ಎರ್ನಾಕುಳಂ ಉತ್ತರ ರೈಲ್ವೇ ನಿಲ್ದಾಣ ಮುಂಭಾಗದ ಕಟ್ಟಡದಲ್ಲಿ ಬಿರುಕು: ಜನರ ಸ್ಥಳಾಂತರ

                        ಕೊಚ್ಚಿ: ಎರ್ನಾಕುಳಂ ಉತ್ತರ ರೈಲ್ವೇ ನಿಲ್ದಾಣದ ಮುಂಭಾಗದಲ್ಲಿರುವ ಬಹುಮಹಡಿ ಕಟ್ಟಡ ವಾಲಿದೆ. ಬಹಳಷ್ಟು ವ್ಯಾಪಾರ ಮಳಿಗೆಗಳು  ಮತ್ತು ಕಚೇರಿಗಳನ್ನು ಹೊಂದಿರುವ ಕಟ್ಟಡವಾಗಿದೆ. ಕಟ್ಟಡದ ಗೋಡೆಗಳು ಬಿರುಕುಬಿಟ್ಟಿದೆ. ಕಟ್ಟಡವು ಯಾವುದೇ ಕ್ಷಣದಲ್ಲಿ ಕುಸಿದು ಬೀಳುವ ಸ್ಥಿತಿಯಲ್ಲಿದೆ. ಇದು ಬಹಳಷ್ಟು ಹಳೆಯ ಎರಡು ಅಂತಸ್ತಿನ ಕಟ್ಟಡವಾಗಿದೆ.

               ಕೆಳ ಅಂತಸ್ತಿನ ಅಂಗಡಿಗಳಲ್ಲಿ ಜನರು ಶಬ್ದ ಕೇಳಿ ಹೊರಗೋಡಿ ನೋಡಿದಾಗ ಕಟ್ಟಡ ವಾಲಿರುವುದು ಗಮನಕ್ಕೆ ಬಂತು.  ತಕ್ಷಣವೇ ಒಳಗಿದ್ದ ಎಲ್ಲ ಜನರನ್ನು ಸ್ಥಳಾಂತರಿಸಲಾಯಿತು. ಯಾರಿಗೂ ಗಾಯಗಳಾಗಿಲ್ಲ. ಕಟ್ಟಡದಲ್ಲಿನ ಕಚೇರಿಗಳು ಕೆಲವು ಸಮಯದಿಂದ ಕಾರ್ಯನಿರ್ವಹಿಸುತ್ತಿರಲಿಲ್ಲ. ಇದೇ ವೇಳೆ,  ಕಟ್ಟಡದೊಳಗಿನ ಯಾವುದೇ ಸಾಮಗ್ರಿಗಳನ್ನು ಸ್ಥಳಾಂತರಿಸಿಲ್ಲ. 

               ಅಧಿಕಾರಿಗಳು ಈ ಕಟ್ಟಡದ  ವಿದ್ಯುತ್ ಸಂಪರ್ಕ ಕಡಿತಗೊಳಿಸಿದ್ದಾರೆ. ಕಟ್ಟಡವನ್ನು ಸಂಪೂರ್ಣವಾಗಿ ನೆಲಸಮಗೊಳಿಸುವ ಪ್ರಕ್ರಿಯೆ ಶೀಘ್ರವೇ ಆರಂಭವಾಗಲಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಅಗ್ನಿಶಾಮಕ ಸಿಬ್ಬಂದಿ ಮತ್ತು ಜಿಲ್ಲಾ ವಿಪತ್ತು ನಿರ್ವಹಣಾ ಪ್ರಾಧಿಕಾರದ ಅಧಿಕಾರಿಗಳು ಸ್ಥಳಕ್ಕೆ ಆಗಮಿಸಿದರು. ರೈಲ್ವೆ ನಿಲ್ದಾಣದ ಪ್ರವೇಶ ದ್ವಾರ ಮುಚ್ಚಲಾಗಿದೆ. ಬದಲಿಗೆ, ಜನರು ರೈಲ್ವೇ ನಿಲ್ದಾಣದ ಹತ್ತಿರದ ಗೇಟ್ ಮೂಲಕ ಚಿತ್ತೂರು ರಸ್ತೆಯಲ್ಲಿ ಹಾದುಹೋಗಲು ಅನುಮತಿಸಲಾಗಿದೆ.