ಕಾಸರಗೋಡು: ಎರ್ನಾಕುಳಂನ ಕನ್ನಡ ಸಂಘ ಕೊಚ್ಚಿಯ ನೇತೃತ್ವದಲ್ಲಿ ಎರ್ನಾಕುಳಂ ನ ಎಲ್ಡರ್ಸ್ ಫೋರಂ ರಸ್ತೆಯಲ್ಲಿರುವ ಕನ್ನಡ ಭವನದಲ್ಲಿ ಗಣೇಶ ಚತುರ್ಥಿಯ ಅಂಗವಾಗಿ ಆಯೋಜಿಸಿದ್ದ ಸಾಂಸ್ಕøತಿಕ ಕಾರ್ಯಕ್ರಮದ ಅಂಗವಾಗಿ ಗುರುವಾರ ಸಂಜೆ ಸವಿಹೃದಯದ ಕವಿ ಮಿತ್ರರು ವೇದಿಕೆ ಪೆರ್ಲ, ಕಾಸರಗೋಡು ತಂಡವು ವೈವಿಧ್ಯಮಯ ಸಾಹಿತ್ಯ-ಸಾಂಸ್ಕøತಿಕ ಕಾರ್ಯಕ್ರಮವನ್ನು ಪ್ರಸ್ತುತಪಡಿಸಿತು.
ಕಾರ್ಯಕ್ರಮದ ಆರಂಭದಲ್ಲಿ ಸವಿಹೃದಯದ ಕವಿ ಮಿತ್ರರು ವೇದಿಕೆಯ ವಿದುಷಿಃ ಅನುಷಾ ಚೇಕೋಡ್ ಹಾಗೂ ವಿದುಷಿಃ ಅಕ್ಷತಾ ಕೆ ಅವರಿಂದ ಶ್ರೀಕೃಷ್ಣ ಲೀಲಾಮೃತದ ಸ್ವಾಗತ ನೃತ್ಯ ಪ್ರದರ್ಶನ ನಡೆಯಿತು. ಬಳಿಕ ವೇದಿಕೆಯ ಸಲಹೆಗಾರ, ಕವಿ, ಪತ್ರಕರ್ತ ರಾಧಾಕೃಷ್ಣ ಕೆ ಉಳಿಯತ್ತಡ್ಕ ಅವರು ಸನಾತನ ಪರಂಪರೆಯ ಹಬ್ಬಗಳು ಮತ್ತು ಸಾಂಸ್ಕøತಿಕ-ಸಾಮಾಜಿಕ ಏಕತೆಯ ಬಗ್ಗೆ ಉಪನ್ಯಾಸ ನೀಡಿದರು. ಅವರು ಈ ಸಂದರ್ಭ ಮಾತನಾಡಿ, ವಿಶಾಲವಾದ ಭಾರತೀಯ ಆಚಾರ ಅನುಷ್ಠಾನಗಳು ಸಮಷ್ಠಿಯಲ್ಲಿ ಸಾಮಾಜಿಕ ಸುದೃಢ ರಾಷ್ಟ್ರ ನಿರ್ಮಾಣದಲ್ಲಿ ಪ್ರಮುಖ ಪಾತ್ರ ವಹಿಸಿದೆ ಎಂದು ತಿಳಿಸಿದರು. ಗಣೇಶ ಚತುರ್ಥಿಯ ಆಚರಣೆಯು ರಾಷ್ಟ್ರದ ಸ್ವಾತಂತ್ರ್ಯ ಸಂಗ್ರಾಮ ಮತ್ತು ಆ ಬಳಿಕ ದೇಶದ ಜನತಂತ್ರ ರೂಪಣೆಯಲ್ಲಿ ತನ್ನದೇ ಮಹತ್ವ ಪಡೆದಿದೆ. ಸಾಮಾಜದ ಜನರ ಮಧ್ಯೆ ಜಾತಿ, ಮತ, ಬಡವ, ಶ್ರೀಮಂತನೆಂಬ ಬೇಧಗಳಿಲ್ಲದೆ ಹೃದಯ ಬೆಸೆಯುವಿಕೆಯಲ್ಲಿ ಯಶಸ್ವಿಯಾಗಿದೆ ಎಂದು ತಿಳಿಸಿದರು. ಶ್ರೀಮಂತ ಪರಂಪರೆಯ ಕನ್ನಡಿಗರು ಕೇರಳದ ಹೃದಯ ಭಾಗದಲ್ಲಿ ದಶಕಗಳಿಂದ ಕಟ್ಟಿಬೆಳೆಸಿದ ಕನ್ನಡ ಸಂಘಟನೆ ತನ್ನ ವಿವಿಧ ಚಟುವಟಿಕೆಗಳ ಮೂಲಕ ಸ್ತುತ್ಯರ್ಹವಾಗಿ ಇತರೆರಡೆಗಳಿಗೆ ಮಾದರಿಯಾಗಿದೆ. ಕನ್ನಡದ ಮನಸ್ಸು ಎಲ್ಲಿದ್ದರೂ ತನ್ನ ಪರಂಪರೆಯನ್ನು ವರ್ತಮಾನದಲ್ಲಿ ತುಡಿಯುತ್ತಿರುವುದು ಭಾಷಾಭಿಮಾನ, ಹೃದಯ ವೈಶಾಲ್ಯತೆಯ ಪ್ರತೀಕ ಎಂದು ತಿಳಿಸಿದರು.
ಕಾರ್ಯಕ್ರಮದ ಸಂಯೋಜಕಿ, ಕೊಚ್ಚಿ ಕನ್ನಡ ಸಂಘದ ಸದಸ್ಯೆ, ಕವಯಿತ್ರಿ, ಶಿಕ್ಷಕಿ ಪರಿಣಿತ ರವಿ ಎಡನಾಡು ಅವರು ಪ್ರಾಸ್ತಾವಿಕವಾಗಿ ಮಾತನಾಡಿ ಕನ್ನಡ ನೆಲದಿಂದ ದೂರವಿದ್ದರೂ ಭಾಷೆ, ಸಂಸ್ಕøತಿಯ ಅಂತರಾಳದ ನಿತ್ಯ ತುಡಿತ ಇಂತಹ ಕಾರ್ಯಕ್ರಮವನ್ನು ಆಯೋಜಿಸಲು ಕಾರಣವಾಯಿತು. ಕೊಚ್ಚಿಯ ಕನ್ನಡ ಸಂಘದ ಸಂಪೂರ್ಣ ಸಹಕಾರವು ಗಡಿನಾಡು ಕಾಸರಗೋಡಿನ ಕವಿ-ಕಲಾವಿದರ ಬಹುಮುಖ ವ್ಯಕ್ತಿತ್ವ, ಕನ್ನಡದ ಅಂತಃಸತ್ವದ ಪ್ರೇರಣದಾಯಿ ವಿಶಾಲತೆಯ ಹರಡುವಿಕೆಗೆ ವೇದಿಕೆ ಒದಗಿಸಿರುವುದು ಐತಿಹಾಸಿಕ ದಾಖಲೆ ಎಂದು ತಿಳಿಸಿದರು. ಸ್ವತಃ ರಚಿಸಿ ಸಂಯೋಜಿಸಿರುವ ಗೋಕರ್ಣ ಮಹಾತ್ಮೆ ಕಥಾ ರೂಪಕವನ್ನು ನವೀನ ಶೈಲಿಯಲ್ಲಿ ಪ್ರಸ್ತುತಪಡಿಸಿದರು.
DOCTYPE html>
