ಅಮಾಯಕರ ಹತ್ಯೆಯಾಗುತ್ತಿರುವುದು ದುರದೃಷ್ಟಕರ; ಕಾನೂನು ಸುವ್ಯವಸ್ಥೆ ಕಾಪಾಡಲು ಸರ್ಕಾರ ಕಟ್ಟುನಿಟ್ಟಿನ ಕ್ರಮ ಕೈಗೊಳ್ಳುವ ಭರವಸೆ ಇದೆ: ರಾಜ್ಯಪಾಲರು

                                    

                    ತಿರುವನಂತಪುರಂ: ಪಾಲಕ್ಕಾಡ್‍ನಲ್ಲಿ ನಡೆದ ಜೋಡಿ ಹತ್ಯೆಯನ್ನು ರಾಜ್ಯಪಾಲ ಆರಿಫ್ ಮೊಹಮ್ಮದ್ ಖಾನ್ ಖಂಡಿಸಿದ್ದಾರೆ. ಪಾಲಕ್ಕಾಡ್‍ನಲ್ಲಿ ನಡೆದ ಕೊಲೆಗಳು ದುರದೃಷ್ಟಕರ. ಅಮಾಯಕರು ಬಲಿಯಾಗುತ್ತಿರುವುದು ವಿಷಾದಕರ ಎಂದು ರಾಜ್ಯಪಾಲರು ಹೇಳಿದರು.

                ಕಾನೂನು ವ್ಯವಸ್ಥೆಯಲ್ಲಿ ಸಾರ್ವಜನಿಕ ವಿಶ್ವಾಸವನ್ನು ಪುನಃಸ್ಥಾಪಿಸಲು ಕ್ರಮಗಳನ್ನು ತೆಗೆದುಕೊಳ್ಳಬೇಕು ಎಂದು ಅವರು ಹೇಳಿದರು. ಸರ್ಕಾರ ಸೂಕ್ತ ಕ್ರಮ ಕೈಗೊಳ್ಳುವ ನಿರೀಕ್ಷೆ ಇದೆ ಎಂದು  ರಾಜ್ಯಪಾಲರು ತಿಳಿಸಿದರು.

                  ಏತನ್ಮಧ್ಯೆ, ನಿನ್ನೆ ನಡೆದ ಸರ್ವಪಕ್ಷ ಸಭೆ ಒಂದು ಪ್ರಹಸನವಾಗಿದ್ದು, ಸರ್ಕಾರ ಕೊಲೆಗಾರರ ಪರ ನಿಲುವು ತೆಗೆದುಕೊಳ್ಳುತ್ತಿದೆ ಎಂದು ಆರೋಪಿಸಿ ಬಿಜೆಪಿ  ಸರ್ವಪಕ್ಷ ಸಭೆಯನ್ನು ಬಹಿಷ್ಕರಿಸಿತ್ತು. ಸಂಜಿತ್ ಹತ್ಯೆ ಪ್ರಕರಣದ ಎಲ್ಲ ಆರೋಪಿಗಳನ್ನು ಇನ್ನೂ ಬಂಧಿಸಿಲ್ಲ. ಶ್ರೀನಿವಾಸನ್ ಹತ್ಯೆಗೆ ಪೋಲೀಸರೇ ಸಂಪೂರ್ಣ ಹೊಣೆ. ದಾಳಿ ನಡೆಯಲಿದೆ ಎಂದು ಮೊದಲೇ ತಿಳಿದಿದ್ದರೂ ಪೋಲೀಸರು ಯಾವುದೇ ಕ್ರಮ ಕೈಗೊಂಡಿರಲಿಲ್ಲ. ಕೊಲೆ ನಡೆದು ನಲವತ್ತೆಂಟು ಗಂಟೆಗಳಾದರೂ ಪೋಲೀಸರಿಗೆ ಒಬ್ಬ ಆರೋಪಿಯನ್ನೂ ಬಂಧಿಸಲು ಸಾಧ್ಯವಾಗಿಲ್ಲ. ಪೋಲೀಸರು ಕತ್ತಲೆಯಲ್ಲಿದ್ದಾರೆ. ಇದು ಕೇವಲ ಪ್ರಹಸನ ಎಂದು ಬಿಜೆಪಿ ರಾಜ್ಯ ಪ್ರಧಾನ ಕಾರ್ಯದರ್ಶಿ ಸಿ.ಕೃಷ್ಣಕುಮಾರ್ ಹೇಳಿದ್ದರು.