ಕುಟುಂಬ ನ್ಯಾಯಾಲಯ ನ್ಯಾಯಾಧೀಶಗೆ ಬೀಳ್ಕೊಡುಗೆ

             ಕಾಸರಗೋಡು: ಸೇವೆಯಿಂದ ನಿವೃತ್ತರಾದ ಕಾಸರಗೋಡು ಕುಟುಂಬ ನ್ಯಾಯಾಲಯದ ನ್ಯಾಯಾಧೀಶ ಟಿ.ಕೆ.ರಮೇಶ್ ಕುಮಾರ್ ಅವರಿಗೆ ನ್ಯಾಯಾಲಯದ ಸಿಬ್ಬಂದಿ ವರ್ಗ ವತಿಯಿಂದ ಬೀಳ್ಕೊಡುಗೆ ಸಮಾರಂಭ ನಡೆಯಿತು.
             ನ್ಯಾಯಾಲಯದಲ್ಲಿ ನಡೆದ ಸಮಾರಂಭದಲ್ಲಿ ಶಿರಸ್ತೇದಾರ್ ಮೋಹನ್ ದಾಸ್ ಎಂಟಿ ಅಧ್ಯಕ್ಷತೆ ವಹಿಸಿದ್ದರು. ಈ ಸಂದರ್ಭ ಸಿಬ್ಬಂದಿ ವರ್ಗದವರು ಕೊಡಮಡಿದ ಸ್ಮರಣಿಕೆಯನ್ನು ಟಿ.ಕೆ ರಮೇಶ್ ಕುಮಾರ್ ಅವರಿಗೆ ಹಸ್ತಾಂತರಿಸಲಾಯಿತು.  ಬೀಳ್ಕೊಡುಗೆ ಸಮಾರಂಭದಲ್ಲಿ ಜಗದೀಶ್ ಪ್ರಸಾದ್ ಇ.ಬಿ, ಸುಕುಮಾರನ್ ಎ.ವಿ, ಚಂದ್ರನ್ ಪಿ, ಮಾಲತಿ.ಎಂ ಉಪಸ್ಥಿತರಿದ್ದರು. ಸಿಬ್ಬಂದಿ ಕಾರ್ಯದರ್ಶಿ ಫಿಲಿಪ್ ಜೆ ಸ್ವಾಗತಿಸಿದರು.  ಜಯ ಎಂ.ಆರ್ ವಂದಿಸಿದರು.