ರಸ್ತೆ ಹಾನಿಗೊಳಿಸಿದವರೇ ದುರಸ್ಥಿಗೊಳಿಸಬೇಕು: ರಸ್ತೆಗಳ ಶೋಚನೀಯ ಸ್ಥಿತಿಗೆ ಜಲ ಪ್ರಾಧಿಕಾರವೇ ಕಾರಣ: ಸಚಿವ ಮಹಮ್ಮದ್ ರಿಯಾಜ್

                                                    

                      ತಿರುವನಂತಪುರ: ರಾಜ್ಯದ ರಸ್ತೆಗಳ ಶೋಚನೀಯ ಸ್ಥಿತಿಗೆ ಜಲ ಪ್ರಾಧಿಕಾರವೇ ಕಾರಣ ಎಂದು ಲೋಕೋಪಯೋಗಿ ಸಚಿವ ಮೊಹಮ್ಮದ್ ರಿಯಾಜ್ ಆರೋಪಿಸಿದ್ದಾರೆ. ಹದಗೆಟ್ಟ ರಸ್ತೆಗಳಿಗೆ ಜಲ ಪ್ರಾಧಿಕಾರವೇ ಕಾರಣ ಎಂದು ವಿಧಾನಸಭೆಯಲ್ಲಿ ತಿಳಿಸಿದರು. ರಸ್ತೆಗಳ ಶೋಚನೀಯ ಸ್ಥಿತಿಗೆ ಸಂಬಂಧಿಸಿದಂತೆ ಲೋಕೋಪಯೋಗಿ ಇಲಾಖೆಯನ್ನು ಹೈಕೋರ್ಟ್ ಗುರುವಾರ ಕಟುವಾಗಿ ಟೀಕಿಸಿತ್ತು. ಈ ಹಿನ್ನೆಲೆಯಲ್ಲಿ ಮುಹಮ್ಮದ್ ರಿಯಾಝ್ ಅವರು ಪ್ರತಿಕ್ರಿಯೆ ನೀಡಿದ್ದಾರೆ.

                    ರಸ್ತೆ ಕೆಡುವಂತೆ ಮಾಡುವವರಿಗೇ ಅದರ ದುರಸ್ಥಿತಿ ಜವಾಬ್ದಾರಿಯೂ ಇದೆ. ಲೋಕೋಪಯೋಗಿ ಇಲಾಖೆ ರಸ್ತೆಗಳನ್ನು ಕೆಡಿಸುವಂತೆ ಮಾಡುವವರ ವಿರುದ್ಧ ಕಠಿಣ ನಿಲುವು ತಳೆಯಲಿದೆ. ಈ ಬಗ್ಗೆ ಎಂಜಿನಿಯರ್‍ಗಳಿಗೆ ಸೂಚನೆ ನೀಡಲಾಗಿದೆ ಎಂದು ರಿಯಾಜ್ ತಿಳಿಸಿದರು. ಜಲ ಪ್ರಾಧಿಕಾರವು ರಸ್ತೆಯನ್ನು ಹಾನಿಗೊಳಿಸಿದರೆ ಅದನ್ನು ಪುನಃಸ್ಥಾಪಿಸಬೇಕು ಎಂದು ರಿಯಾಜ್ 2017 ರ ಸರ್ಕಾರಿ ಆದೇಶವನ್ನು ತೋರಿಸಿ  ಗಮನಸೆಳೆದಿದ್ದಾರೆ.

                     ರಸ್ತೆ ದುರಸ್ತಿ ಮಾಡಲು ಆಗದಿದ್ದರೆ ರಾಜೀನಾಮೆ ನೀಡುವಂತೆ ಇಂಜಿನಿಯರ್‍ಗಳಿಗೆ ನ್ಯಾಯಾಲಯ ಹೇಳಿತ್ತು. ನಿಗದಿತ ಸಮಯದೊಳಗೆ ದುರಸ್ತಿ ಕಾಮಗಾರಿ ನಡೆಸುವುದು ಗುತ್ತಿಗೆದಾರರ ಜವಾಬ್ದಾರಿಯಾಗಿದೆ. ಗುತ್ತಿಗೆದಾರರು ತಮ್ಮ ಜವಾಬ್ದಾರಿಯನ್ನು ಸರಿಯಾಗಿ ನಿರ್ವಹಿಸುತ್ತಿದ್ದಾರೆಯೇ ಎಂಬುದನ್ನು ಸಂಬಂಧಪಟ್ಟ ಅಧಿಕಾರಿಗಳು ಪರಿಶೀಲಿಸಬೇಕು. ಅನೇಕರಿಗೆ ಪದ ಯಾವುದು ಎಂದು ತಿಳಿದಿಲ್ಲ ಎಂದರು.

                   ಇದೇ ವೇಳೆ ಜಲಸಂಪನ್ಮೂಲ ಸಚಿವ ರೋಶಿ ಆಗಸ್ಟಿನ್ ಪ್ರತಿಕ್ರಿಯಿಸಿ, ಕಿತ್ತು ಹೋಗಿರುವ ರಸ್ತೆಗಳನ್ನು ಶೀಘ್ರ ದುರಸ್ತಿಗೊಳಿಸಲು ಕೆಲವು ತಾಂತ್ರಿಕ ಅಡಚಣೆಗಳಿವೆ. ಪೈಪ್ ಅಳವಡಿಸಿದ ಸ್ಥಳದಲ್ಲಿ ಒಮ್ಮೆ ತಪಾಸಣೆ ಇಲ್ಲದೆ ಮುಚ್ಚಲಾಗುವುದಿಲ್ಲ. ಕೊಳವೆಬಾವಿ ಹಾಕಿದ ನಂತರ ಹೊಂಡ ಮುಚ್ಚಿದ್ದರೆ ಮತ್ತೆ ತಪಾಸಣೆಗೆ ಒಳಪಡಿಸಬೇಕು ಎಂದು ಸಚಿವರು ಹೇಳಿದರು.