ಚುನಾವಣೆ: ಪ್ರಚಾರ ಸಮಾರೋಪದಲ್ಲಿ ಹಲವೆಡೆ ಘರ್ಷಣೆ

ತಿರುವನಂತಪುರಂ: ರಾಜ್ಯದ ಹೊಸ ಸರ್ಕಾರವನ್ನು ಯಾರು ಮುನ್ನಡೆಸುತ್ತಾರೆ? ಕೇರಳದ ಜನರು ಮತ ಚಲಾಯಿಸಲು ಕೇವಲ ಗಂಟೆಗಳು ಮಾತ್ರ ಉಳಿದಿವೆ. ನಾಲ್ಕು ವಾರಗಳ ಕಾಲ ನಡೆದ ಸಮರೋಪಾದಿಯ ಪ್ರಚಾರ, ವಿವಾದಗಳಿಂದ ತುಂಬಿದ್ದ ವಿಧಾನಸಭಾ ಚುನಾವಣೆಯ ಬಹಿರಂಗ ಪ್ರಚಾರ ನಿನ್ನೆ ಕೊನೆಗೊಂಡಿತು. ಪಕ್ಷದ ಕಾರ್ಯಕರ್ತರು ಡ್ರಮ್ ಬಾರಿಸುವಿಕೆ ಮತ್ತು ವರ್ಣರಂಜಿತ ವೇಷಭೂಷಣಗಳೊಂದಿಗೆ ವಿವಿಧ ಕೇಂದ್ರಗಳಲ್ಲಿ ಜಮಾಯಿಸಿದರು. ಅವರು ಪರಸ್ಪರ ಯುದ್ಧದ ಘೋಷಣೆಗಳನ್ನು ಕೂಗಿದರು. ಕೆಲವು ಸ್ಥಳಗಳಲ್ಲಿ, ಅದು ಜಗಳಕ್ಕೆ ಕಾರಣವಾಯಿತು. ಸಮಾರೋಪ ಪ್ರಚಾರಾಂತ್ಯ ಸಮಾರಂಭದ ನಂತರ ಹರಿಪಾಡಲ್ಲಿ ಭುಗಿಲೆದ್ದ ಘರ್ಷಣೆಯಲ್ಲಿ ಹಲವರು ಗಾಯಗೊಂಡಿರುವರು. 

ಒಬ್ಬ ಎಸ್.ಐ. ಸೇರಿದಂತೆ ಸುಮಾರು ಹತ್ತು ಜನರು ಗಾಯಗೊಂಡರು. ಸಮಾರೋಪದ ನಂತರ ಅವರು ಹೊರಡುವಾಗ, ಹರಿಪಾಡ್ ಎಲ್.ಡಿ.ಎಫ್ ಮತ್ತು ಯು.ಡಿ.ಎಫ್ ಕಾರ್ಯಕರ್ತರು ಘರ್ಷಣೆ ನಡೆಸಿದರು. ಕಲ್ಲು ತೂರಾಟದಲ್ಲಿ ಒಬ್ಬ ಎಸ್.ಐ ಮತ್ತು ಇಬ್ಬರು ಪೋಲೀಸ್ ಅಧಿಕಾರಿಗಳು ಸೇರಿದಂತೆ ಸುಮಾರು ಹತ್ತು ಜನರು ಗಾಯಗೊಂಡರು. ಸಂಜೆ 6 ಗಂಟೆ ಸುಮಾರಿಗೆ ನಗರ ಕೇಂದ್ರದ ಎಳಿಕ್ಕಟ್ಟು ಜಂಕ್ಷನ್‍ನಲ್ಲಿ ಈ ಘಟನೆ ನಡೆದಿದೆ.

