ಸಿಬಿಎಸ್‍ಇ ಪರೀಕ್ಷೆ: ಮೂರು ವರ್ಷಗಳ ಸಾಧನೆಗಳ ಆಧಾರದಲ್ಲಿ ಹನ್ನೆರಡನೇ ತರಗತಿಯ ವಿದ್ಯಾರ್ಥಿಗಳಿಗೆ ಅಂಕ ನಿಗದಿಪಡಿಸುವ ಸಾಧ್ಯತೆ

                                                

               ಕೊಚ್ಚಿ: ಸಿಬಿಎಸ್‍ಇ ಹನ್ನೆರಡನೇ ತರಗತಿಯ ವಿದ್ಯಾರ್ಥಿಗಳಿಗೆ ಮೂರು ವರ್ಷಗಳ ಸಾಧನೆಯ ಆಧಾರದ ಮೇಲೆ ಅಂಕಗಳನ್ನು ನೀಡಲು ಚಿಂತಿಸುತ್ತಿದೆ. ಕೋವಿಡ್  ಹರಡುವಿಕೆಯಿಂದಾಗಿ ಮಂಡಳಿಗೆ ಪರೀಕ್ಷೆ ನಡೆಸಲು ಸಾಧ್ಯವಾಗದಿದ್ದರಿಂದ, 9, 10 ಮತ್ತು 11 ನೇ ತರಗತಿಗಳ ಅಂಕಗಳನ್ನು ಪರಿಗಣಿಸಿ ಅಂತಿಮ ಅಂಕವನ್ನು ನಿರ್ಧರಿಸುವ ಉದ್ದೇಶವಿರಿಸಲಾಗಿದೆ.

              ಶಿಕ್ಷಣ ಸಚಿವಾಲಯದ ಸೂಚನೆಯ ಪ್ರಕಾರ, ಪರೀಕ್ಷೆಯ ನಡವಳಿಕೆ ಕುರಿತು ಎರಡು ದಿನಗಳಲ್ಲಿ ನಿರ್ಧಾರ ತೆಗೆದುಕೊಳ್ಳಲಾಗುವುದು. ಪರೀಕ್ಷೆಯನ್ನು ನಡೆಸಬೇಕು ಎಂಬುದು ಹೆಚ್ಚಿನ ರಾಜ್ಯಗಳ ಅಭಿಪ್ರಾಯವಾಗಿದೆ.

                  ವಿದ್ಯಾರ್ಥಿಗಳಿಗೆ ಮತ್ತು ಶಿಕ್ಷಕರಿಗೆ ಲಸಿಕೆ ಹಾಕುವ ಬೇಡಿಕೆ ಹೆಚ್ಚುತ್ತಿದೆ. ಸಿಬಿಎಸ್‍ಇ ಪರೀಕ್ಷೆ ನಡೆಸಲು ಎರಡು ಸಲಹೆಗಳನ್ನು ಪರಿಗಣಿಸುತ್ತಿದೆ. ಆಗಸ್ಟ್ 1 ಮತ್ತು 20 ರ ನಡುವೆ ಪ್ರಮುಖ ವಿಷಯಗಳ ಒಂದು ಹಂತದ ಪರೀಕ್ಷೆಯನ್ನು ನಡೆಸುವುದು ಒಂದು ಸಲಹೆಯಾಗಿದೆ. 

                ಎರಡನೆಯ ಸಲಹೆ ಜುಲೈ ಮತ್ತು ಆಗಸ್ಟ್‍ನಲ್ಲಿ ಎರಡು ಹಂತಗಳಲ್ಲಿ ಸಮಯವನ್ನು ಕಡಿತಗೊಳಿಸಿ ವಸ್ತುನಿಷ್ಠ ಮಾದರಿಯಲ್ಲಿ ಪರೀಕ್ಷೆಯನ್ನು ನಡೆಸುವುದು.  ಪರೀಕ್ಷೆಯನ್ನು ಮುಂದೂಡಬೇಕೆಂದು ಕೋರಿ ಸಲ್ಲಿಸಲಾದ ಅರ್ಜಿಯನ್ನು ಇಂದು ಸುಪ್ರೀಂ ಕೋರ್ಟ್ ವಿಚಾರಣೆ ನಡೆಸಲಿದೆ.