ಕುಂಬಳೆ: ನಂಬಿಕೆ, ಆಚರಣೆ, ವಿಶಿಷ್ಟ ಜೀವನ ಕ್ರಮಗಳ ಮೂಲಕ ವಿಶೇಷ ಸಾಂಸ್ಕøತಿಕ ಪರಂಪರೆಯ ಪುಣ್ಯ ನೆಲವಾದ ತುಳುನಾಡಿನ ಪ್ರಧಾನ ಹೆಗ್ಗುರುತುಗಳು ಹೊಸ ತಲೆಮಾರಿಗೆ ಕುತೂಹಲಕರವೂ ಉಳಿಸಿ ಬೆಳೆಸುವ ಜವಾಬ್ದಾರಿಕೆಯೂ ಆಗಿದೆ. ತುಳುನಾಡಿನ ಪ್ರತಿ ತಿಂಗಳೂ ಮಹತ್ವಪೂರ್ಣವಾಗಿ ಹಲವಾರು ನಡವಳಿಕೆ, ಆಚರಣೆಗಳಿಂದ ಶ್ರೀಮಂತವಾಗಿದ್ದು, ಆಟಿಯಲ್ಲಿ ಆಟಿಕಳೆಂಜ ಮನೆ ಮನೆಗೆ ಬಂದರೆ ಸೋಣ ದಲ್ಲಿ ಸೋಣದ ಜೋಗಿ ಎಂಬ ಆರಾಧನಾ ಕಲೆ ಸಾಮಾಜಿಕ ಕ್ಲೇಶ ನಿವಾರಕವಾಗಿ ಗುರುತಿಸಿಕೊಂಡು ಆಚರಿಸಲ್ಪಡುತ್ತಿರುವುದು ವಿಶಿಷ್ಟವಾದುದುದಾಗಿದೆ. ಆದರೆ ಆಧುನಿಕ ಸ್ಥಿತ್ಯಂತರದ ಇಂದು ಸೋಣದ ಜೋಗಿ ಎಂಬುದು ಕಾಣಸಿಗುವುದು ಅಪೂರ್ವವಾಗುತ್ತಿದೆ. ತುಳುನಾಡಿನ ದಕ್ಷಿಣ ಭಾಗವಾದ ಕುಂಬಳೆ ಸೀಮೆಯ ಪುಟ್ಟ ಗ್ರಾಮ ಬಂಬ್ರಾಣದಲ್ಲಿ ನೆಲೆಸಿರುವ ಐತ್ತಪ್ಪ ನಲಿಕೆ ಮತ್ತು ಅವರ ಮಗ ಅಜಯ್ ನಲಿಕೆ ಎಂಬವರು ಇಂದಿಗೂ ಈ ಕಲೆಯನ್ನು ಉಳಿಸಿ-ಬೆಳೆಸುವಲ್ಲಿ ಮಹತ್ತರವಾದ ಕೊಡುಗೆಯನ್ನು ನೀಡುತ್ತಿದ್ದಾರೆ.
DOCTYPE html>
