ಮನೆ ಸುತ್ತುವರಿದು ಎನ್.ಐ.ಎ ತಂಡ: ಪಾಪ್ಯುಲರ್ ಫ್ರಂಟ್ ರಾಜ್ಯ ಕಾರ್ಯದರ್ಶಿ ಸಿಎ ರವೂಫ್ ಬಂಧನ

            ಪಾಲಕ್ಕಾಡ್: ನಿಷೇಧಿತ ಭಯೋತ್ಪಾದಕ ಸಂಘಟನೆ ಪಾಪ್ಯುಲರ್ ಫ್ರಂಟ್ ರಾಜ್ಯ ಕಾರ್ಯದರ್ಶಿ ಸಿಎ ರವೂಫ್ ನನ್ನು ಬಂಧಿಸಲಾಗಿದೆ. ಎನ್‍ಐಎ ತಂಡವು ರೌಫ್‍ನನ್ನು ಪಾಲಕ್ಕಾಡ್‍ನ ಪಟ್ಟಾಂಬಿ ಕರಿಂಪುಲ್ಲಿಯಲ್ಲಿರುವ ಆತನ ಮನೆಯಿಂದ ಬಂಧಿಸಿದೆ.
           ಎನ್‍ಐಎ ತಂಡ ಮನೆಯನ್ನು ಸುತ್ತುವರಿದು ರೌಫ್‍ನನ್ನು ಬಂಧಿಸಿದೆ. ಪಾಪ್ಯುಲರ್ ಫ್ರಂಟ್ ನಿಷೇಧಿಸಿದ ನಂತರ ಅವರು ತಲೆಮರೆಸಿಕೊಂಡಿದ್ದರು. ಮೂರು ವಾರಗಳ ಹಿಂದೆ ದೇಶದಲ್ಲಿ ಪಾಪ್ಯುಲರ್ ಫ್ರಂಟ್ ಅನ್ನು ನಿಷೇಧಿಸಲಾಗಿತ್ತು. ನಿನ್ನೆ ಮನೆಗೆ ಬಂದಿರುವ ಮಾಹಿತಿ ಪಡೆದ ಎನ್ ಐಎ ತಂಡ ಮನೆ ಸುತ್ತುವರಿದು ರೌಫ್ ನನ್ನು ಬಂಧಿಸಿದೆ.
        ರಾತ್ರಿ 12.30ಕ್ಕೆ ಬಂಧನವನ್ನು ದಾಖಲಿಸಲಾಗಿದೆ. ತಮಿಳುನಾಡು ಮತ್ತು ಕರ್ನಾಟಕದಲ್ಲಿ ತಲೆಮರೆಸಿಕೊಂಡಿದ್ದ. ಕಳೆದ ಕೆಲವು ದಿನಗಳಿಂದ ಆತನ ಸಂಬಂಧಿಕರು ಮತ್ತು ಸ್ನೇಹಿತರ ಮನೆಗಳ ಮೇಲೆ ನಿಗಾ ಇಡಲಾಗಿತ್ತು. ಇದಕ್ಕೂ ಮುನ್ನ ಎನ್‍ಐಎ ಸಂಘಟನೆಯ ರಾಷ್ಟ್ರೀಯ ಅಧ್ಯಕ್ಷ ಒಎಂಎ ಸಲಾಂ, ಮಾಜಿ ಅಧ್ಯಕ್ಷ ಇ ಅಬೂಬಕರ್ ಮತ್ತು ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ ನಜರುದ್ದೀನ್ ಎಳಮರಮ್ ಸೇರಿದಂತೆ ಮುಖಂಡರನ್ನು ಬಂಧಿಸಿತ್ತು.
        ನಿಷೇಧದ ಬಳಿಕ ಕೇರಳದಲ್ಲಿ ಪಾಪ್ಯುಲರ್ ಫ್ರಂಟ್ ಉಗ್ರರ ದಾಳಿ ನಡೆಸುತ್ತಿದೆ ಎಂಬ ಮಾಹಿತಿ ಗುಪ್ತಚರ ದಳಕ್ಕೆ ಸಿಕ್ಕಿತ್ತು. ಈ ನಿಟ್ಟಿನಲ್ಲಿ ರಾಜ್ಯದ 100ಕ್ಕೂ ಹೆಚ್ಚು ಕೇಂದ್ರಗಳಲ್ಲಿ ಗುಪ್ತ ಸಭೆ ನಡೆಸಲಾಗಿದೆ. ಪಾಪ್ಯುಲರ್ ಫ್ರಂಟ್ ನ ರಾಜ್ಯ ಕಾರ್ಯದರ್ಶಿ ಸಿ.ಎ.ರವೂಫ್ ತಲೆಮರೆಸಿಕೊಂಡಿರುವುದಾಗಿಯೂ ವರದಿಯಾಗಿದೆ. ಇದಾದ ಬಳಿಕ ಆತನನ್ನು ಬಂಧಿಸುವ ಪ್ರಯತ್ನ ನಡೆದಿದೆ.

ಎಸ್ ಡಿಪಿಐ ಹಾಗೂ ಸಾಂಸ್ಕøತಿಕ ಸಂಘಟನೆಗಳ ನೆಪದಲ್ಲಿ ರಹಸ್ಯ ಸಭೆಗಳು ನಡೆದಿವೆ. PಈI ಯೋಜಿತ ಗಲಭೆಗಳನ್ನು ನಡೆಸಬಹುದು ಎಂದು ಕೇಂದ್ರ ಗುಪ್ತಚರ ಸಂಸ್ಥೆಗಳು ಎಚ್ಚರಿಸುತ್ತಿವೆ. ಕಲ್ಕತ್ತಾ ಮತ್ತು ತೆಲಂಗಾಣದಲ್ಲಿ ನಿμÉೀಧದ ಹೆಸರಿನಲ್ಲಿ ಪಾಪ್ಯುಲರ್ ಫ್ರಂಟ್ ನಡೆಸಿದ ಗಲಭೆಗಳನ್ನು ಹತ್ತಿಕ್ಕಲಾಯಿತು.ಕೇರಳದಲ್ಲೂ ಇದೇ ರೀತಿಯ ಪ್ರಯತ್ನಗಳು ನಡೆಯಬಹುದು ಎಂದು ವರದಿಯಾಗಿದೆ.