ಆಜಾದ್ ಕಾಶ್ಮೀರ ಉಲ್ಲೇಖ: ದೆಹಲಿಯ ಸೈಬರ್ ಕ್ರೈಂ ಪೋಲೀಸರಿಂದ ಕೆ.ಟಿ. ಜಲೀಲ್ ವಿರುದ್ಧ ರಾಜ್ಯ ಪೋಲೀಸ್ ಮುಖ್ಯಸ್ಥರಿಗೆ ದೂರು ರವಾನೆ

         ತಿರುವನಂತಪುರ: ಆಜಾದ್ ಕಾಶ್ಮೀರ ಉಲ್ಲೇಖದಲ್ಲಿ ಶಾಸಕ ಕೆಟಿ ಜಲೀಲ್ ವಿರುದ್ಧ ದೆಹಲಿ ಪೋಲೀಸರು ದೂರನ್ನು ರಾಜ್ಯ ಪೋಲೀಸ್ ಮುಖ್ಯಸ್ಥರಿಗೆ ರವಾನಿಸಿದ್ದಾರೆ.
          ಪ್ರಕರಣಕ್ಕೆ ಸಂಬಂಧಿಸಿದಂತೆ ಮುಂದಿನ ಕ್ರಮಕ್ಕಾಗಿ ದೂರನ್ನು ರವಾನಿಸಲಾಗಿದೆ. ಸದ್ಯ ಈ ಪ್ರಕರಣವನ್ನು ಸೈಬರ್ ಕ್ರೈಂ ಪೋಲೀಸರು ತನಿಖೆ ನಡೆಸುತ್ತಿದ್ದಾರೆ.
           ದೆಹಲಿ ಹೈಕೋರ್ಟ್ ವಕೀಲ ಜಿಎಸ್ ಮಣಿ ಅವರು ಸಲ್ಲಿಸಿದ ದೂರಿನ ಮೇರೆಗೆ ಜಲೀಲ್ ಪ್ರಸ್ತುತ ಕಾನೂನು ಪ್ರಕ್ರಿಯೆಗಳನ್ನು ಎದುರಿಸುತ್ತಿದ್ದಾರೆ. ಘಟನೆಗೆ ಸಂಬಂಧಿಸಿದಂತೆ ಸೈಬರ್ ಕ್ರೈಂ ಇಲಾಖೆ ದೆಹಲಿಯ ರೋಸ್ ಅವೆನ್ಯೂ ನ್ಯಾಯಾಲಯಕ್ಕೆ ವರದಿ ಸಲ್ಲಿಸಿತ್ತು. ಈ ದೂರನ್ನು ಕೇರಳ ಪೋಲೀಸ್ ಮುಖ್ಯಸ್ಥರಿಗೆ ರವಾನಿಸಲಾಗಿದೆ ಎಂದು ತಿಳಿಸಿದ್ದಾರೆ. ಕಳೆದ ತಿಂಗಳ 15ರಂದು ದೂರು ರವಾನಿಸಲಾಗಿದೆ ಎಂದು ತನಿಖಾ ತಂಡ ಹೇಳುತ್ತಿದೆ. ಏತನ್ಮಧ್ಯೆ, ಪ್ರಕರಣದ ತೀರ್ಪು ಮುಂದಿನ ತಿಂಗಳು ಒಂಬತ್ತರಂದು ನೀಡಲಾಗುವುದು. ಆಜಾದ್ ಕಾಶ್ಮೀರ ಉಲ್ಲೇಖದಲ್ಲಿ ಕೆಟಿ ಜಲೀಲ್ ವಿರುದ್ಧ ದೇಶದ್ರೋಹದ ಪ್ರಕರಣ ದಾಖಲಿಸಬೇಕು ಎಂದು ಮಣಿ ಆಗ್ರಹಿಸಿದ್ದಾರೆ.
         ಜಲೀಲ್ ಅವರ ವಿವಾದಾತ್ಮಕ ಹೇಳಿಕೆ ಆಗಸ್ಟ್‍ನಲ್ಲಿ ನಡೆದಿತ್ತು. ಅವರು ಆಗಸ್ಟ್‍ನಲ್ಲಿ ಕಾಶ್ಮೀರಕ್ಕೆ ಭೇಟಿ ನೀಡಿದ್ದರು. ಈ ಕುರಿತು ಬರೆದಿರುವ ಫೇಸ್ ಬುಕ್ ಪೋಸ್ಟ್ ನಲ್ಲಿ ವಿವಾದಾತ್ಮಕ ಉಲ್ಲೇಖವಾಗಿದೆ. ಭಾರತದಿಂದ ಬೇರ್ಪಟ್ಟ ಭಾಗವು ನಂತರ ಆಜಾದ್ ಕಾಶ್ಮೀರ ಎಂದು ಕರೆಯಲ್ಪಟ್ಟಿತು ಎಂದು ಜಲೀಲ್ ಹೇಳಿದ್ದರು. ಇದಲ್ಲದೇ, ಪೋಸ್ಟ್‍ನಲ್ಲಿ ಭಾರತ ವಿರೋಧಿ ಹೇಳಿಕೆಗಳೂ ಇವೆ.