ಕಾಸರಗೋಡು ಸೇರಿದಂತೆ ಅನೇಕ ಸ್ಥಳಗಳಲ್ಲಿ ಕಾಂಗ್ರೆಸ್ ಕಾರ್ಯಕರ್ತರ ಮತಗಳನ್ನು ಕೆಲವು ಪಕ್ಷಗಳು ನಕಲಿ ಗುರುತು ಚೀಟಿಯ ಮೂಲಕ ಕಸಿದುಕೊಳ್ಳುತ್ತಿವೆ: ರಮೇಶ್ ಚೆನ್ನಿತ್ತಲ ಆರೋಪ

                 

          ತಿರುವನಂತಪುರ: ಕಾಂಗ್ರೆಸ್ಸಿಗರ ಹೆಸರಿನಲ್ಲಿ ನಕಲಿ ಮತದಾರ ಗುರುತು ಚೀಟಿ ಗಳನ್ನು ಮಾಡುವವರನ್ನು ಹಿಡಿಯಬೇಕು ಎಂದು ಪ್ರತಿಪಕ್ಷ ನಾಯಕ ರಮೇಶ್ ಚೆನ್ನಿತ್ತಲ ಒತ್ತಾಯಿಸಿದ್ದಾರೆ. ಕಾಸರಗೋಡು ಸೇರಿದಂತೆ ಹಲವು ಸ್ಥಳಗಳಲ್ಲಿ ಕಾಂಗ್ರೆಸ್ ಕಾರ್ಯಕರ್ತರ ಮತಗಳನ್ನು ಕೆಲವು ಪಕ್ಷಗಳು ಕಸಿದುಕೊಳ್ಳುತ್ತಿವೆ ಎಂದು ವ್ಯಾಪಕ ದೂರುಗಳಿವೆ ಎಂದು ಅವರು ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

         ಕುಮಾರಿ ಎಂಬವರ ಹೆಸರಿನಲ್ಲಿ ಮತದಾರರ ಗುರುತಿನ ಚೀಟಿಗಳನ್ನು ಅವರಿಗೆ ತಿಳಿಯದೆ ತಯಾರಿಸಲಾಗುತ್ತಿದೆ. ಕುಮಾರಿ ಕಾಂಗ್ರೆಸ್ ಬೆಂಬಲಿಗರೇ ಎಂಬುದು ಸಮಸ್ಯೆಯಲ್ಲ. ಕುಮಾರಿಯ ಹೆಸರಿನಲ್ಲಿ ಇತರ ನಾಲ್ಕು ಮತದಾರರ ಕಾರ್ಡ್‍ಗಳನ್ನು ಅವರಿಗೆ ತಿಳಿಯದೆ ಖರೀದಿಸಿದವರು ಯಾರು? ಅವರ ಹೆಸರಿನಲ್ಲಿರುವ ಇತರ ಮತದಾರರ ಕಾರ್ಡ್‍ಗಳನ್ನು ಈಗ ಯಾರು ಹೊಂದಿದ್ದಾರೆ? ಕುಮಾರಿಯ ಹೆಸರು ಮತ್ತು ಚಿತ್ರವನ್ನು ಬಳಸಿಕೊಂಡು ಐದು ಬಾರಿ ಹೆಸರನ್ನು ಹೇಗೆ ಸೇರಿಸಲಾಗಿದೆ? ಇದನ್ನೇ ಕಂಡುಹಿಡಿಯಬೇಕಾಗಿದೆ ಎಂದು ಚೆನಿತ್ತಲ ಹೇಳಿದರು.

         ರಾಜ್ಯದ ಮತದಾರರ ಪಟ್ಟಿಯಲ್ಲಿ ವ್ಯಾಪಕ ಅಕ್ರಮಗಳ ಪುರಾವೆಗಳೊಂದಿಗೆ ನಾನು ಇಂದು ಮುಖ್ಯ ಚುನಾವಣಾ ಅಧಿಕಾರಿಗೆ ದೂರು ನೀಡಿದ್ದೇನೆ ಮತ್ತು ಪತ್ರಿಕಾಗೋಷ್ಠಿಯಲ್ಲಿ ಆ ಮಾಹಿತಿಯನ್ನು ವಿವರಿಸಿದ್ದೇನೆ ಎಂದು ರಮೇಶ್ ಚೆನ್ನಿತ್ತಲ ನಿನ್ನೆ ತಿಳಿಸಿದ್ದರು. ಉದುಮದಲ್ಲಿ ಮಾತ್ರವಲ್ಲದೆ ತ್ರಿಕ್ಕರಿಪುರ, ಕೊಯಿಲಾಂಡಿ, ಕೊಲ್ಲಂ, ಕಳಿಕೂಟ್ಟಂ, ನಾದಾಪುರಂ, ಕೂತುಪರಂಬು ಮತ್ತು ಅಂಬಲಪ್ಪುಳ ಕ್ಷೇತ್ರಗಳಲ್ಲೂ ಮತದಾರರ ಪಟ್ಟಿಯನ್ನು ದ್ವಿಗುಣಗೊಳಿಸಿರುವುದನ್ನು ಉಲ್ಲೇಖಿಸಿದ್ದೇನೆ ಎಮದು ಚೆನ್ನಿತ್ತಲ ಮಾಹಿತಿ ನೀಡಿದರು.