ಚಿನ್ನದ ಬೆಲೆಯಲ್ಲಿ ಭಾರಿ ಜಿಗಿತ: ಏಕಾಏಕಿ 800 ರೂ.ಏರಿಕೆ

       ಕೊಚ್ಚಿ: ರಾಜ್ಯದಲ್ಲಿ ಚಿನ್ನದ ಬೆಲೆ ಏರಿಕೆಯಾಗುತ್ತಿದೆ.  ಒಂದು ಪವನ್ ಗೆ 800 ರೂ. ಏರಿಕೆಯಾಗಿದೆ. ಇದರೊಂದಿಗೆ ಪವನ್  ಚಿನ್ನದ ಬೆಲೆ 37,440 ರೂ.ಆಗಿ ಹೆಚ್ಚಳಗೊಂಡಿದೆ.  ಪ್ರತಿ ಗ್ರಾಂಗೆ 100 ರೂ.ನಂತೆ ಹೆಚ್ಚಳಗೊಂಡಿದ್ದು ಒಂದು ಗ್ರಾಂ ಗೆ 4,680 ರೂ.ಆಗಿ ವರ್ಧನೆಗೊಂಡಿದೆ.

        ಇಂದು ಈ ತಿಂಗಳ ಗರಿಷ್ಠ ಬೆಲೆ ದಾಖಲಾಗಿದೆ.  ಕಳೆದ ಕೆಲವು ದಿನಗಳಿಂದ ಚಿನ್ನದ ಬೆಲೆಯಲ್ಲಿ ಏರಿಕೆಯಾಗುತ್ತಿದೆ.  ಕಳೆದ ಶನಿವಾರ ಪವನ್ ಗೆ  36080 ರೂ. ಇತ್ತು. ಒಂದೇ ವಾರದಲ್ಲಿ 1360 ರೂಪಾಯಿ ಏರಿಕೆಯಾಗಿದೆ.  ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲೂ ಚಿನ್ನದ ಬೆಲೆ ಏರಿಕೆಯಾಗುತ್ತಿದೆ.  ಈ ವ್ಯತ್ಯಾಸವು ದೇಶೀಯ ಮಾರುಕಟ್ಟೆಯಲ್ಲೂ ಪ್ರತಿಫಲಿಸುತ್ತದೆ.

         ರಾಜ್ಯದಲ್ಲಿ ಬೆಳ್ಳಿ ಬೆಲೆಯಲ್ಲಿ ಕೊಂಚ ಏರಿಕೆಯಾಗಿದೆ.  ಒಂದು ಗ್ರಾಂ ಬೆಳ್ಳಿಯ ಇಂದಿನ ಬೆಲೆ 66.90 ರೂ.  ಎಂಟು ಗ್ರಾಂ ಬೆಳ್ಳಿಯ ಬೆಲೆ 535.20 ರೂ.  ಹತ್ತು ಗ್ರಾಂ ಬೆಳ್ಳಿಯ ಬೆಲೆ 669 ರೂ. ಮತ್ತು ಒಂದು ಕಿಲೋಗ್ರಾಂ ಗೆ 66,900 ರೂ.  ನಿನ್ನೆ ಕೆಜಿಗೆ 66,800 ರೂ.ಇತ್ತು.