ಕುಟುಂಬಶ್ರೀ ಸದಸ್ಯರು ಇನ್ನು ಪೋಲೀಸರಾಗುತ್ತಾರೆ: ನೆರೆಹೊರೆ ಕೂಟದಲ್ಲಷ್ಟೇ ಅಲ್ಲ ಪೋಲೀಸರಲ್ಲೂ ಕುಟುಂಬಶ್ರೀ ಸೇವೆ; 'ಶ್ರೀಕರ್ಮಸೇನೆ' ಶೀಘ್ರ ಚಾಲ್ತಿಗೆ

                                           

             ತಿರುವನಂತಪುರ; ಪೋಲೀಸ್ ಪಡೆಗೆ ಕುಟುಂಬಶ್ರೀ ಸದಸ್ಯರನ್ನು ಸೇರಿಸಲು ನಿರ್ಧಾರ ಕೈಗೊಳ್ಳಲಾಗಿದೆ. ಶ್ರೀ ಕರ್ಮಸೇನೆ ಹೆಸರಿನಲ್ಲಿ ಕೇರಳ ಪೋಲೀಸರ ಭಾಗವಾಗಿ ವಿಶೇಷ ತಂಡ ರಚಿಸಲಾಗುವುದು. ಹೊಸ ಯೋಜನೆಯು ಪೋಲೀಸ್ ಠಾಣೆಗಳನ್ನು ಹೆಚ್ಚು ಮಹಿಳಾ ಸ್ನೇಹಿಯನ್ನಾಗಿ ಮಾಡಲು ಮತ್ತು ರಾಜ್ಯದಲ್ಲಿ ಮಹಿಳಾ ಸುರಕ್ಷತೆಯನ್ನು ಖಾತ್ರಿಪಡಿಸುವ ಗುರಿಯನ್ನು ಹೊಂದಿದೆ. ಯೋಜನೆಯ ವಿವರವಾದ ರೂಪುರೇಷೆ ಸಿದ್ಧಪಡಿಸುವಂತೆ ಗೃಹ ಕಾರ್ಯದರ್ಶಿ ಡಿಜಿಪಿ ಅನಿಲ್ ಕಾಂತ್ ಅವರಿಗೆ ಸೂಚಿಸಲಾಗಿದೆ.

                ಶ್ರೀಕರ್ಮಸೇನೆ ಕೇರಳ ಪೋಲೀಸ್‍ನ ಸದಸ್ಯರಾಗಿರುವುದಿಲ್ಲ, ಆದರೆ ಸ್ಟೂಡೆಂಟ್ಸ್ ಪೋಲೀಸ್ ಕೆಡೆಟ್‍ನಂತಹ ಪ್ರತ್ಯೇಕ ಘಟಕವಾಗಿ ಕಾರ್ಯನಿರ್ವಹಿಸುತ್ತಾರೆ. ವಾರದಲ್ಲಿ ಮೂರು ದಿನವಾದರೂ ಪೋಲೀಸ್ ಠಾಣೆಯಲ್ಲಿ ಇರುತ್ತಾರೆ. ಆಯ್ಕೆಯಾದ ಕುಟುಂಬಶ್ರೀ ಸದಸ್ಯರಿಗೆ ಸಮವಸ್ತ್ರ ಹಾಗೂ ವಿಶೇಷ ತರಬೇತಿ ನೀಡಲಾಗುವುದು.

                ವಿಧಾನ ಪರಿಷತ್ತು ಮತ್ತು ಡಿಜಿಪಿ ಅವರ ಶಿಫಾರಸಿನ ಮೇರೆಗೆ ಪೋಲೀಸ್ ಪಡೆ ಈ ಹೊಸ ಯೋಜನೆಯನ್ನು ಸ್ಥಾಪಿಸಿದೆ. ಕುಟುಂಬಶ್ರೀ ಸದಸ್ಯರು ಸಮಾಜದ ಎಲ್ಲಾ ಕ್ಷೇತ್ರಗಳಲ್ಲಿ ಕೆಲಸ ಮಾಡುತ್ತಾರೆ. ಇಂತಹ ಪ್ರಭಾವಿ ಕುಟುಂಬಶ್ರೀ ಕಾರ್ಯಕರ್ತರನ್ನು ಪೋಲೀಸರಲ್ಲೂ ಬಳಸಿಕೊಳ್ಳುವುದು ಈ ಯೋಜನೆಯ ಉದ್ದೇಶವಾಗಿದೆ.