ಮಾರುತಿ ಸುಜೂಕಿಯ 2 ಉತ್ಪಾದನಾ ಘಟಕಗಳು ತಾತ್ಕಾಲಿಕ ಸ್ಥಗಿತ!

           
    ನವದೆಹಲಿ: ದೇಶದ ಅತಿ ದೊಡ್ಡ ಕಾರು ತಯಾರಕ ಸಂಸ್ಥೆ ಮಾರುತಿ ಸುಜೂಕಿ ಲಿಮಿಟೆಡ್ ದೇಶದ ಎರಡು ಪ್ರದೇಶಗಳಲ್ಲಿರುವ ಉತ್ಪಾದನಾ ಘಟಕಗಳನ್ನು ಸ್ಥಗಿತಗೊಳಿಸಲು ನಿರ್ಧರಿಸಿದೆ.
       ಗುರುಗ್ರಾಮ, ಮನೇಸರ್ ಗಳಲ್ಲಿರುವ ಪ್ರಯಾಣಿಕ ವಿಭಾಗದ ಕಾರುಗಳ ಉತ್ಪಾದನಾ ಘಟಕಗಳನ್ನು ಸೆ.7-09 ರ ವರೆಗೆ  ಸ್ಥಗಿತಗೊಳಿಸುತ್ತಿರುವುದಾಗಿ ಮಾರುತಿ ಸುಜೂಕಿ ಹೇಳಿದ್ದು ಈ ಎರಡೂ ದಿನಗಳನ್ನು ಉತ್ಪಾದನೆ ಇಲ್ಲದ ದಿನಗಳೆಂದು ಪರಿಗಣಿಸಿರುವುದಾಗಿ ಹೇಳಿದೆ.
     ಸೆ.04 ರಂದು ಮಧ್ಯಾಹ್ನದ ವೇಳೆಗೆ ಮಾರುತಿ ಸುಜೂಕಿ ಸಂಸ್ಥೆಯ ಷೇರುಗಳು ಶೇ.2.36 ರಷ್ಟು ಇಳಿಕೆಯಾಗಿತ್ತು. ಆಗಸ್ಟ್ ನಲ್ಲಿ ಮಾರುತಿ ಸಂಸ್ಥೆಯ ವಾಹನಗಳ ಒಟ್ಟಾರೆ ಮಾರಾಟದಲ್ಲಿ ಶೇ.32 ರಷ್ಟು ಕಡಿಮೆಯಾಗಿತ್ತು.