ಕೇರಳದಲ್ಲಿ ಕೊರೋನಾ ಬಾರದ ಅನೇಕ ಜನರಿದ್ದಾರೆ; ಹಾಗಾಗಿ ಸೋಂಕಿತರ ಸಂಖ್ಯೆಯಲ್ಲಿ ಹೆಚ್ಚಳವಾಗುತ್ತಿದೆ: ಪಿಣರಾಯಿ ವಿಜಯನ್

                                 

                      ತಿರುವನಂತಪುರಂ; ಕೇರಳದ ಕೊರೊನಾ ರಕ್ಷಣಾ ಚಟುವಟಿಕೆಗಳ ವಿರುದ್ಧದ ಟೀಕೆಗಳಿಗೆ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಪ್ರತಿಕ್ರಿಯೆ ನೀಡಿದ್ದಾರೆ. ರಾಜ್ಯದಲ್ಲಿ ಈವರೆಗೆ ಕೊರೊನಾ ಸೋಂಕಿತರಾಗದ ಅನೇಕ ಜನರಿರುವುದರಿಂದ ಪಾಸಿಟಿವ್ ಪ್ರಕರಣಗಳ ಸಂಖ್ಯೆ ಯಾವಾಗಲೂ ಹೆಚ್ಚಾಗಿರುತ್ತದೆ ಎಂದು ಸಿಎಂ ಹೇಳಿದರು.

                       ಇಲ್ಲಿ ಕೊರೋನಾ ಪ್ರಸರಣ ಹೆಚ್ಚಾಗಿದೆ ಎಂದು ಕೆಲವರು ಹೇಳುತ್ತಾರೆ. ರೋಗ ಬಾಧಿಸದವರು ಇಲ್ಲಿ ಸಾಕಷ್ಟು ಮಂದಿ ಇದ್ದಾರೆ. ಹೀಗಾಗಿ ಕೊರೊನಾ ಪ್ರಮಾಣ ಹೆಚ್ಚಾಗಿದೆ. ಎಲ್ಲೆಡೆ ಕೊರೊನಾ ಮಹಾಮಾರಿ ಹಬ್ಬಿದ್ದಾಗ ಕೇರಳ ತನ್ನನ್ನು ತಾನು ರಕ್ಷಿಸಿಕೊಂಡಿತು. ಆರೋಪಗಳ ಉದ್ದೇಶವೇ ಬೇರೆ ಎಂದು ಸಿಎಂ ಹೇಳಿದ್ದಾರೆ.

                 ಅತ್ಯಾಧುನಿಕ ಆರೋಗ್ಯ ಸುರಕ್ಷಾ ವ್ಯವಸ್ಥೆ ಮತ್ತು ಮರಣ ಪ್ರಮಾಣ ಕಡಿಮೆ ಇರುವುದರಿಂದ ರೋಗ ಹರಡಲು ಕಾರಣ ಎಂದು ಪ್ರತಿಪಾದಿಸಿದ ಮುಖ್ಯಮಂತ್ರಿ, ಲಸಿಕೆ ಹಾಕಿಸಿಕೊಳ್ಳದವರು ಅನಾರೋಗ್ಯಕ್ಕೆ ತುತ್ತಾದರೆ ತಾವೇ ವೆಚ್ಚ ಭರಿಸಬೇಕು ಎಂದು ಆಗ್ರಹಿಸಿದರು. ಲಸಿಕೆ ಹಾಕದ ಶಿಕ್ಷಕರು ಲಸಿಕೆಗೆ ಸಿದ್ಧರಾಗಿರಬೇಕು. ಡಿಸೆಂಬರ್ ಮಧ್ಯದೊಳಗೆ ಎರಡನೇ ಡೋಸ್ ಪೂರ್ಣಗೊಳಿಸುವ ಗುರಿ ಇದೆ ಎಂದರು.