ಬಜಕೂಡ್ಲು ಅಮೃತಧಾರಾ ಗೋಶಾಲೆ ಗೋಲೋಕದಲ್ಲಿ ಮಹಾಶಿವರಾತ್ರಿ ಮಹೋತ್ಸವ ಸಂಪನ್ನ

               ಪೆರ್ಲ: ಪೆರ್ಲ ಬಜಕೂಡ್ಲು ಅಮೃತಧಾರಾ ಗೋಶಾಲೆಯ ಶ್ರೀ ಗೋವರ್ಧನಧರ್ಮಮಂದಿರದಲ್ಲಿ ಮಂಗಳವಾರ ಸಂಜೆ ಪ್ರತಿವರ್ಷದಂತೆ ಸಂಭ್ರಮದಿಂದ ಶಿವರಾತ್ರಿ ಮಹೋತ್ಸವವು ಸಂಪನ್ನವಾಯಿತು. ಸಂಜೆ 4.30 ಕ್ಕೆ ಗುರುವಂದನೆಯೊಂದಿಗೆ ಕಾರ್ಯಕ್ರಮ ಪ್ರಾರಂಭವಾಗಿ ರುದ್ರಾಭಿಷೇಕ-ಶಿವಪೂಜೆ, ಪಂಚಾಕ್ಷರೀಜಪ, ಶಿವಮಾನಸಪೂಜಾಸ್ತೋತ್ರಪಾರಾಯಣ, ಗೋಪೂಜೆ, ಗೋಪಾಲಕೃಷ್ಣ ಪೂಜೆ, ದೀಪೆÇೀತ್ಸವ ನಡೆಯಿತು.

                 ಪೂರ್ವಸಂಪ್ರದಾಯದಂತೆ ವಿಭೂತಿ ತಯಾರಿಗಾಗಿ ಗೋಮಯಜ್ವಲನ ನಡೆಯಿತು. ಹೊಸನಗರ ಶ್ರೀ ಚಂದ್ರಮೌಳೀಶ್ವರದೇವಾಲಯದಲ್ಲಿ ನಡೆದ ಸೋಮಸಪರ್ಯಾದಲ್ಲಿ ಅರ್ಚನೆ, ಪ್ರಸಾದಕ್ಕಾಗಿ ಬಜಕೂಡ್ಲು ಗೋಶಾಲೆಯಲ್ಲಿ ನಡೆದ ವಿಭೂತಿ ತಯಾರಿಯಲ್ಲಿ ಸೇವೆ ಸಲ್ಲಿಸಿದ ಕಾರ್ಯಕರ್ತರಿಗೆ ಪ್ರಸಾದವನ್ನು ವಿತರಿಸಲಾಯಿತು.

    ಪರಮಪೂಜ್ಯ ಶ್ರೀಸಂಸ್ಥಾನದವರ ನಿರ್ದೇಶನದಂತೆ ಹದಿಮೂರುಕೋಟಿ ರಾಮತಾರಕಜಪದ ಪರಿಪೂರ್ತಿಗಾಗಿ ಸಂಕಲ್ಪಿಸಿ ರಾಮತಾರಕಮಂತ್ರಜಪವನ್ನು ಪ್ರಾರಂಭಿಸಲಾಯಿತು.