಹಗರಣಕ್ಕೆ ಸಂಬಂಧಿಸಿದಂತೆ ಅನಂತುಕೃಷ್ಣನ್ ಅವರ ಕಚೇರಿಯ ಮೇಲೆ ಅಪರಾಧ ಶಾಖೆ ದಾಳಿ ಮಾಡಿದೆ. ಅರ್ಧ ಬೆಲೆ ಹಗರಣಕ್ಕೆ ಸಂಬಂಧಿಸಿದಂತೆ ರಾಜ್ಯಾದ್ಯಂತ ಇಡಿ ದಾಳಿಗಳು ನಡೆಯುತ್ತಿರುವ ಹಿನ್ನೆಲೆಯಲ್ಲಿ ವ್ಯಾಪಕ ಸಿದ್ದತೆಗಳೂ ನಡೆದಿದೆ.

ಪ್ರಕರಣದ ಮೊದಲ ಆರೋಪಿ ಅನಂತಕೃಷ್ಣನ್, ಸತ್ಯ ಸಾಯಿ ಟ್ರಸ್ಟ್ ಕಾರ್ಯನಿರ್ವಾಹಕ ನಿರ್ದೇಶಕ ಕೆ.ಎನ್.ಆನಂದಕುಮಾರ್ ಮತ್ತು ಕಾಂಗ್ರೆಸ್ ನಾಯಕಿ ಲಾಲಿ ವಿನ್ಸೆಂಟ್ ಅವರ ನಿವಾಸ, ಸಂಸ್ಥೆಗಳಲ್ಲಿ  ತಪಾಸಣೆ ನಡೆಯುತ್ತಿದೆ.

ಕೊಚ್ಚಿಯಿಂದ ಬಂದ ಸುಮಾರು ಅರವತ್ತು ಅಧಿಕಾರಿಗಳು ವಿವಿಧ ತಂಡಗಳಾಗಿ ವಿಂಗಡಿಸಲ್ಪಟ್ಟು ಮಂಗಳವಾರ ಬೆಳಗಿನ ಜಾವ ದಾಳಿ ಆರಂಭಿಸಿದರು. ಅಕ್ರಮ ಹಣ ವರ್ಗಾವಣೆ ಮತ್ತು ಜೂಜಾಟ ವಿರೋಧಿ ಕಾಯ್ದೆಯಡಿ ಪ್ರಕರಣ ದಾಖಲಿಸಿಕೊಂಡಿರುವ ಇಡಿ, ನಿನ್ನೆ ದೂರುದಾರರಿಂದ ವಿವರವಾದ ಹೇಳಿಕೆಗಳನ್ನು ದಾಖಲಿಸಿಕೊಂಡಿತ್ತು. ಕಡವಂತ್ರದಲ್ಲಿರುವ ಸೋಶಿಯಲ್ ಬಿ ವೆಂಜನ್ಸ್ ಎಂಬ ಸಂಸ್ಥೆಯಲ್ಲೂ ತಪಾಸಣೆ ನಡೆಯುತ್ತಿದೆ, ಅನಂತು ಕೃಷ್ಣನ್ ವಿರುದ್ಧ ಹೆಚ್ಚಿನ ಪುರಾವೆಗಳು ಈ ಸಂಸ್ಥೆಯ ಬಳಿಯೇ ಇವೆ ಎಂದು ತನಿಖಾ ತಂಡ ನಂಬಿದೆ.