ಟೌನ್ ಹಾಲ್ ಜಂಕ್ಷನ್‍ನಲ್ಲಿ ಸಮಾರೋಪ ನಡೆಸಲು ಪೋಲೀಸರು ಎಲ್‍ಡಿಎಫ್‍ಗೆ ಅನುಮತಿ ನೀಡಿದ್ದರು. ಸಂಜೆ 6 ಗಂಟೆಯ ನಂತರ, ಇಲ್ಲಿಂದ ಹೊರಟ ಕಾರ್ಯಕರ್ತರು ಗುಂಪಿನಲ್ಲಿ ಎಳಿಕ್ಕಟ್ಟು ಜಂಕ್ಷನ್ ಮೂಲಕ ಹಾದುಹೋಗುತ್ತಿದ್ದಾಗ ಯುಡಿಎಫ್ ಕಾರ್ಯಕರ್ತರೊಂದಿಗೆ ವಾಗ್ವಾದ ನಡೆಸಿದರು. ಮೊದಲಿಗೆ, ಅವರು ಪರಸ್ಪರ ಧ್ವಜಗಳಿಂದ ಹೊಡೆದಾಡಿಕೊಂಡರು. ಪೋಲೀಸರು ಮಧ್ಯಪ್ರವೇಶಿಸಿ ಕಾರ್ಯಕರ್ತರನ್ನು ಚದುರಿಸಲು ಪ್ರಯತ್ನಿಸಿದರು. ಈ ಸಂದರ್ಭದಲ್ಲಿ, ಕಲ್ಲು ತೂರಾಟ ನಡೆಯಿತು. ಸುಮಾರು 10 ನಿಮಿಷಗಳ ಕಾಲ ಸ್ಥಳದಲ್ಲಿ ಉದ್ವಿಗ್ನತೆ ಉಂಟಾಗಿತ್ತು. ಪರಿಸ್ಥಿತಿಯನ್ನು ನಿಯಂತ್ರಿಸಲು ಹೆಚ್ಚಿನ ಪೋಲೀಸರು ಆಗಮಿಸಿದರು. ಕಳಮಸ್ಸೇರಿಯಲ್ಲಿ ತಳ್ಳಾಟ-ತಿಕ್ಕಾಟ ನಡೆಯಿತು. ವಡಗರದಲ್ಲಿಯೂ ವಾಗ್ವಾದ ನಡೆಯಿತು.

ಪಂಪಾಡಿಯಲ್ಲಿ ನಡೆದ ಸಮಾರೋಪ ಸಂದರ್ಭದಲ್ಲಿ ಸಿಪಿಎಂ ಮತ್ತು ಬಿಜೆಪಿ ಕಾರ್ಯಕರ್ತರ ನಡುವೆ ಸಣ್ಣಪುಟ್ಟ ಘರ್ಷಣೆ ಸಂಭವಿಸಿದೆ. ಬಿಜೆಪಿ ಪ್ರಚಾರ ವಾಹನದ ಮೇಲೆ ಸಿಪಿಎಂ ಕಾರ್ಯಕರ್ತರು ಹತ್ತಿದ್ದರಿಂದ ಘರ್ಷಣೆ ಸಂಭವಿಸಿದೆ. ವಿವಾದದ ಸಮಯದಲ್ಲಿ, ವಾಹನದ ಚಾಲಕನನ್ನು ಥಳಿಸಲಾಯಿತು. ವಾಹನಕ್ಕೆ ಸಣ್ಣಪುಟ್ಟ ಹಾನಿಯಾಗಿದೆ. ನಂತರ, ವಾಹನದ ಮೇಲೆ ನಿಂತಿದ್ದ ಬಿಜೆಪಿ ಕಾರ್ಯಕರ್ತನಿಗೆ ಧ್ವಜದಿಂದ ಕಟ್ಟಿದ್ದ ಪೈಪ್‍ನಿಂದ ಹೊಡೆಯಲಾಯಿತು. ದು ಎರಡು ಗುಂಪುಗಳ ನಡುವೆ ಘರ್ಷಣೆಗೆ ಕಾರಣವಾಯಿತು. ಎರಡೂ ಗುಂಪುಗಳು ಪರಸ್ಪರ ತಿರುಗಿ ಬಿದ್ದು ಘೋಷಣೆಗಳನ್ನು ಕೂಗಿದವು. ನಾಯಕರು ಮತ್ತು ಪೋಲೀಸರು ಮಧ್ಯಪ್ರವೇಶಿಸಿ ಕಾರ್ಯಕರ್ತರನ್ನು ಶಾಂತಗೊಳಿಸಿದರು.

ಚೂರುಳ್ಮುಳದಲ್ಲಿ ಧ್ವಂಸಗೊಳಿಸಿದ ಪ್ರವಾಹವು ಮಾನವ ನಿರ್ಮಿತ ಎಂಬ ಆರೋಪಗಳನ್ನು ಎತ್ತಿದ್ದ ನಂತರ, ಯುಡಿಎಫ್ ಪತ್ತನಂತಿಟ್ಟದಲ್ಲಿನ ಸಮಾರೋಪದಿಂದ ದೂರವಿತ್ತು. ಪಾಲಾದಲ್ಲಿ ಯುಡಿಎಫ್ ಅಭ್ಯರ್ಥಿ ಮಣಿ ಸಿ. ಕಪ್ಪನ್ ಕೂಡ ಸಮಾರೋಪದಲ್ಲಿ ಭಾಗವಹಿಸಲಿಲ್ಲ. ಅದರಿಂದ ಬರುವ ಹಣವನ್ನು ದತ್ತಿ ಚಟುವಟಿಕೆಗಳಿಗೆ ಬಳಸಲಾಗುವುದು ಎಂದು ಅವರು ಹೇಳಿದರು.