ಪಾಣತ್ತೂರಲ್ಲಿ ಮರ ಸಾಗಿಸುತ್ತಿದ್ದ ಲಾರಿ ಪಲ್ಟಿ; ನಾಲ್ಕು ಮಂದಿ ದುರ್ಮರಣ

       ಕಾಸರಗೋಡು: ಪಾಣತ್ತೂರು ಪರಿಯಾರಂ ಎಂಬಲ್ಲಿ ಮರ ಸಾಗಿಸುತ್ತಿದ್ದ ಲಾರಿಯೊಂದು ನಿಯಂತ್ರಣ ತಪ್ಪಿ ರಸ್ತೆ ಬದಿಯ ಕಂದಕಕ್ಕೆ ಪಲ್ಟಿಯಾಗಿದೆ.  ಅಪಘಾತದಲ್ಲಿ ನಾಲ್ವರು ಸಾವನ್ನಪ್ಪಿದ್ದಾರೆ.  ಮರಗಳ ನಡುವೆ ಹೆಚ್ಚಿನ ಕಾರ್ಮಿಕರು ಸಿಲುಕಿಕೊಂಡಿದ್ದಾರೆಯೇ ಎಂದು ಪರಿಶೀಲಿಸಲಾಗುತ್ತಿದೆ.  ಸ್ಥಳದಲ್ಲಿ ರಕ್ಷಣಾ ಕಾರ್ಯ ಪ್ರಗತಿಯಲ್ಲಿದೆ.

    ಮೃತರನ್ನು ಪಾಣತ್ತೂರು ಕುಂದುಪಳ್ಳಿ ನಿವಾಸಿಗಳಾದ ಮೋಹನನ್, ಬಾಬು, ನಾರಾಯಣನ್ ಮತ್ತು ಸುಂದರ ಎಂದು ಗುರುತಿಸಲಾಗಿದೆ.  

      ಅಪಘಾತದಲ್ಲಿ ಗಾಯಗೊಂಡ ಆರು ಮಂದಿಯನ್ನು ಪೂದಂಕಲ್ ಜಿಲ್ಲಾಸ್ಪತ್ರೆಗೆ ದಾಖಲಿಸಲಾಗಿದೆ.  ಕಲ್ಲಪಳ್ಳಿಯಿಂದ ಪಾಣತ್ತೂರು ಪಟ್ಟಣಕ್ಕೆ ತೆರಳುತ್ತಿದ್ದ ವೇಳೆ ಲಾರಿ ಅಪಘಾತಕ್ಕೀಡಾಗಿದೆ.  ಕಾಸರಗೋಡು ಸಬ್ ಕಲೆಕ್ಟರ್ ಡಿ.ಆರ್.ಮೇಘಶ್ರೀ ಸ್ಥಳಕ್ಕೆ ಭೇಟಿ ನೀಡಿ ಪರಿಸ್ಥಿತಿ ಅವಲೋಕಿಸಲಿದ್ದಾರೆ.ಬ್ರೇಕ್ ತುಂಡರಿಸಲ್ಪಟ್ಟಿರುವುದು ಅಪಘಾತಕ್ಕೆ ಕಾರಣವೆಂದು ಪ್ರಾಥಮಿಕ ವರದಿ ತಿಳಿಸಿದೆ.