ಸ್ಕೂಟರ್ ವಂಚನೆ ಪ್ರಕರಣದ ಪ್ರಮುಖ ಆರೋಪಿ ಅನಂತು ಕೃಷ್ಣನ್, ಕಾಂಗ್ರೆಸ್ ನಾಯಕಿ ಲಾಲಿ ವಿನ್ಸೆಂಟ್ ಅವರಿಗೆ 46 ಲಕ್ಷ ರೂಪಾಯಿ ಹಸ್ತಾಂತರಿಸಿದ್ದ ಎಂದು ಪೋಲೀಸರು ಈ ಹಿಂದೆಯೇ ಪತ್ತೆ ಹಚ್ಚಿದ್ದರು. ಅಪರಾಧ ವಿಭಾಗವು ವಾರಂಟ್‍ನೊಂದಿಗೆ ದಾಳಿ ನಡೆಸುತ್ತಿದ್ದಂತೆ ಇಡಿ ಇಲ್ಲಿಂದ ಹಿಂದೆ ಸರಿಯಿತು. ಕಡವಂತ್ರದಲ್ಲಿರುವ ಕಚೇರಿಯಲ್ಲಿ ಇದಕ್ಕೆ ಸಂಬಂಧಿಸಿದ ಹಲವು ದಾಖಲೆಗಳಿವೆ ಮತ್ತು ಪರೀಕ್ಷೆಯನ್ನು ಪೂರ್ಣಗೊಳಿಸಲು ಸಮಯ ತೆಗೆದುಕೊಳ್ಳುತ್ತದೆ ಎಂದು ತನಿಖಾ ತಂಡ ತಿಳಿಸಿದೆ.

ಸಂಸ್ಥೆಯ ಖಾತೆಗಳಿಗೆ 548 ಕೋಟಿ ರೂ. ಜಮಾ ಮಾಡಲಾಗಿದೆ ಎಂದು ಅಪರಾಧ ಶಾಖೆ ನಿನ್ನೆ ತಿಳಿಸಿತ್ತು. ಅಪರಾಧ ವಿಭಾಗದ ಕೋರಿಕೆಯ ಮೇರೆಗೆ ಅನಂತು ಅವರನ್ನು ಎರಡು ದಿನಗಳ ಕಾಲ ವಶಕ್ಕೆ ನೀಡಲಾಗಿದೆ. ಹಣದ ಮೂಲ ಮತ್ತು ಅವರ ಉನ್ನತ ಮಟ್ಟದ ಸಂಪರ್ಕಗಳನ್ನು ಪತ್ತೆಹಚ್ಚಲು ನ್ಯಾಯಾಲಯ ಆದೇಶಿಸಿದೆ. ಈ ಮಧ್ಯೆ, ಪ್ರಕರಣದ ಪ್ರಮುಖ ಆರೋಪಿಗಳಲ್ಲಿ ಒಬ್ಬರಾದ ಸಾಯಿಗ್ರಾಮ ಟ್ರಸ್ಟ್ ಅಧ್ಯಕ್ಷ ಆನಂದ್ ಕುಮಾರ್ ಅವರ ಜಾಮೀನು ಅರ್ಜಿಯನ್ನು ನ್ಯಾಯಾಲಯ ಇಂದು ಪರಿಗಣಿಸುತ್ತಿದೆ. 

ಆನಂದ್ ಕುಮಾರ್ ರಾಷ್ಟ್ರೀಯ ಅಧ್ಯಕ್ಷರಾಗಿರುವ ರಾಷ್ಟ್ರೀಯ ಎನ್‍ಜಿಒ ಒಕ್ಕೂಟದ ಅಡಿಯಲ್ಲಿರುವ ಸಂಸ್ಥೆಗಳ ಮೂಲಕ ಅರ್ಧಬೆಲೆ ಹಗರಣವನ್ನು ನಡೆಸಲಾಯಿತು. ವಂಚನೆಯಲ್ಲಿ ತಾನು ಭಾಗಿಯಾಗಿಲ್ಲ ಎಂಬ ಆನಂದಕುಮಾರ್ ಅವರ ಹೇಳಿಕೆಯನ್ನು ತಿರಸ್ಕರಿಸಿ, ಅಪರಾಧ ವಿಭಾಗವು ಇಂದು ನ್ಯಾಯಾಲಯಕ್ಕೆ ವರದಿಯನ್ನು ಸಲ್ಲಿಸಿದೆ.