'ಸಿಎಪಿಎಫ್‌ಗೆ ಪ್ರತ್ಯೇಕ ಸೇವಾ, ಪಿಂಚಣಿ ನಿಯಮ ಪ್ರಸ್ತಾವ ಪರಿಶೀಲನೆಯಲ್ಲಿಲ್ಲ'

            ನವದೆಹಲಿ: ಅರೆಸೇನಾ ಪಡೆಗಳ ಸಿಬ್ಬಂದಿ ಅಥವಾ ಕೇಂದ್ರ ಸಶಸ್ತ್ರ ಪೊಲೀಸ್ ಪಡೆಗಳಿಗೆ (ಸಿಎಪಿಎಫ್‌) ಪ್ರತ್ಯೇಕ ಸೇವಾ ಮತ್ತು ಪಿಂಚಣಿ ನಿಯಮಗಳನ್ನು ರೂಪಿಸುವ ಯಾವುದೇ ಪ್ರಸ್ತಾವ ಪರಿಶೀಲನೆಯಲ್ಲಿಲ್ಲ ಎಂದು ಕೇಂದ್ರ ಸರ್ಕಾರ ಬುಧವಾರ ತಿಳಿಸಿದೆ.

            ಗೃಹ ಖಾತೆ ರಾಜ್ಯ ಸಚಿವ ನಿತ್ಯಾನಂದ ರಾಯ್‌ ಅವರು ರಾಜ್ಯಸಭೆಯಲ್ಲಿ ನೀಡಿರುವ ಲಿಖಿತ ಉತ್ತರದಲ್ಲಿ ಈ ವಿಷಯ ತಿಳಿಸಿದ್ದಾರೆ.

            ಸಿಎಪಿಎಫ್‌ ಸಿಬ್ಬಂದಿಗೆ ಪ್ರತ್ಯೇಕ ಸೇವಾ ಮತ್ತು ಪಿಂಚಣಿ ನಿಯಮಗಳನ್ನು ರೂಪಿಸುವಂತೆ ಬೇಡಿಕೆ ಬಂದಿದೆ. ಆದರೆ, ಸದ್ಯ ಅಂತಹ ಯಾವುದೇ ಪ್ರಸ್ತಾವ ಪರಿಶೀಲನೆಯಲ್ಲಿಲ್ಲ ಎಂದು ಸಚಿವರು ಹೇಳಿದ್ದಾರೆ.