ವಿದ್ಯಾರ್ಥಿ ವಿಷ ಸೇವಿಸಿ ಆತ್ಮಹತ್ಯೆ

          ಪೆರ್ಲ: ಕಾಟುಕುಕ್ಕೆ ಸಮೀಪದ ಕುಮಾರಕೊಚ್ಚಿ ನಿವಾಸಿ, ಯುವ ಸಂಘಟಕ ಸುಭಾಪ್ ಪೆರ್ಲ-ಆಶಾ ದಂಪತಿಗಳ ಪುತ್ರ ಅಭಿಲಾಷ್(16) ಸೋಮವಾರ ಮನೆಯಲ್ಲಿ ವಿಷ ಸೇವಿಸಿ ಆತ್ಮಹತ್ಯೆಗೈದ ಘಟನೆ ನಡೆದಿದೆ.
        ಅಡ್ಯನಡ್ಕ ಜನತಾ ಪದವಿಪೂರ್ವ ಕಾಲೇಜಿನ ಪಿಯು ವಿದ್ಯಾರ್ಥಿಯಾಗಿದ್ದ ಅಭಿಲಾಷ್ ಹವ್ಯಾಸಿ ಪೋಟೋ-ವೀಡಿಯೋ ಗ್ರಾಫರ್ ಆಗಿದ್ದು, ಚುಟುಕು ಸಾಹಿತ್ಯದ ಮೂಲಕ ಗುರುತಿಸಿಕೊಂಡಿದ್ದನು. ಆತ್ಮಹತ್ಯೆಗೆ ಕಾರಣ ತಿಳಿದುಬಂದಿಲ್ಲ. ಮೃತನು ತಂದೆ, ತಾಯಿ, ಸಹೋದರನ ಸಹಿತ ಅಪಾರ ಬಂಧುಗಳನ್ನು ಅಗಲಿದ್ದಾನೆ. ಬದಿಯಡ್ಕ ಪೋಲೀಸರು ಪ್ರಕರಣ ದಾಖಲಿಸಿದ್ದಾರೆ. ಮಂಗಳವಾರ ಮರಣೋತ್ತರ ಪರೀಕ್ಷೆ ನಡೆಯಲಿದೆ.