ತಿರುವನಂತಪುರಂ: ರಾಜ್ಯದಲ್ಲಿ ಈವರೆಗೆ ಪರೀಕ್ಷಿಸಲಾಗಿರುವ ನಿಪ್ಪಾ ಮಾದರಿಗಳು ನೆಗೆಟಿವ್ ಎಂದು ಆರೋಗ್ಯ ಸಚಿವೆ ವೀಣಾ ಜಾರ್ಜ್ ಹೇಳಿದ್ದಾರೆ. ನಿನ್ನೆ ಪರೀಕ್ಷೆಗೆ ಕಳುಹಿಸಿದ ಇನ್ನೂ 20 ಮಾದರಿಗಳು ಋಣಾತ್ಮಕವೆಂದು ಕಂಡುಬಂದಿದೆ. ರೋಗಲಕ್ಷಣಗಳಿರುವ 17 ಜನರಲ್ಲಿ 16 ಜನರಿಗೆ ನಿಪ್ಪಾ ಇಲ್ಲದಿರುವುದು ದೃಢಪಟ್ಟಿದೆ. ಪ್ರಸ್ತುತ ನಿರೀಕ್ಷಣೆಯಲ್ಲಿರುವ ಎಲ್ಲರ ಆರೋಗ್ಯ ಸ್ಥಿತಿ ತೃಪ್ತಿಕರವಾಗಿದೆ ಎಂದು ಅವರು ಹೇಳಿದರು.
ಪ್ರಸ್ತುತ ಆತಂಕಕ್ಕೆ ಯಾವುದೇ ಕಾರಣವಿಲ್ಲ. ಮೃತಪಟ್ಟ ಬಾಲಕನೊಂದಿಗೆ ನಿಕಟ ಸಂಪರ್ಕದಲ್ಲಿದ್ದ ಎಲ್ಲಾ 30 ಜನರು ರೋಗದಿಂದ ಮುಕ್ತರಾಗಿರುವುದು ದೃಢಪಟ್ಟಿದೆ. ಪುಣೆಗೆ ಕಳುಹಿಸಲಾದ 21 ಮಾದರಿಗಳ ಫಲಿತಾಂಶಗಳು ಬರಬೇಕಿದೆ. ಪುಣೆ ಮತ್ತು ಕೋಝಿಕ್ಕೋಡ್ ನಲ್ಲಿ ತಪಾಸಣೆ ನಡೆಸಲಾಯಿತು.
ಪ್ರದೇಶವನ್ನು ಪರಿಶೀಲಿಸಲು ಎನ್ಐವಿ ತಂಡವು ಎರಡು ದಿನಗಳಲ್ಲಿ ಕೋಝಿಕ್ಕೋಡ್‌ಗೆ ಆಗಮಿಸಲಿದೆ. ತಂಡವು ಇಂದು ಭೋಪಾಲ್‌ನಿಂದ ಹೊರಡಲಿದೆ. ನಿನ್ನೆ, ಮತ್ತೆ 10 ಮಂದಿ ಜನರನ್ನು ಆಸ್ಪತ್ರೆಗೆ ಸೇರಿಸಲಾಗಿದೆ. ಮನೆ-ಮನೆ ಸಮೀಕ್ಷೆ ಯಶಸ್ವಿಯಾಗಿ ಸಾಗುತ್ತಿದೆ ಮತ್ತು 42 ದಿನಗಳ ಬಳಿಕವಷ್ಟೇ, ನಿಪ್ಪಾ ಭೀತಿ ಸಂಪೂರ್ಣವಾಗಿ ನಿವಾರಣೆಯಾಗಿದೆ ಎಂದು ಹೇಳಬಹುದು ಎಂದು ಸಚಿವರು ಹೇಳಿರುವರು.
DOCTYPE html>
