ಇಡುಕ್ಕಿಯಲ್ಲಿ ವರದಿಯಾದ ಬಾಲ್ಯ ವಿವಾಹ: 16ರ ಹರೆಯದ ಬಾಲಕಿಯನ್ನು ವಿವಾಹವಾದ 47 ರ ಹರೆಯದ ವ್ಯಕ್ತಿ

          ಮುನ್ನಾರ್; ಇಡುಕ್ಕಿ ಇಡಮಲಕುಡಿಯಲ್ಲಿ ಬಾಲ್ಯ ವಿವಾಹ ನಡೆದ ಬಗ್ಗೆ ವರದಿಯಾಗಿದೆ. 47 ವರ್ಷದ ವ್ಯಕ್ತಿಯೊಬ್ಬ 16 ವರ್ಷದ ಬಾಲಕಿಯನ್ನು ವಿವಾಹವಾಗಿರುವುದಾಗಿ ತಿಳಿದುಬಂದಿದೆ. ಇಡಮಲಕುಡಿ ಪಂಚಾಯತ್ ವ್ಯಾಪ್ತಿಯ ಕಂದತಿಕುಡಿ ಮೂಲದ ರಾಮನ್ ಅವರು ವಾರದ ಹಿಂದೆ 16 ವರ್ಷದ ಬಾಲಕಿಯನ್ನು ವಿವಾಹವಾದರು. ಅವರು ಈಗಾಗಲೇ ಒಂದು ವಿವಾಹವಾದವರಾಗಿದ್ದು,  ಇಬ್ಬರು ಮಕ್ಕಳ ತಂದೆ.
           ಬಾಲ್ಯ ವಿವಾಹದ ಬಗ್ಗೆ ಖಚಿತ ಮಾಹಿತಿ ಪಡೆದ ಸಮಾಜ ಕಲ್ಯಾಣ ಇಲಾಖೆ ಅಧಿಕಾರಿಗಳು ಸ್ಥಳಕ್ಕೆ ಧಾವಿಸಿ ಪರಿಶೀಲನೆ ನಡೆಸಿದ್ದಾರೆ. ವಿವಾಹ ನಡೆದಿರುವುದು ತನಿಖೆಯಿಂದ ತಿಳಿದುಬಂದಿದೆ. ಇಬ್ಬರೂ ಬಾಲಕಿಯ ಮನೆಯಲ್ಲಿ ವಾಸವಾಗಿರುವುದು ಕೂಡ ಪತ್ತೆಯಾಗಿದೆ.
           ಆದರೆ ಅಧಿಕಾರಿಗಳು ಬರುವಷ್ಟರಲ್ಲಿ ಇಬ್ಬರೂ ಸ್ಥಳದಿಂದ ಪರಾರಿಯಾಗಿದ್ದಾರೆ. ಘಟನೆ ಕುರಿತು ಜಿಲ್ಲಾ ಮಕ್ಕಳ ಕಲ್ಯಾಣ ಸಮಿತಿಗೆ ವರದಿ ಸಲ್ಲಿಸಲಾಗಿದೆ ಎಂದು ಸಮಾಜ ಕಲ್ಯಾಣ ಇಲಾಖೆಯ ತಾಲೂಕು ಮಟ್ಟದ ಅಧಿಕಾರಿಗಳು ತಿಳಿಸಿದ್ದಾರೆ.