ರವೀಂದ್ರನ್ ಅವರ ಪತ್ನಿ ಉರುಲುಂಗಲ್ ಸೊಸೈಟಿಯೊಂದಿಗೆ ಹಣಕಾಸಿನ ವ್ಯವಹಾರವನ್ನು ಹೊಂದಿದ್ದ ಬಗ್ಗೆ ಜಾರಿ ನಿರ್ದೇಶನಾಲಯದಿಂದ ಬಯಲು

         ತಿರುವನಂತಪುರ: ಮುಖ್ಯಮಂತ್ರಿಯವರ ಹೆಚ್ಚುವರಿ ಖಾಸಗಿ ಕಾರ್ಯದರ್ಶಿ ಸಿಎಂ ರವೀಂದ್ರನ್ ಅವರ ಪತ್ನಿ ಉರುಲುಂಗಲ್ ಸೊಸೈಟಿಯೊಂದಿಗೆ ಆರ್ಥಿಕ ಒಪ್ಪಂದ ಮಾಡಿಕೊಂಡಿದ್ದಾರೆ ಎಂದು ಜಾರಿ ನಿರ್ದೇಶನಾಲಯ ಹೇಳಿದೆ. 

       ಇಡಿ ವರದಿಯ ಪ್ರಕಾರ, 80 ಲಕ್ಷ ರೂ.ಗಿಂತ ಹೆಚ್ಚಿನ ಮೌಲ್ಯದ ಮಣ್ಣು ಕೊರೆಯುವ ಯಂತ್ರವನ್ನು ಸಚಿವರು, 2018 ರಲ್ಲಿ ಸೊಸೈಟಿಯಿಂದ ಲಕ್ಷ ರೂಪಾಯಿಗಳಿಗೆ ಬಾಡಿಗೆಗೆ ಪಡೆದಿದ್ದರು.

        ನಿನ್ನೆ  ಇಡಿ ನಡೆಸಿದ ದತ್ತಾಂಶ ಸಂಗ್ರಹದ ವೇಳೆ ರವೀಂದ್ರನ್‌ಗೆ ಸಂಬಂಧಿಸಿದ ಹೆಚ್ಚಿನ ದಾಖಲೆಗಳನ್ನು ಪಡೆಯಲಾಗಿದೆ.        ಠೇವಣಿದಾರರ ಪಟ್ಟಿಯನ್ನು ಪರಿಶೀಲಿಸಲಾಗಿದೆ. ಆದರೆ ರವೀಂದ್ರನ್ ಹೆಸರು ಆ  ವರ್ಗದಲ್ಲಿರಲಿಲ್ಲ. ಸಂಬಂಧಿಕರ ಹೆಸರಿನಲ್ಲಿ ವಹಿವಾಟು ನಡೆದಿದೆಯೇ ಎಂದು ಪರಿಶೀಲಿಸಲಾಯಿತು.ಈ ವೇಳೆ  ರವೀಂದ್ರನ್ ಅವರ ಪತ್ನಿ ಹೆಸರಿನಲ್ಲಿ ಪ್ರೊಕ್ಲೈನರ್ ನ್ನು ಬಾಡಿಗೆಗೆ ನೀಡಲಾಗಿದೆ ಎಂದು ಕಂಡುಹಿಡಿಯಲಾಯಿತು.

    ಯಂತ್ರದ ಬೆಲೆ 80 ಲಕ್ಷ ರೂ. ಆಗಿದ್ದು  ಗಂಟೆಗೆ ಎರಡು ಸಾವಿರದ ಐನೂರು ದರದಲ್ಲಿ ಬಾಡಿಗೆಯನ್ನು ಪಾವತಿಸಬೇಕು ಎಂದು ಒಪ್ಪಂದದಲ್ಲಿ ತಿಳಿಸಲಾಗಿದೆ. ಸೊಸೈಟಿಯ ಒಡೆತನದ ಮುಕ್ಕಂ ಪರಮದಾದಲ್ಲಿ ಈ ಯಂತ್ರವು ಎರಡೂವರೆ ವರ್ಷಗಳಿಂದ ಕಾರ್ಯನಿರ್ವಹಿಸುತ್ತಿದೆ.

      ಬ್ಯಾಂಕ್ ದಾಖಲೆಗಳ ಪ್ರಕಾರ, ರವೀಂದ್ರನ್ ಅವರ ಪತ್ನಿಯ ಖಾತೆಗೆ ಪ್ರತಿ ತಿಂಗಳು ಲಕ್ಷ ರೂಪಾಯಿಗಳನ್ನು ಪಾವತಿಸಲಾಗುತ್ತಿತ್ತು. ಇದರ ಎಲ್ಲಾ ಪುರಾವೆಗಳನ್ನು ಇಡಿ ಸಂಗ್ರಹಿಸಿದೆ.

      ಸಿಎಂ ರವೀಂದ್ರನ್ ಅವರು ಸೊಸ್ಯೆಟಿಯೊಂದಿಗೆ ನಡೆಸಿದ ಹಣಕಾಸಿನ ವ್ಯವಹಾರಗಳು ಸೇರಿದಂತೆ ಈ ಬಗ್ಗೆ ಪರಿಶೀಲನೆ ನಡೆಸಲು ಇಡಿ ಕೊಚ್ಚಿ ಘಟಕವು ಕೋಝಿಕ್ಕೋಡ್ ಉಪ ವಲಯ ಅಧಿಕಾರಿಗಳಿಗೆ ನಿರ್ದೇಶನ ನೀಡಿದೆ. ಈ ಹಿಂದೆ ರವೀಂದ್ರನ್ ಅಥವಾ ಅವರ ಸಂಬಂಧಿಕರು ಕೋಝಿಕ್ಕೋಡ್ ಮತ್ತು ಕಣ್ಣೂರು ಜಿಲ್ಲೆಗಳ 12 ಕಂಪನಿಗಳಲ್ಲಿ ಪಾಲನ್ನು ಹೊಂದಿದ್ದಾರೆಂದು ಇಡಿ ಕಂಡುಹಿಡಿದಿದೆ.