ಶಶಿ ತರೂರ್ ಅವರ ಹೇಳಿಕೆಯನ್ನು ನಿರಾಕರಿಸಿದ ಎಚ್.ಆರ್.ಡಿ.ಎಸ್. ಸಂಸ್ಥೆ: ತರೂರ್ ರನ್ನು ನೇರವಾಗಿ ಆಹ್ವಾನಿಸಲಾಗಿತ್ತೆಂದು ಹೇಳಿಕೆ

ನವದೆಹಲಿ: ಸಾವರ್ಕರ್ ಪ್ರಶಸ್ತಿಗೆ ಆಯ್ಕೆಯಾಗಿರುವ ಸಂಸದ ಶಶಿ ತರೂರ್ ಅವರನ್ನು ದೆಹಲಿಯಲ್ಲಿರುವ ಅವರ ನಿವಾಸಕ್ಕೆ ನೇರವಾಗಿ ಆಹ್ವಾನಿಸಲಾಗಿತ್ತೆಂದು ಎಚ್.ಆರ್.ಡಿ.ಎಸ್. ತಿಳಿಸಿದೆ.

ಶಶಿ ತರೂರ್ ಅವರಿಗೆ ಪ್ರಶಸ್ತಿಯ ಬಗ್ಗೆ ಇಮೇಲ್ ಕಳುಹಿಸಲಾಗಿದೆ ಎಂದು ಎಚ್.ಆರ್.ಡಿ.ಎಸ್ ಕಾರ್ಯದರ್ಶಿ ಅಜಿ ಕೃಷ್ಣ ಹೇಳಿದರು. ಆ ನಂತರ ಸಂಸ್ಥೆಯ ಪ್ರತಿನಿಧಿಗಳು ನಿವಾಸಕ್ಕೆ ಹೋಗಿದ್ದರು ಎಂದು ಅಜಿ ಕೃಷ್ಣನ್ ಹೇಳಿದರು.

"ನಾನು ಶಶಿ ತರೂರ್ ಅವರ ಸಿಬ್ಬಂದಿ ಸದಸ್ಯರನ್ನು ಮೂರು ಅಥವಾ ನಾಲ್ಕು ಬಾರಿ ಭೇಟಿಯಾಗಿದ್ದೆ. ನಾನು ಒಮ್ಮೆ ನೇರವಾಗಿ ತರೂರ್ ಅವರನ್ನು ಭೇಟಿಯಾಗಿದ್ದೆ. ಶಶಿ ತರೂರ್ ಬರಲು ಒಪ್ಪಿಕೊಂಡಿದ್ದರು. ಈ ಕಾರ್ಯಕ್ರಮವನ್ನು ಡೈರಿಯಲ್ಲಿ ಉಲ್ಲೇಖಿಸಬೇಕೆಂದು ನಾನು ಸೂಚಿಸಿದ್ದೆ" ಎಂದು ಅಜಿ ಕೃಷ್ಣನ್ ಹೇಳಿದರು.

"ನಾನು ಅವರನ್ನು ನೇರವಾಗಿ ಭೇಟಿಯಾದ ದಿನ ನನಗೆ ನೆನಪಿಲ್ಲ. ಕಾಂಗ್ರೆಸ್‍ನಲ್ಲಿನ ವಿರೋಧದಿಂದಾಗಿ ತರೂರ್ ಬರಲು ಸಾಧ್ಯವಾಗಲಿಲ್ಲ. "ತರೂರ್‍ಗೆ ಹಾನಿ ಮಾಡುವ ಪ್ರಯತ್ನವಲ್ಲ, ಬದಲಿಗೆ ಅವರಿಗೆ ಪ್ರಶಸ್ತಿ ನೀಡುವ ಪ್ರಯತ್ನವಾಗಿತ್ತು. ತರೂರ್ ಇನ್ನೂ ಸಾವರ್ಕರ್ ಪ್ರಶಸ್ತಿಗೆ ಅರ್ಹರು" ಎಂದು ಅಜಿ ಕೃಷ್ಣನ್ ಹೇಳಿದರು.