ಮಲಪ್ಪುರಂ ಅಯ್ಯಡನ್ ಪರ್ವತ ಬಿರುಕು: 42 ಕುಟುಂಬಗಳ ಸ್ಥಳಾಂತರ

ಮಲಪ್ಪುರಂ: ಕೊಂಡೋಟ್ಟಿ ಮೊರಾಯೂರಿನ ಅಯ್ಯಡನ್ ಪರ್ವತದಲ್ಲಿ ಬಿರುಕು ಕಂಡುಬಂದ ನಂತರ 42 ಕುಟುಂಬಗಳನ್ನು ಸ್ಥಳಾಂತರ ಮಾಡಲಾಗಿದೆ. ಭೂವಿಜ್ಞಾನ ಇಲಾಖೆ ಅಧಿಕಾರಿಗಳು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲಿಸಿದ್ದಾರೆ.

ಭೂಕುಸಿತದ ಸಾಧ್ಯತೆಯನ್ನು ಗಮನದಲ್ಲಿಟ್ಟುಕೊಂಡು ಕುಟುಂಬಗಳನ್ನು ಸ್ಥಳಾಂತರಿಸಲಾಗಿದೆ.

ಕಳೆದ ಕೆಲವು ದಿನಗಳಲ್ಲಿ ಮೊರಾಯೂರು ಗ್ರಾಮ ಪಂಚಾಯತ್‍ನ ವಾರ್ಡ್ 15 ರಲ್ಲಿರುವ ಅಯ್ಯಡನ್ ಪರ್ವತದಲ್ಲಿ ಬಿರುಕು ಕಾಣಿಸಿಕೊಂಡಿದ್ದು ಜಿಲ್ಲೆಯಲ್ಲಿ ಸುರಿದ ಭಾರೀ ಮಳೆಯಿಂದಾಗಿ ಎಂದು ಭೂವಿಜ್ಞಾನ ಇಲಾಖೆ ಅಧಿಕಾರಿಗಳು ಸ್ಪಷ್ಟಪಡಿಸಿದ್ದಾರೆ.

ಈ ಪ್ರದೇಶದ ಕುಟುಂಬಗಳನ್ನು ಸಂಬಂಧಿಕರ ಮನೆಗಳಿಗೆ ಸ್ಥಳಾಂತರಿಸಲಾಗಿದೆ. ಪಂಚಾಯತ್ ಕ್ರಮ ಕೈಗೊಂಡಿದೆ. ಹಲವು ಸ್ಥಳಗಳಲ್ಲಿ ಪರ್ವತದಲ್ಲಿ ದೊಡ್ಡ ಬಿರುಕುಗಳಿವೆ. ಹಿಂದಿನ ವರ್ಷಗಳಲ್ಲಿ, ಮಳೆ ಹೆಚ್ಚಾದಾಗ ಸ್ಥಳಾಂತರ ಮಾಡಲಾಗಿತ್ತು. ಆದರೆ ಇತ್ತೀಚಿನ ದಿನಗಳಲ್ಲಿ ಇಷ್ಟೊಂದು ದೊಡ್ಡ ಬಿರುಕು ಉಂಟಾಗಿರುವುದು ಇದೇ ಮೊದಲು ಎಂದು ಸ್ಥಳೀಯ ನಿವಾಸಿಗಳು ಹೇಳುತ್ತಾರೆ.