ಸಮರಸ ಸುದ್ದಿ

              ಮಧೂರಿನಲ್ಲಿ ಇಂದು ಗರ್ಭಗುಡಿಯ ನವೀಕರಣಕ್ಕೆ ಚಾಲನೆ
   ಮಧೂರು: ತುಳುನಾಡ ಸೀಮೆಯ ಮೊದಲ ಪೂಜಿತ ದೇವನಾದ ಮಧೂರು ಶ್ರೀಮದನಂತೇಶ್ವರ ಸಿದ್ದಿವಿನಾಯಕ ಕ್ಷೇತ್ರದ ನವೀಕರಣ ಪ್ರಕ್ರಿಯೆಗಳು ಭರದಿಂದ ಸಾಗುತ್ತಿದ್ದು, ಪ್ರಧಾನ ಗರ್ಭಗುಡಿಯ ಕಾಮಗಾರಿಯು ಏ.29 ರಂದು ಭಾನುವಾರ(ಇಂದು) ಪ್ರಾರಂಭವಾಗಲಿದೆ.
   ಪ್ರಧಾನ ಗರ್ಭಗುಡಿಯ ಕಾಮಗಾರಿ ಎಡರು=ತೊಡರುಗಳಿಲ್ಲದೆ ಸಾಂಗವಾಗಿ ನೆರವೇರಲು ಭಾನುವಾರ ಬೆಳಿಗ್ಗೆ 7.30ಕ್ಕೆ ಶ್ರೀಮದ್ ಎಡನೀರು ಮಠಾಧೀಶ ಶ್ರೀಕೇಶವಾನಂದ ಭಾರತೀ ಶ್ರೀಗಳು ಆಗಮಿಸಿ ವಿಶೇಷ ಪ್ರಾರ್ಥನೆ ಸಲ್ಲಿಸಿ ಆಶೀರ್ವದಿಸುವರು. ಬಳಿಕ 10ಕ್ಕೆ ಕ್ಷೇತ್ರ ತಂತ್ರಿವರ್ಯರು ಹಾಗೂ ಶಿಲ್ಪಿಗಳು ಮಾರ್ಗದರ್ಶನ ನೀಡಲಿದ್ದು, ಭಕ್ತಜನರ ಸಾಮೂಹಿಕ ಪ್ರಾರ್ಥನೆಯೊಂದಿಗೆ ಚಾಲನೆ ದೊರೆಯಲಿದೆ. ಕಾರ್ಯಕ್ರಮದ ಯಶಸ್ವಿಗೆ ಭಜಕರು ಭಾಗವಹಿಸಿ ಸಹಕರಿಸಬೇಕೆಂದು ಶ್ರೀಮಧೂರು ಕ್ಷೇತ್ರದ ಪ್ರಕಟಣೆ ತಿಳಿಸಿದೆ.