ಭಾರತದಲ್ಲಿ ಓಮೈಕ್ರಾನ್‌ ಪ್ರಾಬಲ್ಯ: ಕೇಂದ್ರ ಸರ್ಕಾರ

 

                ನವದೆಹಲಿ: ಭಾರತದಲ್ಲಿ ಕೊರೊನಾ ವೈರಸ್‌ನ ಓಮೈಕ್ರಾನ್‌ ಮತ್ತು ಅದರ ಉಪತಳಿಗಳೇ ಪ್ರಧಾನವಾಗಿದ್ದು, ಈ ಪೈಕಿ ಎಕ್ಸ್‌ಬಿಬಿ ಮತ್ತು ಬಿಕ್ಯೂ ತಳಿಗಳು ಹೆಚ್ಚು ಕಾಣಿಸಿಕೊಳ್ಳುತ್ತಿವೆ ಎಂದು ಆರೋಗ್ಯ ಖಾತೆ ರಾಜ್ಯ ಸಚಿವೆ ಭಾರತಿ ಪ್ರವೀಣ್‌ ಪವಾರ್‌ ಶುಕ್ರವಾರ ಲೋಕಸಭೆಯಲ್ಲಿ ತಿಳಿಸಿದರು.

                ಕೇಂದ್ರ ಸರ್ಕಾರದ ವೈರಾಣು ಸಂರಚನೆ ವಿಶ್ಲೇಷಣೆ ಸಂಸ್ಥೆಯು (ಐಎನ್‌ಎಸ್‌ಸಿಒಜಿ) ಕಳೆದ 60 ದಿನಗಳಲ್ಲಿ ನಡೆಸಿದ ಮಾದರಿ ಪರೀಕ್ಷೆಯಲ್ಲಿ ಕೋವಿಡ್‌ನ 90ಕ್ಕೂ ಹೆಚ್ಚು ಹೊಸ ತಳಿಗಳು ಪತ್ತೆಯಾಗಿವೆ ಎಂದು ಪ್ರಶ್ನೆಯೊಂದಕ್ಕೆ ನೀಡಿರುವ ಲಿಖಿತ ಉತ್ತರದಲ್ಲಿ ತಿಳಿಸಿದ್ದಾರೆ.