ರಾಜ್ಯದಲ್ಲಿ ಒಮಿಕ್ರಾನ್ ಬಾಧಿತರ ಸಂಖ್ಯೆ ಏಳಕ್ಕೆ ಏರಿಕೆ: ಶಬರಿಮಲೆಗೆ ಪ್ರತಿದಿನ ಭಕ್ತರ ಸಂಖ್ಯೆ ಹೆಚ್ಚಿಸದಂತೆ ಆರೋಗ್ಯ ಇಲಾಖೆ ನಿರ್ದೇಶನ

                                                      

                   ಕೊಚ್ಚಿ: ರಾಜ್ಯದಲ್ಲಿ ಒಮಿಕ್ರಾನ್ ಬಾಧಿತರ ಸಂಖ್ಯೆ ಹೆಚ್ಚಳದ ವರದಿಗಳ ಹಿನ್ನೆಲೆಯಲ್ಲಿ ಶಬರಿಮಲೆಯಲ್ಲಿ ಭಕ್ತರ ಸಂಖ್ಯೆಯನ್ನು ಹೆಚ್ಚಿಸದಂತೆ ಆರೋಗ್ಯ ಇಲಾಖೆ ಸರ್ಕಾರವನ್ನು ಕೋರಿದೆ. ಸಂಖ್ಯೆ ಹೆಚ್ಚಿಸುವುದು ಸೂಕ್ತವಲ್ಲ ಎಂದು ರಾಜ್ಯ ಅಟಾರ್ನಿ ಜನರಲ್ ಎನ್.ಜೆ. ಮನೋಜ್‍ಕುಮಾರ್ ಹೈಕೋರ್ಟ್‍ಗೆ ತಿಳಿಸಿರುವರು.

                 ಪ್ರಸ್ತುತ, ಪ್ರತಿದಿನ 50,000 ಭಕ್ತರು ದೇವಾಲಯಕ್ಕೆ ಭೇಟಿ ನೀಡಲು ಅನುಮತಿಸಲಾಗಿದೆ. ಶಬರಿಮಲೆಗೆ ಹೆಚ್ಚಿನ ಭಕ್ತರಿಗೆ ಅವಕಾಶ ನೀಡಬೇಕೇ ಬೇಡವೇ ಎಂಬುದನ್ನು ನಿರ್ಧರಿಸುವಂತೆ ಸರ್ಕಾರ ಮತ್ತು ದೇವಸ್ವಂ ಮಂಡಳಿಗೆ ಹೈಕೋರ್ಟ್ ಸೂಚಿಸಿತ್ತು. ಈ ಹಿನ್ನೆಲೆಯಲ್ಲಿ ಆರೋಗ್ಯ ಇಲಾಖೆ ಒಮಿಕ್ರಾನ್ ಪರಿಸ್ಥಿತಿಯ ಹೊಸ ಮೌಲ್ಯಮಾಪನವನ್ನು ಮಾಡಿದೆ.

                 ಎರಡು ಡೋಸ್ ಲಸಿಕೆ ಅಥವಾ ಆರ್‍ಟಿ-ಪಿಸಿಆರ್ ನೆಗೆಟಿವ್ ಪ್ರಮಾಣಪತ್ರ ಹೊಂದಿರುವವರು ವರ್ಚುವಲ್ ಕ್ಯೂ ಬುಕಿಂಗ್ ಇಲ್ಲದೆ ಭೇಟಿ ನೀಡಲು ಅವಕಾಶ ನೀಡಬೇಕು ಎಂದು ದೇವಸ್ವಂ ಮಂಡಳಿ ಒತ್ತಾಯಿಸಿದೆ. ವರ್ಚುವಲ್ ಸರತಿ ಸಾಲುಗಳ ಮೂಲಕ ಹೆಚ್ಚಿನ ಭಕ್ತರಿಗೆ ಅವಕಾಶ ನೀಡುವಂತೆ ದೇವಸ್ವಂ ಸರ್ಕಾರವನ್ನು ಕೋರಿದೆ. ಆದರೆ, ರಾಜ್ಯದಲ್ಲಿ ಒಮಿಕ್ರಾನ್ ರೋಗಿಗಳ ಸಂಖ್ಯೆ ಏಳಕ್ಕೆ ಏರಿರುವುದರಿಂದ ಆರೋಗ್ಯ ಇಲಾಖೆಯ ಶಿಫಾರಸನ್ನು ನ್ಯಾಯಾಲಯ ಪರಿಗಣಿಸುವ ಸಾಧ್ಯತೆ ಇದೆ.